मत्ती 13:8 - सिरमौरी नौवाँ नियम

⁸ पौरौ किछै बीज़ बड़िया जोमीनो पांदी छुटै, औरौ बौहितै फौल़े गौवै; औरौ कुणजैई बीज़ तीस गुणा, कुणजैई बीज़ साठ गुणा, औरौ कुणजैई बीज़ शौ गुणा फौल़े गौवै।”

Sirmouri

⁸ परह् किऐ बींज़ धर्ती की आछी बोंन्द्री भुम्मी दो पड़ो, अरह् से फल़बंन्त हुओ, किऐ षौह् गुँणा, किऐ षाठ गुँणा, अरह् किऐ तीष गुँणा।

मत्ती 13:8 ပူးပေါင်းရင်းမြစ်များ

मत्ती 13:23

औरौ जू बड़िया जोमीनो पांदी बौए राए थिए, ऐजै सैजै लोग औसौ; जू पौरमेशवर का वचन शोणेयो सौमझौ औरौ आपणै जीवन दै कैई फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

मत्ती 13:7

किछै बिज़ झाड़ी मुंजी छुटै, औरौ झाड़ीए जामेयोंदे बिज़ दबाए दिए।

मरकुस 4:20

औरौ किछै बिज़ ऐशणै औसौ जू बोड़िया जोमीनो दै छुटै, ऐजै सैजै लोग औसौ; जू पौरमेशवर का वचन शुणैबा आपणै जीवन दा अपनाएयो बौहुता फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

मरकुस 4:8

पौरौ किछै बिज़ बड़िया जोमीनो पांदी छुटै; औरौ सै जामै, औरौ बौहितै फौल़े गौवै; औरौ कुणजैई बीज़ तीस गुणा, कुणजैई बीज़ साठ गुणा, औरौ कुणजैई बीज़ शौ गुणा फौल़े गौवै।”

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

लूका 8:8

औरौ किछै बीज़ बड़िया जोमीनो पांदी छुटै, औरौ जामयो शो गुणा फोल़ लियोऊवा।” ऐजौ बौलेयौ तैणै जोर शै बौल़ौ, “जिनु कुणिए मैरी बात शुणी लोए, सै ध्यान सै शोणेया।”

यूहन्ना 15:8

मैरै पिता पौरमेशवर की महिमा इथी लैई हौंव, कै तुऐं बैजाए फोल़ लांव, तोबैई तुऐं मैरै चैलै ठोहरलै।

रोमियों 7:18

जिथुकै हांव जाणुए कै मुं दा औरौ मैरै पापमय आदमी कै स्‍वभाव दै कुणजै बै आछै चीज़ ना रौंव, भले काम कौरणौ कारिए इछा तौ मुं दै औसौए पौरौ तिनु हांव कौरे ना सौकु।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।