मत्ती 20:28 - सिरमौरी नौवाँ नियम

²⁸ जैशैकै हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरी सेवा कौरौ, हांव कैई लोगौ कै तिनकै पापौ शै छुड़ाणो कारिए मौरणौ कै आए रौआ।”

Sirmouri

²⁸ ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 20:28 ပူးပေါင်းရင်းမြစ်များ

मत्ती 20:27

औरौ जू कुणिए तुऔं मुंजीदा प्रधान हौणा चांव, सै तोंवारा गुलाम बोणला।

मत्ती 26:28

जिथुकै ऐजा अंगूर का रस मैरै कौरार कै लोऊ कै जैशणा औसौ। जू बौहितै लोगौ कै ढौबौशै पापौ कै माफी कारिए बोवाए जांव।

मत्ती 8:20

यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मरकुस 10:45

पौरौ हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरै सेवा कौरौ, हांव कैई लोगौ खै तिनकै पापौ शै छुड़ाणो कारिए मौरणौ कै आए रौआ।”

मरकुस 14:24

औरौ तैणै तिनुखै बौल़ौ, “ऐजौ अंगूर को रस मैरै लोऊ कै जैशणौ औसौ। मैरौ लोऊ लोगौ कै ढौबौशौ बलिदान कै भैषो दो पैरो जांदो। इयौं बात लैई सैजी कौरार साबित हौलै जू पौरमेशवरे आपणै लोगौ आरी बाणै लोए।

लूका 22:27

जिथुकै बौड़ा कुण औसौ, सैजा जू खाणौ खांदा बौठै रौआ या सैजा जू सेवा कौरौ? हां सैजाई जू मैजौ पांदी खाणौ खांदा बौठै रौआ सै खास औसौ पौरौ हांव तोंवारै बीच दा सेवक कै जैशणा औसौ।”

रोमियों 4:25

यीशु अमारै पापौ कारिए मौरे गौआ, औरौ पौरमेशवर आमु धरमी बाणणौ कारिए तैसी औटेयौ जियुंदी कौरा।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

1 तीमुथियुस 2:6

मसीहे पाप औरौ मौत कै शौकतै शै सौबी लोगौ खै आज़ाद कौरणौ कारिए आपी खै बलिदान कौरा। तैसकै मौत कै दवारा, पौरमेशवरे सोही सौमय पांदी सबूत दिया कै सै सौबी लोगौ खै बौचाणा चांव।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

इब्रानियों 2:10

पौरमेशवरे इनु सौबी चीज़ौ खै बाणी औरौ सौबै चीज़ौ खै आपी कारिए संभाल़ेयौ राखी। इयौं बौजैह शै, कै बैजाए लोगौ खै आपणी महिमा दै साझा कौरौ, पौरमेशवरे ऐजा फोयसला लौआ कै ऐजौ सोही हौंदौ कै प्रभु यीशु दुख सैयौ सिध्द बौणै जांव जू चाल-चलन दा साफ औसौ। जिथुकै यीशु ही औसौ जू तिनु उध्दार कै ढौबौ लौए जांव।

इब्रानियों 5:8

जौबेकै, यीशु पौरमेशवर का बैटा थिया, तैणै तिनु दुखो कै दवारा जू तैणै सैय, पौरमेशवर कै आज्ञाओं का पालन कौरणा शिखा।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।

1 यूहन्ना 2:2

सैजाई अमारै पापौ खै माफ कौरणौ कारिए बलिदान हौए गौआ औरौ सिरफ आमु कारिए ही नी पौरौ सारै दुनिया कै लोगौ खै पापौ कै माफी कारिए बलिदान हौए गौआ।

प्रकाशितवाक्य 1:5

औरौ यीशु मसीह कै ढौबौशै तुऔं खै अनुग्रह औरौ शान्तै भैटौ, जैसकै वचन पांदी बिशवाश कौरे सौकौ, सैजाई औसौ जू मौरेयो हौजौ जियुंदी हौए गौआ औरौ सै इयौं दुनिया कै सौबी राज्यो दा शासक औसौ। औरौ यीशु मसीह आमुआरी प्यार कौरौ। सै आमु कारिए मौरे गौआ औरौ तैणै अमारै पापौ कै सौजा खै खत्म कौरे दी। इथ बौजैह शै आमु पुरोहितो का ऐक परिवार बौणै गौवै, जू तैसकै पिता पौरमेशवर कै सेवा कौरौ। इथकारिए यीशु मसीह खै महिमा औरौ औधिकार हमैशा भैटदी रौंव। आमीन।