मत्ती 18:5 - सिरमौरी नौवाँ नियम

⁵ औरौ जू कुणिए मैरै नांव शै ऐक ऐशणै नानड़िया खै अपनांव सै मुखै अपनांव।

Sirmouri

⁵ अरह् जुण्जा कुँऐं मेरे नाँव शो ऐक ऐष्णों नहाँन्ड़िया धारण करह्, से मुँह धारण करदा।”

मत्ती 18:5 ပူးပေါင်းရင်းမြစ်များ

मत्ती 18:4

जू कुणिए आपी खै ऐसी भैईया कै साए नानड़ा बाणल़ा, सै स्वर्ग कै राज्य दा बौड़ा हौंदा।

मत्ती 18:6

पौरौ जू कुणिए इनु नानड़ै लोगौ मुंजी शै जू मुं पांदी बिशवाश कौरौ, औरौ तैसकै पाप कौरवाणौ कै बौजैह बौणौ तैसी कारिए ऐजौ आछौ हौंदौ कै ऐक बौड़ै चाकी का पाथर तैसकै टाटु दा टांगै दैंव औरौ तैसी डुंगै समुन्द्र दा पाए दैंव, जिथु तैसीखै ऐजै बुरै सौजा औसौ। पौरौ पौरमेशवर तैसीखै इंदैदी बै बुरै सौजा दैला।

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 25:45

तोबै हांव तिनुकै जोवाब दैन्‍दा, ‘हांव तुऔं खै साचौ बुलू कै तुऐं जू इनु नानड़ै शै नानड़ै मुंजी कोसी ऐकी कै साथै नै कौरी, सै मैरै साथै बै ना कौरी।’

मत्ती 7:8

जिथुकै जू कुणिए मांगलै, तैसीखै दैय जांदो, औरौ जू कुणिए जौला, तैसीखै भैटी जांदो, औरौ जू कुणिए खोट-खोटाला तैसीखै दवार उंडु खोले जांदो।”

मरकुस 9:37

“जू कुणिए मैरै नांव शै इनु जैशणै नानड़िया मुंजी शै कोसी ऐकी कै अपनांव, सै मुखै अपनांव। औरौ जू कुणिए मुखै अपनांव, सै सौथी कै पौरमेशवर कै अपनांव, जैणै मुखै छाड़ै राए।”

मरकुस 9:41

जू कुणिए तुऔं खै ऐक गिलास पाणी इथकारिए पियांव कै तुऐं मसीह कै चैलै औसौ तौ हांव तुऔं खै साचौ बुलू कै पौरमेशवर जौरुर तैसी आदमी का भोला कौरदा।”

लूका 9:48

औरौ तिनु बौल़ौ, “जू कुणिए मैरै नांव शै ऐसी भेइया कै बै अपनांव, सै मुखै अपनांव; औरौ जू कुणिए मुखै अपनांव सै मैरै भैजणौवाल़ै पौरमेशवर कै अपनांव, जिथुकै जू तुऔं मुंजीदा सौबिदा नानड़ै दा नानड़ा औसौ, सैजाई बौड़ा औसौ।”

यूहन्ना 13:20

हांव तुऔं कैंई साचौ-साचौ बुलू, जू कुणिए बै मैरै छाड़ैयोंदे कै औपनांव, सै मुखै औपनांव; औरौ जू कुणिए मुखै औपनांव, सै मैरै भैजणौवाल़ै पौरमेशवर कै अपनांव।”

गलातियौं 4:14

औरौ मैरी बीमारीए तुऔं कारिए बैजाए पौरैशानै पौयदा कौरे। पौरौ तुऐं मुखै जलील ना कौरी औरौ तुऐं मुखै बायरै बै ना घाड़ी। पौरौ तुऐं मैरा ऐशणा स्‍वागत कौरा, मानौ हांव पौरमेशवर का स्‍वर्गदूत या आपी यीशु मसीह औसौ।