मत्ती 21:23 - सिरमौरी नौवाँ नियम

²³ तैणै मन्दिरो दा जाऐबा उपदैश दैय लौआ थिया, तौ मुख्य यहूदी पुरोहित औरौ यहूदी शास्त्री औरौ बुड़ेईक तैसकै धोरे आयौ पूछदै लागै, “की तू ऐजै काम कोसी औधिकार शै कौरे? औरौ ताखै ऐजा औधिकार कुणै दैय राए?”

Sirmouri

²³ प्रभू यीशू ऐ जबे देऊँठी दी ज़ाऐयों शिक्क्षा देऐ ही लऐ थी, तअ प्रधान-याजकों अरह् लोगो के ठगड़े ऐ तिन कैई शो आऐयों पुछो, “तुँऐं ऐजे काँम-काज़ कस्की हंक-अधिकार शे करह्? अरह् ऐजा हंक-अधिकार तुँओं खे कुँणें दिता?”

मत्ती 21:23 ပူးပေါင်းရင်းမြစ်များ

मत्ती 20:4

तिनुखै बौल़ौ, ‘की तुऐं बै अंगूरो कै बागो दै जांव, औरौ जू किछै ठीक हौल़ौ, सै तुऔं खै दैंदा।’ तोबै सैजै बै काम कौरदै हौटै।

मत्ती 21:24

यीशुए तिनुखै जोवाब दिया, “हांव बै तुऔं कैईंदै ऐक बात पूछु, जै तुऐं मुखै बोताल़ै, तौ हांव तुऔं खै बौतौऊंबा कै ऐजै काम कोसी औधिकार शै कौरु।

मत्ती 24:1

जोबै यीशु मन्दिरो पौरैशा निकल़ैयो जांदा लागै रौआ थिया, तोबै तैसकै चैलै तैसीखै मन्दिरो कै कारीगरी दिखाणौ खै तैसकै धोरे आए।

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

लूका 19:47

यीशु ऐई दूसै मन्दिर दा उपदैश दैया कौरौ थिया, औरौ मुख्य यहूदी पुरोहित औरौ यहूदी शास्त्री औरौ लोगौ कै नेता तैसीकै मारणौ का मौका जूओं थिए।

लूका 20:1

ऐक दूस ऐशै हौ, कै जोबै तैणै मन्दिर दा लोगौ खै उपदैश दैय लौआ थिया, औरौ सुसमाचार प्रचार कौरे लौआ थिया, तौ मुख्य यहूदी पुरोहित औरौ यहूदी शास्त्री, किछै बुड़ेईक तैसकै धोरे ओऊवे।

प्रेरितो कै काम 4:7

औरौ पतरस औरौ यूहन्ना कै बीच मुंजी खौड़ै कौरेयौ पूछदै लागै, “ऐसी आदमी कै ठीक कौरणौ कारिए कुणै तुऔं अनौखी शौकतै औरौ औधिकार दैय राए?”

प्रेरितो कै काम 7:27

पौरौ जैणै आपणै पड़ोसी पांदी अन्याय कौरे लौआ थिया, तैणै तैसीकै ऐजौ बौलेयौ कै धाका दिया, ‘ताखै कुणै आमु पांदी औधिकारी औरौ न्याय कौरणौवाल़ा ठोहराए राए?