मत्ती 16:20 - सिरमौरी नौवाँ नियम

²⁰ तोबै यीशुए चैलै खै चिताऐबा बौल़ौ, “कै मैरै बारै मुंजी कोसी कैंई नी बौलेया, कै हांव मसीह औसौ।”

Sirmouri

²⁰ तबे प्रभू यीशू ऐ चैले खे सम्झाऐंयों अज्ञाँ दिती, के कोसी कैई ने बुले, के हाँव मसीया असो।

मत्ती 16:20 ပူးပေါင်းရင်းမြစ်များ

मत्ती 1:16

याकूब शै यूसुफ पौयदा हौआ, जू मरियम का घोरवाल़ा थिया, औरौ मरियम शै यीशु पौयदा हौआ, जैसीखै मसीहा बै बौल़ौए।

मत्ती 16:16

शमौन पतरसे जोवाब दिया, “कै तू जीवते पौरमेशवर का बैटा मसीह औसौ।”

मत्ती 17:9

जोबै सै धारो पांदी दै उदे आन्दै लागै रौए थिए, तोबै यीशुए तिनुखै ऐजै आज्ञा दै, “जांव तौड़ी हांव आदमी का बैटा मौरेयौंदे पौरैशा हौजौ जियुंदी ना हौए जोऊं, तांव तौड़ी कोसी कैंई ऐजौ नी बौताया कै तुऐं का दैखौ।”

मत्ती 8:4

यीशुए तैसीखै बौल़ौ, “दैख कोसी कैई नै बौलेया पौरौ जाऐबा आपी खै यहूदी पुरोहित खै दिखा औरौ जू मूसाए कोढ़ ठीक हौए जाणौ कै बारै मुंजी बौताए राए थियु तिथकै हिसाब शै पौरमेशवर कारिए बलिदान चौढ़ा, ताकि लोगौ कै पौता लागै सौकौ कै तू ठीक हौए गौआ।”

मरकुस 8:30

तोबै यीशुए तिनुखै चिताऐबा बौल़ौ, कै मैरै बारै मुंजी कोसी कैंई नी बौलेया जै हांव मसीहा औसौ।

मरकुस 9:9

जोबै यीशु औरौ तैसकै तीन चैलै धारो पांदी दै उदे आन्दै लाग रौवै थिए, यीशुए तिनुखै चिताऐबा बौल़ौ, कै कोसी कैई ऐजौ नी बौताया तुऐं का दैखौ, जांव तौड़ी कै हांव, आदमी का बैटा, मौरेयौंदे पौरैशा हौजौ जियुंदी ना होई जोऊं।

लूका 2:11

कै ऐलो राजा दाऊद कै बैतलहम शहर दा तुऔं कारिए ऐक उध्दार कौरणौवाल़ा जन्मे रौआ, औरौ ऐजाई मसीह प्रभु औसौ।

लूका 9:21

तोबै यीशुए आपणै चैलै खै चिताऐबा बौल़ौ, “मैरै बारै मुंजी कोसीयागे नी बौलेया।”

लूका 9:36

ऐजी आवाज़ खत्म हौन्दै ही तिनुकै यीशु तिथै इकली दैखिया; औरौ जू किछै तिनुऐ दैखै राए थियु, तिनुऐ तैसी सौमय दो तिथकै बारै मुंजी कोसी कैंई किछै ना बुली पौरौ सै चुपी रौवै।

यूहन्ना 1:41

तैणै आगै आपणै सौरे भाई शमौन आरी भैटीबा तैसीखै बौल़ौ, “आमुखै मसीह यानी पौरमेशवर का अभिषिक्त भैटी गौआ।”

यूहन्ना 1:45

फिलिप्‍पुसे नतनएल आरी भैटेयो तैसीखै बौल़ौ, “आमु कै सैजा आदमी भैटी गौआ, जैसकै बारै मुंजी मूसा कै कानून दो औरौ पौरमेशवर कै बातौ बौताणौवाल़ै लैखै राए। सै यूसुफ का बैटा यीशु औसौ जू नासरत गांव शै औसौ।”

यूहन्ना 11:27

मार्थाए तैसीखै बौल़ौ, “हां ओए रै प्रभु, हांव बिशवाश कौरु, कै पौरमेशवर का बैटा मसीह जू दुनिया पांदी आणौवाल़ा थिया, सै तू ही औसौ।”

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

प्रेरितो कै काम 2:36

“इथकारिए इस्राएल देश कै सौबै लोग पाकौ जाणै पाव कै पौरमेशवरे ऐसी यीशु कै जैसी तुऐं क्रूसो पांदी चौढ़ौऊवा, प्रभु बै ठैहरोऊवा औरौ मसीह बै।”

1 यूहन्ना 2:22

झूठा कुण औसौ? सैजा, जू यीशु कै मसीह हौणौ कै मौना कौरौ; औरौ मसीह का दुशमन सैजाई औसौ जू पिता पौरमेशवर औरौ बैटै कै मौना कौरौ।

1 यूहन्ना 5:1

जैसका ऐजा बिशवाश औसौ कै यीशु ही मसीह, औरौ पौरमेशवर कै ओलाद औसौ, औरौ जू कुणिए पिता पौरमेशवर शै प्यार राखौ, सै तैसीआरी बै प्यार राखौ जू तैसकै ओलाद औसौ।