मत्ती 19:20 - सिरमौरी नौवाँ नियम

²⁰ तैसी जवाने यीशु खै बौल़ौ, “इनु सौबी आज्ञा खै तौ हांव मानुए; ऐबै मुं दै कियों बातौ कै कमी औसौ?”

Sirmouri

²⁰ तेने जोवाने प्रभू यीशू खे जबाब दिता, “हाँव तअ ईन्दें का पाल़ण करू; ऐबे मुँदी कियों बातो की कमी असो?”

मत्ती 19:20 ပူးပေါင်းရင်းမြစ်များ

मत्ती 19:19

आपणै बापू औरौ आपणै माँ का आदर कौरेया, औरौ आपणै पड़ोसी आरी तैशणा प्यार कौर जैशणा आपिआरी कौरे।”

मत्ती 19:21

यीशुए तैसीखै बौल़ौ, “जै तू सिध्द हौणौ चांए; तौ जा, औरौ सौब ठुँ बिकैयो आपणा धन गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 15:29

पौरौ तैणै बापू खै जोवाब दिया, ‘दैख, मोऐं ऐतरै सालो तौड़ी तैरै सेवा कौरे लोए औरौ कौलोंई बै तैरै बात ना टाल़ी, तोबै बै तुऐं मुखै कौलोंई बै आछौ ना दी कै हांव आपणै दोस्तो कै साथै जोश्न मोनाए सौकु।

लूका 15:7

हांव तुऔं बुलू; कै ऐशैखैई ऐक पाप कौरणौवाल़ै आदमी कै बारै मुंजी बै स्वर्ग दा ऐतरा ही जोश्न हौंदा, जिशैक कै नीनाणुवें ऐशणै धरमी लोगौ कै बारै मुंजी ना मौनाया जांदा, जिनु पाप कौरणै छौड़णौ कै जौरुरत ना आथी।”

यूहन्ना 8:7

जोबै सै तैसीयांदो पूछदै लागै, तोबै तैणै सीधै खौड़ै हौयौ खै तिनुखै बौल़ौ, “तुऔं मुंजीदै जिनुवै कौलोंई बै पाप ना कौरे रैई, सैजाई इयौंकै आगला पाथर मारो।”

रोमियों 7:9

आगै तौ हांव मूसा कै कानून कै बिना जाणै जियुंदी थिया, पौरौ जोबै मोऐं मूसा कै कानून जाणै पाए, तौ पाप कौरणौ कै शौकतै मुं दै बौढ़दै लागै, औरौ पापै मुखै पौरमेशवर शै जौई कौरे दिया।

गलातियौं 3:24

इथकारिए मसीह कै आणौ तौड़ी मूसा कै कानून अमारै मौदद कौरणौ कारिए औरौ अमारै दैखभाल कौरणौ कारिए दैय राए थिए, ताकि यीशु मसीह दै बिशवाश कौरणौ कै दवारा पौरमेशवर कै सामणै धरमी साबित हौंव।

फिलिप्पियों 3:6

जोश कै बारै मुंजी जै बुलू तौ हांव कलीसिया कै सोताणो वाल़ा थिया; औरौ यहूदी कानून का पालन कौरणौ मुंजी हांव ऐक धरमी आदमी थिया जिथुकै मोऐं तिनु सौबी बातौ का पालन कौरा।