मत्ती 18:24 - सिरमौरी नौवाँ नियम

²⁴ तोबै सै लैखा लोन्दा लागा, तौ तोबै ऐक आदमी तैसकै सामणै लियोऊवा जैसी पांदी दस हजार सूनै कै सिके कै थोली का कर्जदार थिया।

Sirmouri

²⁴ जबे से लेखा-ज़ोखा लंदा लागा, तअ ऐक झुणा तेस कैई आँणा गुआ, जेसी कैई दष हजार सुन्नें की सर्फी के कर्जी थी।

मत्ती 18:24 ပူးပေါင်းရင်းမြစ်များ

मत्ती 18:23

इथकारिए स्वर्ग का राज्य तैसी राजा कै साए औसौ, जैणै आपणै नोकरो कैईंदा लैखा लोणा चोऊवा।

मत्ती 18:25

जोबै तैसीकैईं कर्जा चुकाणो कारिए किछै नै थी, तोबै तैसकै मालिकै तैसीखै बौल़ौ, कै ऐसीकै औरौ ऐसकै घोरवाल़ी औरौ नानड़िया औरौ जू किछै ऐसको औसौ सौबै बिक दैंव, औरौ सैजौ कर्जा चुकाऐ दैंव।

मत्ती 25:15

तैणै ऐकी खै सूनै कै पाँच झोल़े दिए, जिथका दाम बीश सालो कै धियाड़ी कै बोराबर औसौ। औरौ दूजै कै दो सूनै कै झोल़े दिए, औरौ तिजै खै ऐक सूनै का झोल़ा दिया, औरौ सौबी खै तिनकी काबलियत कै हिसाब शै दियु, औरौ तोबै प्रदेश खै हौटा।

मत्ती 25:16

तोबै जैसीखै पाँच झोल़े दैय रौए थिए, तैणै शट जाऐबा तिनुलैई लैण-देण कौरा औरौ पाँच झोल़े हौजौ कमाए।

मत्ती 25:20

जैसीखै पाँच सूनै कै झोल़े भैटी रौवै थिए, तैणै आयौ बौल़ौ, ‘ओए रै मालिक तुऐं मुखै पाँच झोल़े दैय राए थिए, दैख मोऐं पाँच हौजौ राए कमाए जिथकै पाँच झोल़े कै धियाड़ी बिश सालो कै धियाड़ी कै बोराबर औसौ।’

मत्ती 25:22

औरौ जैसीकै दो झोल़े भैटी रौवै थिए, तैणै बै आयौ खै बौल़ौ, ‘ओए रै मालिक तुऐं मुखै दो झोल़े सौंपै राए थिए, दैख, मोऐं दो झोल़े हौजौ कमाए।’

मत्ती 25:24

तोबै जैसीखै ऐक झोल़ा भैटी रौआ थिया, तैणै आयौ बुलू, ‘ओए रै मालिक, हांव ताखै जाणुए कै तू कठोर आदमी औसौ, तू ओकी लोगौ कै काम शै फायदा कमाणौ कै उमीद कौरे औरौ जिथै बिज़ ना बोए तिथै दो कौठौ कौरे।’

लूका 13:4

औरौ का तुऐं ऐजौ सौमझौ कै ऐजै अठारो लोग तोबै दौबेयौ मौरे गौवै थिए, जौल़ौ यरूशलेम शहर कै धोरे शीलोह को गुम्मट तिनु पांदी पौड़ौ? तौ का सै यरूशलेम शहर कै रौणौवाल़ै लोगौ दै जादा पापी थिए?

लूका 16:5

तोबै तैणै आपणै मालिक कै देणदारो कै ऐक-ऐक कौरेयौ बौएदैयौ आगलैयादो पूछु, कै तांव पांदी मैरै मालिक का किशैक कर्जा औसौ?

लूका 16:7

हौजौ तैणै दूजेयादो पूछु, तांव पांदी किशैक कर्जा औसौ? तैणै बौल़ौ, शौ कनसतर गियुँ, तोबै तैणै तैसी बौल़ौ, “आपणा खाता-बही लिख औरौ बोठेयो तावल़ो आस्सी कनसतर लिख दै।”