मत्ती 20:34 - सिरमौरी नौवाँ नियम

³⁴ यीशुए तरस खाएयो तिनकी आखी छूंई, औरौ सै तौलोंई दैखदै लागै; औरौ तैसकै साथै हौटै गौवै।

Sirmouri

³⁴ तबे तरष खाऐंयों, प्रभू यीशू ऐ तिन्की आँ:खी छ़ूई, अरह् से तेख्णी दे:ख्दें लागे; अरह् से प्रभू यीशू पाछी चाले।

मत्ती 20:34 ပူးပေါင်းရင်းမြစ်များ

मत्ती 14:14

यीशुए किश्‍ती पौरैशौ उदे आयौ बौड़ी भीड़ दैखै, औरौ तैसी तिनु पांदी गीणौ लागी; औरौ तैणै तिनकै बीमारों खै ठीक कौरे।

मत्ती 15:32

यीशुए आपणै चैलै खै बौएदैयौ बौल़ौ, “मुखै इयौं भीड़ौ पांदी गिणौ लागै रोई; जिथुकै सै तीन दूसौ दी उंढी मैरै साथै औसौ, औरौ तिनुकैईं किछै बै खाणौ कै ना आथी; औरौ हांव इनुखै भूखै ना छाड़णै चोऊं; कोदी ऐशैखै नी हौंव कै बाटौ पुंडे खोड़ीयों बेहोश हौए जांव।”

मत्ती 20:33

तिनुऐ तैसीखै बौल़ौ, “ओए रै प्रभु; ऐजौ कै अमारी आखी ठीक हौए जांव।”

मत्ती 21:1

जोबै यीशु औरौ तैसकै चैलै यरूशलेम शहर कै नेड़िक पोऊंचे औरौ जैतून धारो पांदी बैतफगे गांव कै धोरे आए, तोबै यीशुए दु चैलै खै ऐजौ बौलेयौ भैजै।

मत्ती 8:15

तैणै तियांरा हाथ छुआ औरौ तियांरा ताप उतरे गौआ, औरौ सै बिज़यो तैसकै सेवा कौरदै लागै।

मत्ती 9:29

तोबै तैणै तिनकी आखी छोएयो बौल़ौ, “तुऐं बिशवाश कौरौए कै हांव तुऔं कै ठीक कौरे सौकु इथकारिए तुऐं ठीक हौए गौवै।”

मत्ती 9:36

जोबै तैणै भीड़ दैखै तौ तैसीखै लोगौ पांदी तरस ओऊवा, जिथु सै तिनु भेड़ो कै जैशणै थिए, जिनका कुणिए बै रोखवाल़ा ना आथी, जू व्याकुल औरौ भोटकैयोंदै थिए।

मरकुस 7:33

तोबै यीशुए तैसीखै भीड़ौ मुंजीदा ऐक ढौबौ निया, औरौ आपणै गोठै तैसकै कानो दै छोड़े, तिथकै बाद यीशुए आपणी गुठी पांदी थूक लोऊ औरौ तैसी आदमी कै जीभो खै छोए।

लूका 18:43

औरौ सै तौलोंई दैखदा लागा औरौ पौरमेशवर कै बौड़ाए कौरदा रौआ, औरौ तैसकै साथी हौटै गौआ, औरौ सौबै लोग दैखैयो पौरमेशवर कै बौड़ाए कौरदै लागै।

लूका 22:51

इथपांदी यीशुए बौल़ौ, “ऐबै बस कौरौ।” औरौ तैसका कान छौयौ तैसीकै ठीक कौर दिया।

लूका 7:13

तियौं दैखैयो प्रभु कै गिणौ लागी, औरौ तियौंखै बौल़ौ, “रौया नै।”

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।