मत्ती 2:11 - सिरमौरी नौवाँ नियम

¹¹ औरौ तिनुऐ तैसी घोरो दै जाएयो तैसी बैटै खै तैसकै माँ मरियम कै साथै दैखा, औरौ तिनुऐ झोकैयौ तैसी बैटै खै ढाल़ कौरे, औरौ आपणा-आपणा झोल़ा खौलेयौ तैसीखै सूनु, लोबान औरौ गन्‍धरस कै भैंट चौढ़ाए।

Sirmouri

¹¹ तेसी घर दे दाखिल हऐयों तिनिऐं सेजा बालक तेस्की माँ, मरियम की गईलो दे:खा, अरह् तिन्ऐं ऊद मुँऐं लाम्बे पसरियों तेसी बालक खे नंमष्कार करी, अरह् तबे तिनिऐं आप्णें झुल़ै खलियों आप्णें किम्त्ती तुफे सुनों, लोबाँन, अरह् गन्धरंस-सैंन्ट, तेस्खे भेंट चड़ाऐ।

मत्ती 2:11 ပူးပေါင်းရင်းမြစ်များ

मत्ती 1:18

यीशु मसीह का जन्म ऐशैखै हौआ, जौल़ौ तैसकै माँ मरियम कै सोगाए यूसुफ कै साथै हौए गौए, तिनकै बियाव हौणौ दै औगौड़ियौ तियांरै पवित्र आत्मा कै शौकतै शै होल़किणु हौं, जोबै कै सै इबी कुंवारी थी।

मत्ती 12:46

जोबै यीशुए भीड़ौ मुंजी बातौ कौरे लोई थी, तोबै तैसकै माँ औरौ भाए बायरै खौड़ै थिए, औरौ तैसीआरी बातौ कौरणी चांव थिए।

मत्ती 14:33

इथपांदी जू किश्‍ती दै थिए, तिनुऐ तैसीखै झोकैबा ढाल़ कौरेयौ बौल़ौ, “तू सौथी कै, पौरमेशवर का बैटा औसौ।”

मत्ती 2:2

“यहूदियों का राजा जैसका जन्म हौए रौआ, कुकै औसौ? औरौ आमुए पूरब दिशा दा तैसकै जन्म कै बारै मुंजी बोताणौ वाल़ा तारा दैखै राए औरौ तैसीखै ढाल़ कौरदै आए रौवै।”

लूका 2:16

औरौ तिनुऐ तौलोंई बैतलहम नगर दै जाऐबा मरियम औरौ यूसुफ खै औरौ खुरल़ी दा तैसी भेइया खै पौड़ेयौंदा दैखा।

लूका 2:38

औरौ सै तैसी सौमय आयौ पौरमेशवर का धन्यवाद कौरदै लागै, औरौ तिनु सौबी शै जू यरूशलेम शहर कै लोगौ कै छुड़ाणो कारिए मसीह कै भैजणौ का इंतजार कौरे लौआ थिया, तैसकै बारै मुंजी बातौ कौरदै लागै।

यूहन्ना 19:39

नीकुदेमुस बै जू औगौड़ियौ यीशु कै धोरे रातै कै भैटिंदा आए रौआ थिया, तैणै तैंतीश किलोग्राम कै लमसम मिलेयौंदौ गन्‍धरस औरौ ऐलोवेरा लियोऊ।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”

प्रकाशितवाक्य 5:8

जोबै तैणै किताब कौरे पाए, तौ सैजै चारै प्राणी औरौ चौबीशौ पुराणिया तैसी मेम्ने कै सामणै झौकै गौवै; हरेक पुराणियाए ऐक बीणा औरौ सूनै लैई बौणेयौंदा छाना पाकड़ै राए थिया। छाना धूप लैई भौरेयौंदा थिया जू पौरमेशवर कै पवित्र लोगौ की प्रार्थनाओं खै दिखांव।