मत्ती 13:30 - सिरमौरी नौवाँ नियम

³⁰ काटणौ तौड़ी दु कै ऐक साथै जामणौ दैंव, औरौ काटणौ कै सौमय हांव काटणौवाल़ौ खै बुलूबा कै आगै खरपतवार कौठै कौरेयौ जौल़ाणौ खै तिनकै पूल़ै बानै पांव, औरौ गियुँ मैरै कोठारो दै कौठै कौरौ।’ ”

Sirmouri

³⁰ गींऊँ, अरह् शींऊँ शाख सह्लाणों के बख्त्तो तोड़ी ईनू ऐबे साथी बड़णों दियों, जबे शाख पाजी ज़ाली, तअ शाख लुण्णों सलांणों वाल़े धियाड़ूवा खे हाँव अज्ञाँ देऊँबा, के ऐजे जाँगल़ी बींज़ शींऊँ कठै करियों ईन्दें के पूल़े-बीडै बानियों, फूकी दियों, अरह् आछे गींऊँ मेरे खल़े-खलियान दे कठै करह्।”

मत्ती 13:30 ပူးပေါင်းရင်းမြစ်များ

मत्ती 13:25

पौरौ जोबै लोग सोतै रौवै थिए तोबै तैसका बौयरै आयौ गियुँ कै बीचौ दै जोंगली बिज़ बौएयो हौटै गौआ।

मत्ती 13:29

तैणै बौल़ौ, ‘ना, ऐशै नै कौरेया कोदी खरपतवार कौठै कौरदै बैई तुऐं तिथकै साथै गियुँ बै उंढे ना घाड़ो।

मत्ती 25:32

औरौ सौब जाति कै लोग मैरै धोरे खौड़ै कौरे जांदै, औरौ जैशैखै चौराणौवाल़ा भेड़ो खै बकरियों शै जोई कौरौ, ऐशैखैई हांव बै तिनुकै ऐकी-दूजै शै जौई कौरे दैन्दा।

मत्ती 25:41

तोबै सै डैरै ढौबौ खौड़ै हौणौवाल़ै कै बौलदा, ‘ओए रै शरापित लोगौ, मैरै सामणै शै तियौं सौदा कै आग दै हौटै जांव, जू शैतान औरौ तैसखै दुष्टआत्मा खै पौरमेशवरे तैयार कौरे राए।

मत्ती 3:12

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ादा जू आग कौलोंई ना हिशदै।”

लूका 3:17

तैसकौ छाज तैसकै हाथौ दो औसौ, औरौ सै आपणौ खल़याण आछै शै साफ कौरदा, औरौ सै आपणै गियुँ खै तौ आपणै कोठारो दै कौठै कौरदा, पौरौ भूसो खै तियौं आगी मुंजी जोल़ाए दैंदा जू आग कौलोंई ना हिशदै।”

यूहन्ना 15:6

जै कुणिए मुं दै बौणैयौंदे ना रौंव, तौ तिनु काटैयौ फेरकाए दैंव। जोबै सै शाई शोकै जांव, तौ तिनु कौठी कौरेयौ जोल़ाए दैंव।

1 कुरिन्थियों 4:5

इथकारिए जांव तौड़ी प्रभु ना आंव, तांव तौड़ी कोसी का न्याय ना कौरौ: सै सीधै तरीकै शै तिनु सौबी विचारो खै बौतांदा जू लोगौ कै धोरे औसौ जिथकै बारै मुंजी ओका कुणिए ना जाणौ। सै तिनु मकसदो खै प्रकट कौरदा जू तिनकै दिलो दै औसौ। तोबै पौरमेशवर कै ढौबौशै हरेक आदमी कै तारीफ हौन्दै।

1 तीमुथियुस 5:24

हांव ताखै बुलू कै अगुवे कै चुणणो दै जल्दबाजी ना कौर जिथुकै किछै लोग खुलैआम पाप कौरौ। इथै तौड़ी कै न्याय हौणौ दै आगैई सै बिशवाशियौं कै सामणै दोषी औसौ। ओकी लोगौ कै पाप इशैक ना दैखियौं, पौरौ सिरफ बाद दा पौता चालौ।