मत्ती 2:2 - सिरमौरी नौवाँ नियम

² “यहूदियों का राजा जैसका जन्म हौए रौआ, कुकै औसौ? औरौ आमुए पूरब दिशा दा तैसकै जन्म कै बारै मुंजी बोताणौ वाल़ा तारा दैखै राए औरौ तैसीखै ढाल़ कौरदै आए रौवै।”

Sirmouri

² “यहूदिया का राजा जिनका जन्म हऐ रूवा, से केथै असो? किन्देखे के आँमें पूर्व दिषा दा तिनका तारा दे:खी थुवा, अरह् आँमें तेसी राजा के दर्शण अरह् नंमष्कार कर्दें आऐ रूऐ।”

मत्ती 2:2 ပူးပေါင်းရင်းမြစ်များ

मत्ती 2:3

तैसकै जन्म कै बारै मुंजी शोणेयो हेरोदेस राजा औरौ तैसकै साथौ कै यरूशलेम शहर कै बौहितै सारै लोग डौरे गौवै।

मत्ती 21:5

“सिय्योन की बैटी खै बौल़ौ, ‘दैख, तैरा राजा तैरै धोरे आन्दा लागै रौआ; सै नम्र औसौ औरौ सै गाधड़ू पांदी बौठै रौआ; यानी गोधी कै गाधडू पांदी।’”

मत्ती 27:11

जोबै यीशु राज्यपाल पिलातुस कै सामणै खौड़ा थिया तौ राज्यपाले तैसी पूछु, “का तू यहूदियों का राजा औसौ?” यीशुए तैसी बौल़ौ, “तुऐं आपी ही लौ बौल़ै।”

लूका 19:38

“धन्‍य औसौ सैजा राजा जू प्रभु कै औधिकार शै आंव। स्वर्ग दै शान्तै औरौ महिमा हौंव।”

लूका 2:11

कै ऐलो राजा दाऊद कै बैतलहम शहर दा तुऔं कारिए ऐक उध्दार कौरणौवाल़ा जन्मे रौआ, औरौ ऐजाई मसीह प्रभु औसौ।

लूका 23:3

राज्यपाल पिलातुसे तैसीयांदो पूछु, “का तू यहूदी लोगौ का राजा औसौ?” यीशुए तैसीखै जोवाब दिया, “तुऐं आपी ही बौल़ै लो।”

लूका 23:38

औरौ यीशु कै मुंडो कै ऊबै तौकती किलियों लाए दै जिथपांदी लैखै राए थियु कै, “ऐजा यहूदी लोगौ का राजा औसौ।”

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 12:13

तिनुऐ खजूरो की डाल़ी कौरी, औरौ तैसी भैटिंदै हौटै, औरौ जोर शै लैरौ मारेयों बौल़ौ, “पौरमेशवर कै बौड़ाए हौंव! धन्‍य औसौ इस्राएल देश का राजा, जू प्रभु कै औधिकार शै आंव।”

यूहन्ना 18:37

राज्यपाल पिलातुसे बौल़ौ, “तौ का तू राजा औसौ? यीशुए जोवाब दिया, तू बौल़ै कै हांव राजा औसौ। मैरै जन्म लोणो औरौ दुनिया पांदी आणौ कै बौजैह ऐजै औसौ कै हांव सच कै बारै मुंजी शिखाए सौकु, औरौ सच कै मानणोवाल़ै सौबै मैरी बातौ शुणौ।

यूहन्ना 19:19

राज्यपाल पिलातुसे यीशु कै मुंडो कै ऊबै क्रूसो पांदी ऐक आरोप पत्र लौआए दिया, औरौ तिथपांदी ऐजौ लैखै राए थियु, “नासरत गांव का यीशु, यहूदी लोगौ का राजा।”

यूहन्ना 20:28

ऐजौ शोणेयो थोमाए जोवाब दिया “ओए रै मैरै प्रभु, ओए रै मैरै पौरमेशवर!”

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 9:38

तैणै बौल़ौ, “ओए रै प्रभु हांव तांव पांदी बिशवाश कौरु।” औरौ तैसकै आराधना कौरे।

इब्रानियों 1:6

औरौ जोबै पौरमेशवरे आपणै बैजाए महान बैटै खै दुनिया दा भैजा, तौ बौल़ौए, कै “पौरमेशवर कै सौबै स्‍वर्गदूत बैटै कै आराधना कौरौ।”

प्रकाशितवाक्य 22:16

मोऐं, यीशुए आपणै स्‍वर्गदूत खै तोंवारै धोरे इनु बातौ कै घोषणा कौरणौ कारिए भैजै राए जू पौरमेशवर कै लोगौ कै समूह मुंजी औसौ। हांव राजा दाऊद का वंशज औसौ; हांव ही औसौ, जू तैसी तारै साए औसौ जू सुरज निकल़णौ कै सौमय बै दैखियौं औरौ मुखै बियाणु का तारा बौल़ौ।