मत्ती 16:13 - सिरमौरी नौवाँ नियम

¹³ यीशुए कैसरिया फिलिप्‍पी नोगरो दै आयौ आपणै चैलै कैईंदु पूछु, “कै लोग मुं आदमी कै बैटै खै का बौल़ौ?”

Sirmouri

¹³ प्रभू यीशू कैसरिया, फिलिप्पी के ईलाके दे आऐ, अरह् आप्णें चैले शे पुह्छदे लागे, “लोग आदमी के बैटे खे का बुलो?”

मत्ती 16:13 ပူးပေါင်းရင်းမြစ်များ

मत्ती 12:32

जू कुणिए आदमी कै बैटै कै खिलाफ दै कुणजै बात कौरला, तैसका ऐजा अपराध माफ हौए जांदा, पौरौ जू कुणिए पवित्र आत्मा कै खिलाफ दो किछै बै बौलला, तैसका अपराध ना तौ ऐसी लोक दा औरौ ना ही परलोक दा माफ हौंदा।”

मत्ती 12:40

योना तीन रात औरौ तीन दूस बौड़ी माछी कै पेटोऊदा रौआ, तैशैखैई हांव आदमी का बैटा तीन रात औरौ तीन दूस धोरती कै भीतरै रौंदा।

मत्ती 12:8

हांव आदमी का बैटा तौ विशांव कै दूसौ का बै प्रभु औसौ।”

मत्ती 13:37

यीशुए तिनुखै जोवाब दिया, “की आछै बिज़ का बौणौवाल़ा किसान हांव आदमी का बैटा औसौ।”

मत्ती 13:41

हांव आदमी का बैटा आपणै स्‍वर्गदूतौ खै भैजदा, औरौ आपणै राज्य मुंजी शै सौबै पाप कौरणौवाल़ै कै औरौ कुकर्म कौरणौवाल़ै खै कौठै कौरदा।

मत्ती 15:21

यीशु तिथैदा हौटैबा, सूर औरौ सैदा शहरो कै ढौबौ खै हौटै गौआ।

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 25:31

“जोबै हांव आदमी का बैटा आपणै महिमा दा आन्दा, औरौ सौबै स्‍वर्गदूत तैसखै साथै आलै, तोबै हांव सौबी लोगौ का न्याय कौरणौ कारिए आपणै महिमा कै सिंहासनों पांदी बोठदा।

मत्ती 8:20

यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मत्ती 9:6

पौरौ इथकारिए की तुऐं जाणै पाव कै मुं आदमी कै बैटै खै धोरती पांदी पाप माफ कौरणौ का औधिकार औसौ।” तोबै तैणै ओधरंग कै रोगी खै बुलू, “ऊबा भीज औरौ आपणै ल़ौहथ टेपेयो आपणै घोरो खै आगु जा।”

मरकुस 10:45

पौरौ हांव आदमी का बैटा ओकी कै सेवा कौरणौ कारिए इयौं दुनिया दा आए रौआ। हांव इथकारिए ना आए रैई कै औकै लोग मैरै सेवा कौरौ, हांव कैई लोगौ खै तिनकै पापौ शै छुड़ाणो कारिए मौरणौ कै आए रौआ।”

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

यूहन्ना 1:51

हौजौ तैसीखै बौल़ौ, “हांव तुऔं खै साचौ-साचौ बुलू कै तुऐं स्वर्गो खै खुलू औरौ पौरमेशवर कै स्‍वर्गदूतौ कै ऊबै जांदै औरौ मुं आदमी कै बैटै कै उपरोशे उरतदै बैई दैखदै।”

यूहन्ना 12:34

तिथपांदी लोग बौलदै लागै, “कै आमुए पवित्र शास्त्र दै ऐजी बातौ शुणी, कै मसीह सौदा जियुंदी रौंदा, तौ तुऐं काए बौल़ौ, कै आदमी कै बैटै कै ऊंचे पांदी चौढ़ाए जाणा जौरुरी औसौ? ऐ‍‍‍‍‍जा आदमी का बैटा कुण औसौ।

यूहन्ना 3:14

औरौ जैशैखै मूसाए शुनशान जौगैह दा पितलो कै शोंगोऊं कै खोम्बे पांदी चौढ़ौऊवा, तैशैखैई जौरुरी औसौ कै हांव आदमी का बैटा बै क्रूसो पांदी चौढ़ाया जोऊं।

यूहन्ना 5:27

जिथुकै हांव आदमी का बैटा औसौ, इथकारिए पिता पौरमेशवरे मुखै सौबी लोगौ का न्याय कौरणौ का औधिकार दैय राए।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 7:56

बौल़ौ, “दैखौ, हांव स्वर्ग कै खोलेयौंदा, औरौ आदमी कै बैटै कै पौरमेशवर कै सोऐं ढौबौ खौड़ा हौएयौंदा दैखु।”