मत्ती 17:17 - सिरमौरी नौवाँ नियम

¹⁷ यीशुए जोवाब दिया, “ओए रै बिशवाश ना कौरणौवाल़ै औरौ हठीले लोगौ, हांव कोलो तौड़ी तोंवारै साथै रोऊंबा? औरौ कोलो तौड़ी तुंआरी सोंहुबा? तैसी भैईया मैरै धोरे इथै लांव।”

Sirmouri

¹⁷ प्रभू यीशू ऐ जबाब दिता, “ओ, बै-बिश्वाषियों अरह् हठाव्णें लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी संह्ऊँबा? तेसी मुँह कैई आँणों।”

मत्ती 17:17 ပူးပေါင်းရင်းမြစ်များ

मत्ती 13:58

औरौ यीशुए तिथै तिनकै बिशवाश ना कौरणौ कै बौजैह शै चौमत्कार कै काम ना कौरी।

मत्ती 16:8

ऐजौ जाणैबा यीशुए तिनुखै बौल़ौ, “ओए रै बिशवाश ना कौरणौवाल़ै लोगौ, तुऐं आपी मुंजी किथुखै विचार कौरौ, कै आमुए तौ रोटी बै लाए ना रैई?

मत्ती 17:16

औरौ मोऐं तैसीखै तैरै चैलै कै धोरे लाए राए थिया, पौरौ सै तैसीखै ठीक ना कौरे सौकी।”

मत्ती 17:18

तोबै यीशुए दुष्टआत्मा कै झिड़की, औरौ दुष्टआत्मा तैसी पौरैशै निकल़ै गौए, औरौ भैईया तैसी सौमय ठीक हौए गौआ।

मत्ती 6:30

इथकारिए जोबै पौरमेशवर मैदानो कै घास खै, जू ऐलो औसौ, औरौ दोतियो आगी मुंजी पाए जांदै, ऐशणी शोभा दैंव, तौ ओए रै कम बिशवाश कौरणौवाल़ै लोगौ पौरमेशवर जौरुर तोंवारै दैखभाल कौरदा।

मत्ती 8:26

यीशुए तिनुखै बौल़ौ, “ओए रै बिशवाश ना कौरणौवाल़ै लोगौ, किथुकै डौरे रौवै?” तोबै तैणै ऊबै बिज़यो फालो औरौ पाणी कै ताडै़, औरौ हवा चालणे रौकै गौए, औरौ सौबै शान्त हौए गौ।

मरकुस 16:14

इथकै बाद यीशु गयारो चैलै कै दैखिया, जोबै सै खाणौ खांदै बौठै रौवै थिए, औरौ तैणै तिनुकै ताडै़ जिथुकै सै ऐतरै जितकुरे थिए, कै तिनुऐ लोगौ की गवाही पांदी बै बिशवाश ना कौरी, जिनु लोगै यीशु कै मौरणौ कै बाद जियुंदी दैखा थिया।

मरकुस 9:19

ऐजौ शौणैबा यीशुए तिनुखै जोवाब देएबा बौल़ौ, “ओए रै बिशवाश ना कौरणौवाल़ै लोगौ, हांव कोलो तौड़ी तोंवारै साथै रौंदा? औरौ कोलो तौड़ी तुऔं झैलदा? तैसी भैईया खै मैरै धोरे लियांव।”

लूका 24:25

तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ।

लूका 9:41

यीशुए जोवाब दिया, “ओए रै बिशवाश ना कौरणौवाल़ै औरौ हठीले लोगौ, हांव कोलो तौड़ी तोंवारै साथै रौंदा औरौ कोलो तौड़ी तुऔं झैलदा? आपणै बैटै खै इथै लियांव।”

यूहन्ना 20:27

तोबै तैणै थोमा खै बौल़ौ, “आपणै गोठै इथै लायौ मैरै हाथौ कै दैख औरौ आपणा हाथ लायौ कै मैरै पसली दा पा, औरौ शक कौरणा बंद कौर, पौरौ बिशवाश कौर कै हांव मौरेयौंदे मुंजीदा जियुंदी हौए गौआ।”

प्रेरितो कै काम 13:18

औरौ सै लमसम चाल़ीश सालो तौड़ी रेगिस्थान दै तिनुकै बरदाश कौरदा रौआ, जोबै की तिनुऐ बार-बार तैसकी आज्ञा ना मानी।

प्रेरितो कै काम 2:40

पतरसे बौहितै सारी बातौ बौलेयौ तिनु कैईंदै बिन्ती कौरे कै आपी खै इनु जिद्दी लोगौ शै बौचाव।

2 कुरिन्थियों 11:1

तुऐं तिनुकै अपनांव जू आपणी तारीफ आपी कौरौ, औरौ इथकारिए मुखै उम्मीद औसौ कै तुऐं मुखै बरदाश कौरे पांदै जै हांव दैणी मुर्खवाल़ा बर्ताव कौरु।