मत्ती 20:21 - सिरमौरी नौवाँ नियम

²¹ तैणै तियौंखै बौल़ौ, “तू का चांए?” तियैं यीशु खै ऐजौ बौल़ौ, “कै मैरै ऐजै दो बैटै ऐक तैरै राज्य दै ऐक तैरै सोऐं औरौ ऐक तैरै डैरै ढौबौ बौठौ।”

Sirmouri

²¹ प्रभू यीशू ऐ तियों खे बुलो, “तू का चाँऐं?” तिऐं तिनखे बुलो, “ऐजा बचन दियों, के मेरे दुईनें बैटे तुवाँरें राज्य दे ऐक सोऐं ढबे, अरह् ओका डेरे ढबे बईठो।”

मत्ती 20:21 ပူးပေါင်းရင်းမြစ်များ

मत्ती 18:1

तियौंई घोड़ी दै चैलै यीशु कै धोरे आयौ पूछदै लागै, “कै स्वर्ग कै राज्य दा बौड़ा कुण औसौ?”

मत्ती 19:28

यीशुए तिनुखै बौल़ौ, “हांव तुऔं खै साचौ बुलू, की नोऐं दुनिया दा जोबै आदमी का बैटा आपणै महिमा कै सिंहासन पांदी बोठला, तौ तुऐं बै जू मैरै चैलै औसौ, बारौ सिंहासन पांदी बोठेयो इस्राएल देश कै बारौ गोत्रो का न्याय कौरदै।

मत्ती 20:22

यीशुए तियौंखै जोवाब दिया, “तुऐं ना जाणौ कै का मांगै लो? का तुऐं दुख झैल़णौ कै तैयार औसौ जू दुख हांव झैल़णौ पांदी औसौ, का तुऐं पी सौकौ?” तिनुऐ तैसीकै बौल़ौ, “हौर आमै झैल सौकु।”

मत्ती 20:32

तोबै यीशुए खौलेयौ, तिनुखै बौईदै, औरौ बौल़ौ, “तुऐं का चांव कै हांव तुऔं कारिए कौरु?”

मरकुस 10:51

इथपांदी यीशुए तैसीखै बौल़ौ, “तू का चांए कै हांव तांव कारिए कौरु?” आन्धै तैसीखै बौल़ौ, “ओए रै गुरु, ऐजौ चोऊं कै हांव दैखदा लागू।”

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

मरकुस 6:22

ऐसी मोके पांदी हेरोदियास कै बैटी भीतरै आए, औरौ नाचेबा हेरोदेस खै औरौ तैसकै पोऊंणै कै खुश कौरे; तोबै राजाए बाईटी खै बौल़ौ, “तू जू किछै मुं कैंईदौ मांगली हांव ताखै दियुंबा।”

लूका 18:41

“तू का चांए कै हांव तांव कारिए कौरु?” तैणै बौल़ौ, “ओए रै प्रभु, ऐजौ चोऊं कै हांव दैखदा लागू।”

लूका 19:11

जोबै लोगै ऐजौ शौणै लोव थियु, तोबै यीशु आपणी बातौ बौलदा रौआ औरौ तिनु ऐक उदारण दिया, जिथुकै सै यरूशलेम शहर कै नेड़िक थिया, औरौ लोगौ कै जाणियुं कै पौरमेशवर का राज्य शट आन्दा लागै रौआ।

लूका 22:24

तोबै चैलै मुंजी बैहस हौए कै आमु मुंजी बौड़ा कुण सौमझा जांव?

यूहन्ना 15:7

जै तुऐं मुं दै बौणैयौंदे रौंव, औरौ मैरी शिक्षा तुऔं मुंजी बौणेयौंदी रोली, तौ जू किछै मांगलै, तिथु हांव तुऔं दैंदाए।

प्रेरितो कै काम 1:6

तेथियोड़े जोबै चोणेयौंदे चैलै दुजाल़ियो यीशु आरी भेटिए तौ तिनुऐ यीशु कैईंदु पूछु, “ओए रै प्रभु, का तू इस्राएल देश कै आज़ाद कौरणौ कारिए औरौ दुजाल़ियो अमारै राज्‍य कै बाणणौ कारिए तैरा सौमय आए गौआ?”

रोमियों 12:10

जैशणा प्यार आपणै परिवार आरी कौरौ तैशणाई प्यार ओकीआरी बै कौरौ; आपी मुंजी आदर कौरणौ दै ऐकी दूजै शै बौढ़ेयौ चालौ।

रोमियों 8:34

कुणिए बै अमारै निंदा ना कौरे सौकौ जिथुकै ऐजा यीशु मसीह औसौ, जू अमारै खातिर मौरे गौआ औरौ मौरेयौंदे मुंजीदा जियुंदी हौआ, औरौ जू अमारै तरफ शै अमारै खातिर बिन्ती कौरौ।

कुलुस्सियों 3:1

जैशै पौरमेशवरे मसीह कै मौरेयौंदे मुंजीदा जियुंदी कौरा तैशैखैई तुऔं बै जियुंदी कौरे राए, इथकारिए तिनु चीज़ौ कै खोज़ दै लागैयौंदे रौंव जू स्वर्ग दी राखै रैई जिथै मसीह पौरमेशवर कै धोरे सौबिदा आदर वाल़ै जौगैह पांदी बौठै रौआ।