मत्ती 15:31 - सिरमौरी नौवाँ नियम

³¹ जोबै लोगै दैखौ, कै गुंगै बौलांदै लागै रौवै औरौ टुंडै ठीक हौए रौवै, औरौ लोंगड़े हांडदै लागै रौवै, औरौ आन्धै दैखदै लागै रौवै, तौ सै हैरान हुवे औरौ इस्राएल देश कै पौरमेशवर कै बौड़ाए कौरदै लागै।

Sirmouri

³¹ लोगे दे:खो, के गूँगे बुल्दे लागे, अरह् ठोहरी-टुन्डे चाँगैं हुऐ, अरह् लगड़े हाड्दे लागे, अरह् शैड़े दे:ख्दे लागे, तअ तिनके तोरबाँणच़ूटें, अरह् तिनिऐं इस्राएल के पंणमिश्वर की बड़ियाऐ करी।

मत्ती 15:31 ပူးပေါင်းရင်းမြစ်များ

मत्ती 15:30

औरौ बैजाए बौड़ै भीड़ तैसकै धोरे आए, औरौ तिनुऐ आपणै साथै लोंगड़े, आन्धै, गुंगै, टुंडै औरौ बौहितै खै लियायो यीशु कै धोरे आए; औरौ तिनुखै तैसकै लातो कै धोरे राखै दिए, औरौ तैणै तिनुखै ठीक कौरे दिए।

मत्ती 18:8

पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तुऐं आपणा ऐक हाथ औरौ लात काटै लौआ, जू कै तुऔं लैई पाप कौरांव। पौरौ तुऔं खै दुईनै हाथ औरौ दुईनै लात हौयौ बै सौदा कै आग मुंजी जाणौ दो आछौ औसौ कै स्वर्ग दै टुंडै औरौ लोंगड़े हौयौ जालै।

मत्ती 21:14

औरौ आन्धै औरौ लोंगड़े खै, मन्दिर कै धोरे लाए, औरौ तैणै तिनुखै ठीक कौरे।

मत्ती 8:10

ऐजौ शौणैबा यीशु हैरान हौए गौआ, औरौ जू तैसकै पाछैदै आए रौवै थिए, तिनुखै बौल़ौ, “हांव तुऔं खै साचौ बुलू, कै मुखै इस्राएल देश दा ऐक बै ऐशणा आदमी ना भैटी जू ऐसी बैगानै यहूदी कै जैशणा मुं पांदी बिशवाश कौरौ।

मत्ती 9:32

जोबै सैजै दो आन्धै आदमी बायरै जांदै लागै रौवै थिए, तौ कैई लोगै यीशु कै धोरे ऐकी आदमी खै लियोऊवा, जू बौलाए नै सौकौ थिया, जिथु तैसदै दुष्टआत्मा थी।

मत्ती 9:33

औरौ जोबै यीशुए दुष्टआत्मा कै तैसी आदमी पौरैशै बायरै निकाल़ै दै, तोबै सैजा गुंगा बौलांदा लागै गौआ, औरौ भीड़ हैरान हौयौ बौलदै लागै की, “इस्राएल देश दो ऐशैखै कौलोंई बै ना दैखी।”

मत्ती 9:8

लोग इथु दैखैयो डौरे गौवै, औरौ पौरमेशवर कै बौड़ाए कौरदै लागै, जैणै आदमी खै ऐशणा औधिकार दैय राए।

मरकुस 2:12

सै ऊबा भीजा, औरौ तौलोंई ल़ौहथ टेपेयो सौबी कै सामणै दा निकल़ैयो हौटै गौआ; इथपांदी ‌‌‌सोबै हैरान हौए गौवै, औरौ पौरमेशवर कै बौड़ाए कौरेयौ बौलदै लागै, “आमुए ऐशणा चौमत्कार कौलोंई ना दैखी।”

मरकुस 7:37

औरौ लोग बैजाए ही हैरान हौयौ बौलदै लागै, “यीशुए जू किछै बै कियु सौब आछौ कियु; सै जायरै खै शुणणौ कै, औरौ गुंगै खै बौल़ाणौ कै तागत दैंव।”

मरकुस 9:43

पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तुऐं आपणा ऐक हाथ काटै लौआ, जू कै तुऔं लैई पाप कौरांव। पौरौ तुऔं खै ऐजौ ठीक औसौ कै तुऐं दुईनै हाथ हौयौ बै नरको दै जाणौ शै स्वर्ग दै टुंडै हौयौ जालै।

लूका 14:13

पौरौ जौल़ौ तू खाणौ खाए, तौ कंगालो, टुंडै, औरौ लोंगड़े औरौ आन्धै कै बौईद।

लूका 14:21

तैसी नोकरे आयौ आपणै मालिक कै ऐजी बातौ शुणैई। तोबै घोरो कै मालिकै गुस्से शै बौल़ौ आपणै नोकरो खै बौल़ौ, ‘नोगरो कै बाज़ारो औरौ गलियो दै तावल़ै जाएयो कंगाल, टुंडै, लोंगड़े, औरौ आन्धै कै इथै लियांव।’

लूका 18:43

औरौ सै तौलोंई दैखदा लागा औरौ पौरमेशवर कै बौड़ाए कौरदा रौआ, औरौ तैसकै साथी हौटै गौआ, औरौ सौबै लोग दैखैयो पौरमेशवर कै बौड़ाए कौरदै लागै।

लूका 7:16

ऐजौ दैखैयो सौबै लोग डौर गौवै, औरौ सैजै पौरमेशवर की बौड़ाए कौरदै लागै, “अमारै बीच मुंजीदा ऐक बौड़ा पौरमेशवर कै बातौ बौताणौवाल़ा बिज़ रौआ, औरौ पौरमेशवर आपणै लोगौ कै मौदद कौरदा आए रौआ।”

यूहन्ना 9:24

तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”