मत्ती 20:23 - सिरमौरी नौवाँ नियम

²³ यीशुए तिनुखै बौल़ौ, “तुऐं दुख तौ झैलै सौकौ पौरौ आपणै सोऐं औरौ डैरै ढौबौ बोठाल़णा मैरा काम ना आथी पौरौ मैरै बापूए जू जौगैह तिनु कारिए तैयार कौरे राए सैजै तिनु कारिए औसौ।”

Sirmouri

²³ प्रभू यीशू ऐ, तिनखे बुलो, “सत्तिखे तुँऐं मेरा बेलुवा तअ पिं-पाँदें, परह् कोसी आप्णें सुऐं ढबे अरह् डेरे ढबे बंईठाल़णों का हंक-अधिकार मेरा ने आथी, ऐजो तिन्खे ही असो, जिन्खे मेरे स्वर्गो के पिता ऐ तियार करी थुवा।”

मत्ती 20:23 ပူးပေါင်းရင်းမြစ်များ

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

मत्ती 20:24

ऐजौ शोणेयो दस चैलै तिनु दु भाईयों पांदी गुस्से होवे।

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मरकुस 10:40

जोबै कै एसी फैसला का औधिकार मुंकैई ना आथी कै पौरमेशवर कै राज्य दा आदर कै जौगैह ऐक मैरै सोऐं औरौ दूजा मैरै डैरै ढौबौ कुण बोठला। पौरमेशवरे ऐजै जौगैह आपणै चोणेयौंदे लोगौ कारिए तैयार कौरे राए।”

प्रेरितो कै काम 12:2

तैणै चोणेयौंदे चैलै यूहन्ना कै भाई याकूब कै तलवारी लैई मार दिया।

रोमियों 8:17

औरौ जै नानड़िया औसौ, तौ वारिस बै, यानी पौरमेशवर कै वारिस औरौ मसीह कै सौरे वारिस औसौ। जै आमै यीशु साए दुखो कै सैहन कौरु, तौ आमै तैसकै महिमा दै शामिल हौंदै।

1 कुरिन्थियों 2:9

पौरौ पवित्र शास्त्र का ऐजाई मतलब औसौ कै जोबै सैजै बौल़ौए, “जू कौलोंई आखो लैई ना दैखी, जू कौलोंई कानो लैई ना शौणै रैई, औरौ जू आदमी कै दिलो दु ना उतरी, सैजौ सौबै पौरमेशवरे तिनु कारिए, जू प्रभु आरी प्यार कौरौ, तैयार कौरे राए।”

2 कुरिन्थियों 1:7

औरौ अमारै आशा तोंवारै बारै मुंजी मोजबूत औसौ, जिथुकै आमु जाणुए कै जैशैखै तुऐं अमारै दुखो दै शामिल औसौ, तैशैखैई अमारै तसल्ली दै बै शामिल हौंदै।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

इब्रानियों 11:16

पौरौ तिनुऐ ऐक बौड़ै देश कै आशा कौरे, जिथका मतलब औसौ स्वर्ग जाणौ खै, इथकारिए पौरमेशवर तिनका पौरमेशवर बौल़ै जाणौ शै खुशी थिया, जिथुकै तैणै तिनु कारिए ऐक नगर तैयार कौरे राए।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।