मत्ती 2:6 - सिरमौरी नौवाँ नियम

⁶ ‘ओए रै यहूदिया प्रदेश कै बैतलहम गांव, तू कोसी बै बौजैह शै यहूदा कै ओधिपतियो मुंजीदा सौबिदा नानड़ा ना आथी, इथकारिए तांव पौरैशा ऐक ओधिपति निकल़दा, जू मैरै प्रजा इस्राएल देश कै लोगौ का चौराईया बोणदा।’”

Sirmouri

⁶ “हे, बैतलहम गाँव तू जू यहूदा प्रदेश दा असो, तू कैशा ही भी दाई यहूदा के हाक्मों मुझी सभी शा छोटा ने आथी, किन्देखे के तुँओं मुँझी ऐक हाक्म पय्दा हंदा, जुण्जा मेरी परजा इस्राएल का रंख्वाल़ा हंदा”

मत्ती 2:6 ပူးပေါင်းရင်းမြစ်များ

मत्ती 2:1

जोबै हेरोदेस राजा यहूदिया प्रदेश दा राज कौरौ थिया तोबै बैतलहम गांव दा यीशु का जन्म हौआ, तोबै पूरब दै कैई ज्योतिषी यरूशलेम शहर दै आयौ पूछदै लागै,

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

यूहन्ना 21:16

यीशुए हौजौ दुजाल़ियो तैसीखै बौल़ौ, “ओए रै शमौन यूहन्ना का बैटा का तू मुं आरी प्यार कौरे?” तैणै तैसी बौल़ौ, “हां, प्रभु तू तौ जाणै की हांव तांवआरी प्यार कौरु।” तैणै तैसी बौल़ौ, “मैरै लोगौ कै दैखभाल कौर जैशैखै ऐक चौराईया आपणै भेड़ो कै दैखभाल कौरौ।”

यूहन्ना 7:42

पवित्र शास्त्र दो लैखै राए कै मसीह राजा दाऊद कै वंशो पौरैशा औरौ बैतलहम गांव शै आन्‍दा, जिथै दाऊद रौंव थिया।”

इफिसियों 1:22

पौरमेशवरे सौबी चीज़ौ कै मसीह कै औधिकार कै अधीन कौरे राए। पौरमेशवरे तैसीकै कलीसिया पांदी ठोगड़े कै रुप दा चोणे राए।

कुलुस्सियों 1:18

मसीह कलीसिया कै अगुवाई तैशै कौरौ, जैशै ऐकी आदमी कु मुंड तैसकै शोरीर कै काबू कौरौ, सैजाई शुरुआत औसौ, औरौ मौरेयौंदे मुंजीदा जिंदा हौणौवाल़ौ मुंजीदा आगला औसौ, कै सौबी बातौ दा प्रधान ठौहरौ।

इब्रानियों 7:14

सौबै जाणौए, कै अमारा प्रभु यीशु यहूदा कै पीढ़ी का औसौ औरौ मूसाए यहूदा कै कोसी बै पीढ़ी कै पुरोहित बाणणौ कै बारै मुंजी किछै ना बौतैई औरौ ना ही यहूदा कै कोसी पीढ़ी मुंजीदा कुणिए बै पुरोहित ना बौणी थी।

प्रकाशितवाक्य 11:15

जोबै सातवें स्‍वर्गदूतै तुरही फोकै, तौ मोऐं स्वर्ग दी बौड़ी धाव मारदै बैई शुणा: “दुनिया दा ऐबै हौजौ कुणिए ना आथी जू राज कौरौ। सिरफ अमारा प्रभु पौरमेशवर औरौ तैसका चोणेयौंदा मसीह। औरौ सै हमैशा-हमैशा कारिए राज कौरदा।”

प्रकाशितवाक्य 2:27

हांव तिनु राज्य कौरणौ का सैजाई औधिकार दैंदा जैशै मैरै पिताए मुखै दैय राए। तिनका राज्य लोहे कै जैशणा मोजबूत हौंदा जू ना टूटौ, औरौ तिनकै दुशमन टुटेयौंदे माटी कै बासणौ कै जैशणै हौंदै।

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”