मत्ती 14:29 - सिरमौरी नौवाँ नियम

²⁹ औरौ तैणै बौल़ौ, “आए जा!” तोबै पतरस किश्‍ती पौरैशा ओतरेयो यीशु कै धोरे जाणौ कारिए पाणी पांदी हांडदा लागा।

Sirmouri

²⁹ प्रभू यीशू ऐ तेस्खे अज्ञाँ दिती, “आ!” तबे संत्त-पतरस नाव शा ऊतरियों प्रभू यीशू कैई ज़ाँणों खे पाँणी गाशी हाँड्दा लागा।

मत्ती 14:29 ပူးပေါင်းရင်းမြစ်များ

मत्ती 14:28

पतरसे तैसीखै जोवाब दिया, “ओए रै प्रभु, जै तू ही औसौ, तौ मुखै आपणै धोरे पाणी पांदी हांडणौ कै आज्ञा दै।”

मत्ती 14:30

पौरौ हवा दैखैयो डौरे गौआ, औरौ जोबै डुबदा लागा औरौ जोर सै लैरौ मारैयौ बौल़ौ, “ओए रै प्रभु, मुखै बौचा।”

मत्ती 17:20

तैणै तिनुखै बौल़ौ, “आपणै बिशवाश कै कमी कै बौजैह शै, जिथुखै हांव तुऔं खै साचौ बुलू, जै तोंवारा बिशवाश राई कै दाणै कै बराबर बै हौला, तौ तुऐं इथु धारो खै बै बौल़ै सौकौ, ‘कै इथै दो ओकशैयो तिथै हौटै जा,’ तौ सै हौटै जांदो; औरौ कुणजी बै बात तुऔं कारिए नामुमकिन ना हौंदै।

मत्ती 21:21

यीशुए तिनुखै जोवाब दिया, “हांव तुऔं खै साचौ बुलू; कै जै तुऐं बिशवाश राखलै, औरौ शक ना कौरौ; ना तौ तुऐं सिरफ ऐजौ कौरदै, जू ऐसी अंजीर कै डाल़ो आरी कौरे राए; पौरौ जै इयौं धारो कै बै बौलल़ै, की ओकशै जा, औरौ समुन्द्रो दो हौटै जा तौ ऐजौ बै हौए जांदो।

मरकुस 9:23

यीशुए तैसीखै बौल़ौ, “तुऔं कै शक नी हौणा चैंई कै हांव ऐजौ कौरे सौकु! जै कुणिए आदमी मुं पांदी बिशवाश कौरौ तौ तैसी कारिए सौब ठुँ हौए सौकौ।”

लूका 17:6

प्रभुए बौल़ौ, “जै तुऔं खै राई कै दाणै कै बोराबर बै बिशवाश हौंदा, तौ तुऐं ऐसी तुन्तौ कै डाल़ो खै बौलदै कै जोड़ो शा ओकशैयो समुन्द्रो दा लागै जा, तौ सै तुंआरी मान पांदा।”

प्रेरितो कै काम 3:16

औरौ मसीह यीशु पांदी बिशवाश कौरणौ कै दवारा ऐजा आदमी बिल्कुल ठीक हौए गौआ, औरौ तुऐं जाणौए कै ऐजा कैशणा अपंग थिया औरौ तुंआरी आखी कै सामणै मसीह यीशु कै नांव दै बिशवाश कौरणौ की बौजैह शै ऐसी चंगाए भैट रौए।”

फिलिप्पियों 4:13

मसीह जू मुखै शौकतै दैंव तैसकै मौदद शै हांव सौबै ठुँ कौरे सौकु।