मत्ती 16:21 - सिरमौरी नौवाँ नियम

²¹ तैसी सौमय यीशु आपणै चैलै खै बौतांदा लागा, “कै मुं कारिए जौरुरी औसौ, की हांव यरूशलेम शहर खै जोऊं, औरौ बुड़ेईक औरौ मुख्य यहूदी पुरोहित औरौ यहूदी शास्त्री कै हाथै बैजाए दुख झैलू; औरौ मौरे जोऊं, औरौ तिजै दूसै जियुंदा हौए जोऊं।”

Sirmouri

²¹ तेसी बख्तो शुभें प्रभू यीशू आप्णे चैले खे बुल्दे लागे, “जरूर असो, के हाँव यरूशलेम खे ज़ाऊँ, अरह् यहूदी लोगो के ठगड़े अरह् प्रधान-याजकों, अरह् यहूदी-निय्म के शिखाँणों वाल़े के हाथे बैजाऐ भहिते दु:ख पाऊँ; अरह् मारा ज़ाऊँ; अरह् च़ीज़े का ऊबा जीऊँ।”

मत्ती 16:21 ပူးပေါင်းရင်းမြစ်များ

मत्ती 12:40

योना तीन रात औरौ तीन दूस बौड़ी माछी कै पेटोऊदा रौआ, तैशैखैई हांव आदमी का बैटा तीन रात औरौ तीन दूस धोरती कै भीतरै रौंदा।

मत्ती 16:22

इथपांदी पतरसे तैसीखै जौई नीयां औरौ डांटदा लागा औरौ बौल़ौ, “ओए रै प्रभु, पौरमेशवर ना कौरौ, की तैरै साथै कौलोंई ऐशै हौं।”

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 17:12

पौरौ हांव तुऔं खै बौतौऊं एलिय्याह औगौड़ियौ आए रौआ; औरौ तिनुऐ तौ तैसीखै ना पोछैयाणी, पौरौ जैशैखै चोऊ तैशैखैई तैसकै साथै बुरा बर्ताव कौरा, ऐशैखैई हांव आदमी का बैटा बै तिनकै हाथौ लैई दुख झैलदा।”

मत्ती 17:9

जोबै सै धारो पांदी दै उदे आन्दै लागै रौए थिए, तोबै यीशुए तिनुखै ऐजै आज्ञा दै, “जांव तौड़ी हांव आदमी का बैटा मौरेयौंदे पौरैशा हौजौ जियुंदी ना हौए जोऊं, तांव तौड़ी कोसी कैंई ऐजौ नी बौताया कै तुऐं का दैखौ।”

मत्ती 20:28

जैशैकै हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरी सेवा कौरौ, हांव कैई लोगौ कै तिनकै पापौ शै छुड़ाणो कारिए मौरणौ कै आए रौआ।”

मत्ती 26:2

“तुऐं जाणौए दु दूसौ कै बाद फसह का तैयार औसौ, औरौ आदमी का बैटा क्रूसो पांदी चौढ़ाए जाणौ कारिए पोकड़ाए जांदा।”

मत्ती 26:47

यीशुए ऐजौ बौल़ै ही लौ थियु, कै यहूदा इस्‍करियोती जू बारौ चैलै मुंजीदा ऐक थिया, ओऊवा तैसकै साथै मुख्य यहूदी पुरोहित औरौ बुड़ेईको कै ढौबौशै बौड़ी भीड़ौ, तलवार औरौ हथियार लोयो ओऊवे।

मत्ती 27:12

जोबै मुख्य यहूदी पुरोहित औरौ बुड़ेईके तैसी पांदी दोष लाए लौआ थिया, तौ तैणै किछै बै जोवाब ना दी।

मत्ती 27:63

औरौ बौल़ौ “ओए रै महाराज, आमु याद औसौ कै तैसी झूठै आदमीए आपणै जीतै जी बौल़ै राए थियु, कै मैरै मौरणौ कै ती दूसौ बाद हांव हौजौ जियुंदा हौए जांदा।

मत्ती 28:6

सै इथै ना आथी, पौरौ आपणै वचन खै हिसाब शै मौरेयौंदे मुंजीदा जियुंदी हौए गौआ, आव, ऐजा ठाँव दैखौ, जिथै प्रभु पौड़ेयौंदा थिया।

मरकुस 8:31

तोबै यीशु आपणै चैलै कै शिखांदा लागा, कै ऐजौ जौरुरी औसौ, कै हांव आदमी का बैटा बौहितै दुख झैलू, औरौ बुड़ेईक औरौ मुख्य यहूदी पुरोहित, औरौ यहूदी शास्त्री मुखै नोकारा सौमझेयौ मारै दैलै, पौरौ हांव ती दूसौ कै बाद जियुंदी हौंदा।

मरकुस 9:12

यीशुए तिनुखै जोवाब दिया, “कै ऐजै बात साची औसौ कै पौरमेशवरे एलिय्याह कै छाड़णौ कारिए वादा कौरे राए थिया कै सै आगै आयौ सौब ठुँ सुधारै दैन्‍दा। पौरौ हांव तुऔं खै बौतौऊं एलिय्याह औगौड़ियौ आए रौआ औरौ अमारै ठोगड़े तैसीआरी जैशैकै चोऊ तैशैखै बुरा बर्ताव कौरा, पौरौ तुऐं ऐजौ सोंचै कौरेया कै मुं आदमी का बैटै कै बारै दै पवित्र शास्त्र दो किथु लैखै राव, कै सै बैजाए दुख झैलला औरौ तैसी नोकारा जांदा।”

लूका 17:25

पौरौ औगौड़ियौ जौरुरी औसौ, कै हांव बौहुत जादा दुख झैलदा औरौ ऐसी जमाने कै लोग मुखै बैकार सौमझौ।

लूका 24:46

औरौ तिनुखै बौल़ौ, “पवित्र शास्त्र दो ऐजौ लैख राए, कै मसीह दुख झैलदा, औरौ तिजै दूसै मौरेयौंदे मुंजीदा जियुंदी हौंदा,

लूका 9:31

ऐजै महिमा सहित दैखियै, औरौ तैसकै मौरणौ की चौर्चा कौरे लोए थै, जू यरूशलेम शहर दौ हौणौवाल़ौ थियु।