मत्ती 15:36 - सिरमौरी नौवाँ नियम

³⁶ औरौ तिनु साती रोटी औरौ माछी कै उंढी कौरी औरौ पौरमेशवर का धन्यवाद कौरेयौ तुड़ी, औरौ आपणै चैलै खै दैंदा लागा औरौ चैलै लोगौ खै।

Sirmouri

³⁶ अरह् आपु प्रभू यीशू ऐ सेजी सात्त रोटी अरह् माछी आप्णें हाथों दी करियों, पंणमिश्वर का धन्यबाद करियों च़ूड़ी, अरह् आप्णें चैले कैई देंदे गुऐ, अरह् चैले ऐ लोगो खे बाँडी दिती।

मत्ती 15:36 ပူးပေါင်းရင်းမြစ်များ

मत्ती 14:19

तोबै यीशुए लोगौ खै घासो पांदी बौठणौ खै बौल़ौ, औरौ तिनी पाँच रोटी औरौ दु माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैन्‍दा लागा, औरौ चैलै लोगौ खै दी।

मत्ती 15:35

तोबै तैणै लोगौ खै जोमीनो पांदी बोठणौ कै बौल़ौ।

लूका 22:17

तोबै यीशुए अंगूर कै रस का छाना कौरेयौ पौरमेशवर का धन्यवाद कौरा औरौ बौल़ौ, “इथु लौ औरौ आपी मुंजी बांडै दैंव।

लूका 22:19

तोबै तैणै रोटी कौरी, औरौ पौरमेशवर का धन्यवाद कौरेयौ तुड़ी, औरौ तिनुखै एजो बौलेयौ दी, “ऐजा मैरा शोरीर औसौ, जू तुऔं कारिए दैय जांव: मैरै याद कारिए ऐशैखैई कौरेया।”

लूका 24:30

जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा।

यूहन्ना 6:11

तोबै यीशुए रोटी कौरी औरौ पौरमेशवर का धन्यवाद कौरेयौ खै बोठणोवाल़ै खै बांडै दी, औरौ ऐशैखैई माछी बै जिशै सै चांव थिए बांडै दी।

यूहन्ना 6:23

तौ हौजौ बै ठिकड़ी किश्तीया तिबिरियास शहर शै तैसी जौगैह कै नेड़िक आई, जिथै तिनुऐ प्रभु खै धन्यवाद कौरणौ कै बाद रोटी खैई थी।

प्रेरितो कै काम 27:35

औरौ ऐजौ बौलेयौ तैणै रोटै कोरयो सौबी खै सामणै पौरमेशवर का धन्यवाद कौरा औरौ तौड़ेयो खांदा लागा।

रोमियों 14:6

जू कुणिए बै कोसी दूस कै मानौ, तौ सै ऐशैखै इथकारिए कौरौ जिथुकै सै प्रभु का आदर कौरणा चांव, जू मांसहारी औसौ, सै प्रभु कारिए औसौ, औरौ जू निर्मांसी औसौ सै बै प्रभु कारिए औसौ औरौ पौरमेशवर का धन्यवाद कौरौ।

1 कुरिन्थियों 10:31

आखरी दौ, हांव तुऔं खै ऐजौ बोताणौ चोऊं, कै इथकारिए जै तुऐं चाहै खांव, चाहै पियौं, चाहै जू किछै कौरौ, सौबै ठुँ पौरमेशवर कै महिमा कै खातिर कौरौ।

1 कुरिन्थियों 14:16

मान पाव कै कुणिए सीधा साधा आदमै तोंवारै आराधना दा आए रौआ, जोबै तुऐं आपणै आत्मा लैई पौरमेशवर कै स्तुति कौरे लौए। जै सै तोंवारै बातौ कै ना सौमझौ, तौ तोंवारै पौरमेशवर खै धन्यवाद दैणौ कै बाद, तैसी कैशै पौता चालदा कै आमीन कोलो बौलणौ जिथुकै सै ना सोमझो कै तुऐं का लो बुली।