मत्ती 19:23 - सिरमौरी नौवाँ नियम

²³ तोबै यीशुए आपणै चैलै खै बौल़ौ, “हांव तुऔं खै साचौ बुलू, कि सैठ लोगौ कै स्वर्ग कै राज्य दो जाणौ बौहितु मुशकिल औसौ।

Sirmouri

²³ तबे प्रभू यीशू ऐ आप्णें चैले खे बुलो, “हाँव तुँओं खे खास बात बुलू, के सेठो को स्वर्गो के राज्य दो दाखिल हंणों कठींण असो।

मत्ती 19:23 ပူးပေါင်းရင်းမြစ်များ

मत्ती 13:22

जू झाड़ी मुंजी बोए राए, सैजै ऐजै लोग औसौ जिनुवै पौरमेशवर कै वचन कै शुणा, पौरौ आपणै जीवन कै चिन्‍ता, औरौ धन-दोलत कै धौखै कै बौजैह शै वचन कै मानणा छोड़े दैंव; औरौ सैजै बिना फोल़ कै जिन्दगी जियौं।

मत्ती 18:3

औरौ बौल़ौ, “हांव तुऔं खै साचौ बुलू, जै तुऐं आपणै पापौ शै ना फिरले औरौ नानड़िया कै जैशणै ना बोणले, तौ स्वर्ग कै राज्य दै ना जाए सौकदै।

मत्ती 19:22

पौरौ सैजा जवान ऐजै बात शोणेयो उदास हौआ औरौ तिथैदा आगु हौटा, जिथु सै बैजाए सैठ थिया।

मत्ती 21:31

इनु दु मुंजीदै कुणै पिता कै इछा पूरै कौरी?” तिनुऐ बौल़ौ, “आगलै।” यीशुए तिनुखै बौल़ौ, “हांव तुऔं खै साचौ बुलू, की महसूल लोणो वाल़ै औरौ वेश्या तुऔं दै आगै पौरमेशवर कै राज्य दै प्रवेश कौरदै।

मत्ती 5:20

जिथुकै हांव तुऔं खै बुलू, कै तुऐं स्वर्ग कै राज्य दै तोबै प्रवेश कौरे पांदै जोबै तुऐं यहूदी शास्त्री औरौ फरीसी लोगौ कै तुलना दै जादा भरोशै कै लायक हौलै जू पौरमेशवर कै बातौ खै पूरी कौरौ।”

मरकुस 10:23

यीशुए चोऊ ढौबौ दैखैयो आपणै चैलै खै बौल़ौ, “सैठ लोगौ कै पौरमेशवर कै राज्य दो जाणौ बौहितु मुशकिल औसौ!”

लूका 18:24

यीशुए तैसी दैखैयो बौल़ौ, “सैठ का पौरमेशवर कै राज्य दौ जाणौ केतरो मुशकिल औसौ।

यूहन्ना 3:3

यीशुए तैसीखै जोवाब दिया कै, “हांव ताखै साचौ-साचौ बुलू, जै कुणिए नोऐं सिरै शै ना जन्मो तौ पौरमेशवर कै राज्य ना दैखै सौकौ।”

यूहन्ना 3:5

यीशुए जोवाब दिया, “हांव ताखै साचौ-साचौ बुलू, जांव तौड़ी कुणिए आदमी पाणी औरौ पवित्र आत्मा शै ना जन्मो तौ सै पौरमेशवर कै राज्य दै जाए ना सौकौ।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

1 कुरिन्थियों 1:26

ओए रै बिशवाशी भाईयों, पौरमेशवरे आमुखै आपणै बैटै, अमारै प्रभु यीशु मसीह कै साथै एकजुट हौणौ कारिए चोणे राए, आदमी कै नज़रीयै शै आमु मुंजीदै कुणिए बै बुध्दिमान औरौ शौकतीशाली औरौ राजा या नेताओं औरौ खास पुराणिया मुंजीदै ना थी।

याकूब 2:6

पौरौ तुऐं तैसी गरीब कै बैज्जती कौरे राए। तुऐं जाणौए कै ऐजै सैठ लोग ही औसौ जू तुऔं पांदी अत्याचार कौरौ। सैजैई औसौ जू तुऔं कै जबरदस्तै अदालत दा लौए जांव।