मत्ती 13:52 - सिरमौरी नौवाँ नियम

⁵² यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

Sirmouri

⁵² प्रभू यीशू ऐ तिनखे बुलो, “ऐजा ही कारण असो, के यहूदी-निय्म का शिखाणों वाल़ा, जुण्जा स्वर्गो राज्य के बारे दा शिखाया गुवा; से परिबार के मुँखिया ठगड़ा अगुवे जेष्णें असो, जुण्जा आप्णें खजाने संईजाल़ों शी नंई, अरह् पुराँणी चीजो निकाल़ो।”

मत्ती 13:52 ပူးပေါင်းရင်းမြစ်များ

मत्ती 12:35

आछा आदमी आपणै मनो कै आछै भण्डार शै आछी बातौ घाड़ो औरौ बुरा आदमी आपणै मनो कै बुरै भण्डार शै बुरी ही बातौ घाड़ो जिथुकै जू मन दो भोरयोंदो हों सैजौई तैसकै मुँओं पौरैशौ बायरै आंव।

मत्ती 13:51

“का तुऐं ऐजी सौबै बातौ सौमझी?” चैलै तैसी जोवाब दिया, “हौर।”

मत्ती 13:53

जोबै यीशुए ऐजै सौबै उदारण बौल़ै पाए, तौ तिथैदा हौटै गौआ।

मत्ती 23:34

इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले।

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

लूका 11:49

इथकारिए पौरमेशवरे आपणी बुध्‍दि लैई बौल़ै राए, कै हांव तिनकै धोरे पौरमेशवर कै बातौ बौताणौवाल़ै औरौ तिनकै चोणेयौंदे चैलै कै छाड़दा, औरौ सै तिनुमुंजी दै कोसी कै मारै दैंदै, औरौ कोसी कै तौड़पांदै।

यूहन्ना 13:34

हांव तुऔं ऐक बौड़ै आज्ञा दियु, कै ऐकी दुजैआरी प्यार राखैया। ऐशैखैई जैशै मोऐं तुऔं आरी प्यार राखा, तैशैकैई तुऐं बै ऐकी दुजैआरी प्यार कौरेया।

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

इफिसियों 3:4

जैशै तुऐं चिट्ठी पोढ़लै, तौ तुऔं ऐजौ बै पौता चाल जांदा कै हांव सौथी कै मसीह कै भैद कै बारै मुंजी कैतरै आछै शै सौमझु।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

कुलुस्सियों 1:7

सुसमाचार की शिक्षा तुऐं अमारै प्रिय सहयोगी भाई इपफ्रास शै शैखै राए जू आमु कारिए मसीह का बिशवाश लायक सेवक औसौ।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

1 तीमुथियुस 3:6

तैसीकै बिशवाश दै मोजबूत हौणौ चैंई, नही तौ हौए सौकौ कै सै घमण्डी हौए जांव औरौ तैसी सैजै सौजा भैटलै जू पौरमेशवरे शैतान कै दैय राखै।

तीतुस 1:9

तैसी यीशु मसीह कै बारै मुंजी साची सौंदेश पांदी पाका बिशवाश हौणा चैंई जू सौंदेश आमुए तैसी शिखाए राए थिया ताकि सै ओकी लोगौ कै सोही शिक्षा मानणौ कारिए हौंसला दैय सौकौ औरौ साथ कै साथ लोगौ कै सामणै विरोधियों कै पौल खोले सौकौ।