मत्ती 16:14 - सिरमौरी नौवाँ नियम

¹⁴ तिनुऐ बौल़ौ, “किछै लोग तौ यूहन्ना बपतिस्मा दाता बौल़ौ; औरौ किछै एलिय्याह; औरौ किछै यिर्मयाह या पौरमेशवर कै बातौ बौताणौवाल़ै मुंजीदा कुणिए ऐक बौल़ौ?”

Sirmouri

¹⁴ चैले ऐ बुलो, “कुँऐं तअ संत्त-यूहन्ना नहाँण-नहाँणों वाल़ा बुलो, अरह् कऐयों ऋषी एलिय्याह, अरह् कुँऐं ऋषी-यिर्मयाह, अरह् कुँऐ पंणमिश्वर की बरंम्बाणीं कर्णो वाल़े मुँझ्शा ऐक ऋषी बुलो।”

मत्ती 16:14 ပူးပေါင်းရင်းမြစ်များ

मत्ती 14:2

औरौ आपणै नोकर खै बौल़ौ, “ऐजा यूहन्ना बपतिस्मा दाता मौरेयौंदे मुंजीदा जियुंदी हौए गौआ, इथकारिए तैणै चौमत्कार कै काम प्रगट कौरे लौवै।”

मत्ती 16:15

तैणै तिनुखै पूछु, “पौरौ तुऐं का बिशवाश कौरौ कै हांव कुण औसौ?”

मत्ती 17:10

औरौ तैसकै चैलै तैसी कैईंदु पूछु, “कै यहूदी शास्त्री किथुखै बौल़ौ, कै एलिय्याह मसीह दा औगौड़ियौ आला?”

मत्ती 3:1

तिनु दूसौ दा यूहन्ना बपतिस्मा दाता आयौ यहूदिया प्रदेश कै उजाड़ जौगैह दा प्रचार कौरदा लागा।

मरकुस 6:15

औरौ ओकी लोगै बौल़ौ, “ऐजा तौ पौरमेशवर कै बातौ बौताणौवाल़ा एलिय्याह औसौ।” पौरौ कैई लोगै ऐशै बौल़ौ, “ऐजा पौरमेशवर कै बातौ बौताणौवाल़ा औसौ, तिनु साए जूंजे पुराणै सौमय दै पौरमेशवर कै बातौ बौताणौवाल़ै थिए।”

मरकुस 8:28

तिनुऐ जोवाब दिया, “यूहन्ना बपतिस्मा दाता; पौरौ कुणिए-कुणिए एलिय्याह; औरौ कुणिए-कुणिए पौरमेशवर कै बातौ बौताणौवाल़ा मुंजीदा ऐक बौल़ौ।”

लूका 9:8

औरौ कैतरै लोग ऐजौ बौल़ौ, कै एलिय्याह दैखै रौआ, ओकीए ऐजौ, कै पुराणै पौरमेशवर कै बातौ बौताणौवाल़ै मुंजीदा कुणिए जियुंदा हौए गौआ।

यूहन्ना 1:21

तोबै तिनुऐ यूहन्ना कैईंदु पूछु, “तौ तोबै तू कुण औसौ? का तू एलिय्याह पौरमेशवर कै बातौ बौताणौवाल़ा औसौ?” तैणै बौल़ौ, “हांव ना आथी।” “तौ का तू सैजा पौरमेशवर कै बातौ बौताणौवाल़ा औसौ?” तैणै जोवाब दिया, “ना।”

यूहन्ना 7:12

औरौ तिथै भीड़ौ कै लोग तैसकै बारै मुंजी चुपी-चुपी बौरिशी बातौ बौल़ै लोई थी। किछै लोग बौल़ौ थिए कै, “सै भला आदमी औसौ।” औरौ किछै लोगै बौल़ै लो थियु, “ना, सै लोगौ खै भरमांव।”

यूहन्ना 9:17

तिनुऐ तैसी आन्धै आदमी कै बौल़ौ, “तैणै जैणै तैरी आखी ठीक कौरे रैई, तू तैसकै बारै मुंजी का बौल़ै।” तैणै बौल़ौ, “पौरमेशवर कै बातौ बौताणौवाल़ा।”