मत्ती 18:10 - सिरमौरी नौवाँ नियम

¹⁰ दैखौ, तुऐं इनु नानड़ै मुंजीदै कोसी खै बैकार नै जाणैया, जिथुखै हांव तुऔं खै बुलू, की स्वर्ग दै तिनुखै रोखवाल़ै स्‍वर्गदूत मैरै पिता कै सामणै हाजिर रौंव।

Sirmouri

¹⁰ “ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:10 ပူးပေါင်းရင်းမြစ်များ

मत्ती 1:20

जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ।

मत्ती 12:20

जैसी कोसी कै बै कुणजै समस्या औसौ सै बौल़ेयोंदे बाती कै जैशणी औसौ, सै तिथुकै कुणजाई बै नुकसान ना पोऊचांदा, औरौ आखरी दा सै न्याय खै जीतणौ कै बौजैह बौणदा।

मत्ती 18:14

ऐशैकैई तोंवारा पिता जू स्वर्ग दा औसौ तैसकी ऐजै इछा ना आथी, कै इनु नानड़ै मुंजी शै ऐक बै नाश हौंव।”

मत्ती 18:6

पौरौ जू कुणिए इनु नानड़ै लोगौ मुंजी शै जू मुं पांदी बिशवाश कौरौ, औरौ तैसकै पाप कौरवाणौ कै बौजैह बौणौ तैसी कारिए ऐजौ आछौ हौंदौ कै ऐक बौड़ै चाकी का पाथर तैसकै टाटु दा टांगै दैंव औरौ तैसी डुंगै समुन्द्र दा पाए दैंव, जिथु तैसीखै ऐजै बुरै सौजा औसौ। पौरौ पौरमेशवर तैसीखै इंदैदी बै बुरै सौजा दैला।

मत्ती 2:13

तिनकै जाणौ कै बाद, स्‍वर्गदूतै सुईणै दौ आयौ यूसुफ कै बौल़ौ, “ऊबा बिज़! तैसी भैईया औरौ तैसकी माँ खै नियौ मिस्र देशो कै दौड़ै जा; औरौ जांव तौड़ी मोऐं ताखै नै बुली, तांव तौड़ी तिथी रौया, जिथुखै हेरोदेस राजा ऐसी भैईया खै जोंदा लागै रौआ, कै तैसीखै मरवाऐ दैंव।”

मत्ती 2:19

यूसुफ, मरियम औरौ नानड़ा भैईया इबी तौड़ी मिस्र देश दै ही थिए। हेरोदेस राजा कै मौरणौ कै बाद स्‍वर्गदूतै मिस्र देश दौ यूसुफ खै सुईणै दौ आयौ बौल़ौ।

मत्ती 24:31

हांव आदमी का बैटा आपणै स्‍वर्गदूतौ कै तुरही कै बौड़ै आवाज़ो कै साथै भैजदा जू चोऊ दिशाओं शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

लूका 1:19

स्‍वर्गदूतै तैसीखै जोवाब दिया, “हांव जिब्राईल औसौ; जू पौरमेशवर कै सामणै खौड़ा रौंव; औरौ मुखै तांवआरी बातौ कौरदा औरौ ताखै ऐजा सुसमाचार प्रचार कौरदा भैज राए।

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

लूका 16:22

ऐक दूस ऐशैकै हौं कै सैजा गरीब बै मौरे गौआ, औरौ स्‍वर्गदूतै तैसी नियौ अमारै पुराणिया अब्राहम कै धोरे आदर कै ठाँव दा पोऊंचोऊवा। औरौ सैजा सैठ बै मौरा औरौ तैसी जोमीनो दा दाबी दिया।

प्रेरितो कै काम 10:3

ऐकी दूसै, दोफारी कै लमसम ती बोजे तैणै दर्शन दो साफ-साफ दैखौ कै पौरमेशवर कै ऐकी स्‍वर्गदूतै तैसकै धोरे भीतरै आयौ बौल़ौ, “ओए रै कुरनेलियुस।”

प्रेरितो कै काम 12:15

तिनुऐ तियौंखै बौल़ौ, “तू पागल औसौ।” पौरौ तियैं बिशवाश शै बौल़ौ, औरौ ओड़ेयौंदे रोए कै ऐजाई पतरस औसौ, तोबै तिनुऐ बौल़ौ, “तैसका स्‍वर्गदूत हौला।”

प्रेरितो कै काम 12:23

तैसी सौमय प्रभु कै ऐकी स्‍वर्गदूतै तौलोंई तैसी मारा, जिथुकै तैणै पौरमेशवर कै महिमा ना कौरी औरौ तैसकै शोरीर दै कीड़ै पौड़ै गौवै औरौ सै मर गौआ।

प्रेरितो कै काम 27:23

जिथुकै पौरमेशवर जैसका हांव औसौ, औरौ जैसकी हांव आराधना कौरु, तैसकै स्‍वर्गदूतै बियाल़ियो रातै मैरै धोरे आयौ खै बुलू,

प्रेरितो कै काम 5:19

पौरौ राती कै प्रभु कै ऐकी स्‍वर्गदूतै कोयदखाने कै दवार खौलेयौ तिनु बायरै लायौ बौल़ौ,

रोमियों 14:10

तौ तुऐं किथु आपणै साथी बिशवाशी भाई पांदी दोष लांव? या तोबै तुऐं किथु आपणै साथी बिशवाशी कै बैकार जाणौ? आमु सौबी का न्याय पौरमेशवर कै दवारा हौंदा।

रोमियों 14:21

भोला तौ ऐजौ औसौ कै तू ना मांस खाएं औरौ ना अंगूर का रस पिंए, औरौ ना किछै ऐशणौ कौरे जिथलैई तैरा साथी बिशवाशी पाप दा नै पौड़ौ।

रोमियों 15:1

आमै जू बिशवाश दै मोजबूत औसौ जाणुए कै इनु बातौ लैई कुणजाई फर्क ना पौड़ौ, पौरौ आमु तिनु सिरफ आपी कै खुश कौरणौ कारिए ना कौरे सौकु। आमु तिनु लोगौ कै शकौ औरौ डौर पांदी सुंचणौ चैंई जू इनु बातौ कै गौलत मानौ।

1 कुरिन्थियों 11:22

तुऐं आपणै घोरे खाए औरौ पी सौकौ। तुऐं सोमझो, कै पौरमेशवर कै कलीसिया खास ना आथी, औरौ तुऐं तिनु लोगौ खै शर्मिंदा कौरौ, जू गरीब औसौ। मुखै तुऔं का बौताणौ चैंई? का मुखै तोंवारै तारीफ कौरणै चैंई? हांव ऐशै काम कारिए तोंवारै तारीफ कौरु।

1 कुरिन्थियों 16:11

इथकारिए कुणिए बै तैसकी बैज्जती नी कौरेया, पौरौ शान्तै शै मैरै धोरे भैजी दैया; जिथुकै मोऐं तैसका इंतजार कौरे लौआ, कै सै बिशवाशियौं कै साथै आंव।

1 कुरिन्थियों 9:22

जोबै हांव तिनु लोगौ कै साथै रोऊं, जिनका बिशवाश कमजोर औसौ, तौ हांव तिनकै जैशणा बर्ताव कौरु, ताकि हांव तिनुखै मसीह कै पौछौड़ियौ चालणौ दै मौदद कौरे सौकु। औरौ सौबी आदमी कारिए सौबै ठुँ बौणै गौआ, कै कोसी ना कोसी तरीकै शै किछै लोगौ का उध्दार कौराए सौकु।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

2 कुरिन्थियों 10:10

जिथुकै तुऔं मुंजी किछै लोग बौल़ौ, “तैसकी चिट्ठियां तौ सुंचणौ वाल़ी औरौ असरदार औसौ; पौरौ जोबै दैखुए, तौ बौल़ौए सै कमजोर आदमी औरौ तैसकी बातौ बैजान औसौ।”

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

1 थिस्सलुनीकियों 4:8

इथकारिए जू इनु नियमौ खै ना मानौ, सै आदमी कै नी, पौरौ पौरमेशवर कै नियमौ खै ना मानौ, जैणै आपणा पवित्र आत्मा तुऔं खै दैय राए।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

इब्रानियों 1:14

तोबै स्‍वर्गदूतौ कै हौणौ का, का मकसद औसौ? सै सिरफ पौरमेशवर कै सेवक औसौ; जू पौरमेशवर कै दवारा तिनु लोगौ कै मौदद कौरणौ कारिए छाड़ै जांव जू उध्दार पांव।

इब्रानियों 9:24

इयौं बौजैह शै, मसीह तैसी पवित्र ठाँव दा ना हुटी जू लोगै बाणै राए, जू कै साची पवित्र ठाँव का सिरफ ऐक नमूना औसौ। पौरौ सै अमारै खातिर पौरमेशवर कै सामणै हाजिर रौणौ कारिए सीधा स्वर्ग दा हौटा।

प्रकाशितवाक्य 8:2

औरौ मोऐं तिनु सातो स्‍वर्गदूतौ खै जू पौरमेशवर कै सामणै खौड़ै रौंव, दैखै, औरौ तिनु सात तुरहियाँ दैय दी।