मत्ती 16:17 - सिरमौरी नौवाँ नियम

¹⁷ यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

Sirmouri

¹⁷ प्रभू यीशू ऐ तिनखे बुलो, “हे शमौन, योना का बैटा, तू भागोईत असो! किन्देखे के ताँव कैई ऐजा सचाई का प्रकाष कराँणा, कोसी आदमी का काँम ने आथी; परह् मेरे स्वर्गो के पिता का काँम असो, जिन्ऐं ऐजी बात ताँव गाशी पर्गट करी।

मत्ती 16:17 ပူးပေါင်းရင်းမြစ်များ

लूका 22:32

पौरौ मोऐं तांव कारिए प्रार्थना कौरे राए कै तू बिशवाश कौरणा छोड़े ना दैय, औरौ जोबै तू मैरै धोरे पाछु आए रौआ, तौ तू आपणै भाईड़ी कै मजबूत कौरेया कै सै मुं पांदी बिशवाश कौरौ।”

यूहन्ना 1:42

अन्द्रियासे शमौन खै यीशु कै धोरे लियोऊवा, यीशुए तैसीखै ध्यान शै दैखा औरौ बौल़ौ, “तू यूहन्ना का बैटा शमौन औसौ, तू कैफा यानी पतरस बौला जाला।”

यूहन्ना 6:45

पौरमेशवर कै बातौ बौताणौवाल़ै पवित्र शास्त्र दो ऐजौ लैखै राए, ‘सै सौबै पौरमेशवर कै ढौबौशै शिखाएयौंदे हौन्दै।’ जैसी कोसीए पिता पौरमेशवर कै शुणा औरौ तैसीयांदो शिखै राए, सैजाई मैरै धोरे आन्दा।

1 कुरिन्थियों 15:50

ओए रै बिशवाशी भाईयों, इयौं धोरती पांदी अमारै शोरीर मांस औरौ लोऊ लैई बौणै रौवै; आमु स्वर्ग दै पौरमेशवर कै राज्य दै आपणै ऐसी शोरीर कै साथै ना रौए पांदै जू मौरे सौकौ, जिथुकै तिथै कुणजै मौत ना आथी।

इफिसियों 2:8

जिथुकै जोबै तुऐं बिशवाश कौरौ तौ पौरमेशवरे आपणै अनुग्रह ही शै तुऔं बौचाए राए, तुऐं आपणै उध्दार कै ना कमाए रैई, पौरौ ऐजा पौरमेशवर का दान औसौ।

इफिसियों 3:5

पुराणै सौमय दा, पौरमेशवरे लोगौ कै ऐजा भैद ना दिखैई, पौरौ ऐबै तैणै पवित्र आत्मा कै दवारा आपणै पवित्र चोणेयौंदे चैलै औरौ पौरमेशवर कै बातौ बौताणौवाल़ै कैई इथका खुलासा कौरा।

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

1 पतरस 5:1

किछै ऐशणी बातौ जू हांव तिथै कै अगुवे शै बौलणा चोऊं जिथुकै हांव बै तोंवारै जैशणा ऐक अगुवा औसौ। मोऐं आपी तिनु दुखो कै दैख राए जू बैजाए सौमय आगै मसीहे सैय राए। जोबै सै औटेयौ पाछु आन्दा, तौ हांव बै तैसकै महिमा दा शामिल हौंदा। ऐबै हांव तुऔं कैईंदै बिन्ती कौरु:

1 यूहन्ना 4:15

जू कुणिए ऐजौ अंगीकार कौरे पांव कै यीशु पौरमेशवर का बैटा औसौ, पौरमेशवर तेसिदा बौणेयौंदा रौंव, औरौ सै पौरमेशवर दा बौणेयौंदा रौंव।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।