मत्ती 18:4 - सिरमौरी नौवाँ नियम

⁴ जू कुणिए आपी खै ऐसी भैईया कै साए नानड़ा बाणल़ा, सै स्वर्ग कै राज्य दा बौड़ा हौंदा।

Sirmouri

⁴ जुण्जा कुँऐं आपु-आप्खे ऐसी नहाँन्ड़िया जेष्णाँ छुटा बंणाला, तेसी स्वर्गो के राज्य दा सोभी शा बड़ा बंणाँया ज़ाँदा।

मत्ती 18:4 ပူးပေါင်းရင်းမြစ်များ

मत्ती 18:1

तियौंई घोड़ी दै चैलै यीशु कै धोरे आयौ पूछदै लागै, “कै स्वर्ग कै राज्य दा बौड़ा कुण औसौ?”

मत्ती 18:3

औरौ बौल़ौ, “हांव तुऔं खै साचौ बुलू, जै तुऐं आपणै पापौ शै ना फिरले औरौ नानड़िया कै जैशणै ना बोणले, तौ स्वर्ग कै राज्य दै ना जाए सौकदै।

मत्ती 18:5

औरौ जू कुणिए मैरै नांव शै ऐक ऐशणै नानड़िया खै अपनांव सै मुखै अपनांव।

मरकुस 10:43

पौरौ तुऔं मुंजी ऐशै नी हौणौ चैंई, पौरौ जू कुणिए तुऔं मुंजी बौड़ा हौणा चांव, सै तोंवारा सेवक बोणौ।

मरकुस 9:34

पौरौ सै चुपी रौवै, जिथुकै बाटौ पुंडी तिनुऐ आपी मुंजी ऐजै चौर्चा कौरे लोए थी, कै आमु मुंजीदा बौड़ा कुण औसौ?

लूका 14:11

जिथुकै जू कुणिए आपी कै बौड़ा सौमझला, सै नानड़ा कौरा जांदा, औरौ जू कुणिए आपी कै नानड़ा सौमझला, सै बौड़ा कौरा जांदा।”

लूका 9:48

औरौ तिनु बौल़ौ, “जू कुणिए मैरै नांव शै ऐसी भेइया कै बै अपनांव, सै मुखै अपनांव; औरौ जू कुणिए मुखै अपनांव सै मैरै भैजणौवाल़ै पौरमेशवर कै अपनांव, जिथुकै जू तुऔं मुंजीदा सौबिदा नानड़ै दा नानड़ा औसौ, सैजाई बौड़ा औसौ।”

याकूब 4:10

प्रभु कै धोरे दीन बौणौ, तौ सै बै तुऔं आदर दैंदा।

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”