मत्ती 13:23 - सिरमौरी नौवाँ नियम

²³ औरौ जू बड़िया जोमीनो पांदी बौए राए थिए, ऐजै सैजै लोग औसौ; जू पौरमेशवर का वचन शोणेयो सौमझौ औरौ आपणै जीवन दै कैई फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

Sirmouri

²³ सेजी आछी बोंद्री भूँम्मीं, जिंन्दो बींज़ बऐ थो, से सेजा आदमी असो, जुण्जा खुषख्बरी शुणों, अरह् तेसी बचन सम्झों ऐ, से सत्तिखे संईसारी दा षोंह् गुँणा, षाठ गुँणा, अरह् तीष गुँणा फल़ आँणो।”

मत्ती 13:23 ပူးပေါင်းရင်းမြစ်များ

मत्ती 12:33

“जै डाल़ बै आछा औसौ, तौ तैसकै फल़ बै आछै हौंदै, जै डाल़ खराब औसौ, तौ तिथकै फल़ बै खराब ही हौन्दै, जिथुखै डाल़ फल़ शै ही पोछैयाणै जांव।

मत्ती 13:8

पौरौ किछै बीज़ बड़िया जोमीनो पांदी छुटै, औरौ बौहितै फौल़े गौवै; औरौ कुणजैई बीज़ तीस गुणा, कुणजैई बीज़ साठ गुणा, औरौ कुणजैई बीज़ शौ गुणा फौल़े गौवै।”

मत्ती 3:10

इथकारिए ऐबै तुऐं पौरमेशवर कै न्याय कारिए तैयार रौया जिथुखै कुराड़ी डाल़ो कै जोड़ो पांदी राखै राए, इथकारिए जू डाल़ आछा फोल़ नै लियाला सैजा काटा जांदा औरौ आगै मुंजी बैगाया जांदा।”

मत्ती 3:8

आपी खै साबित कौरौ कै तुऐं आपणै पापौ कै छोडे़बा पौरमेशवर कै ढौबौ फैरै गौवै।

मरकुस 10:15

हांव तुऔं खै साचौ बुलू, कै जू कुणिए पौरमेशवर कै राज्य खै नानड़िया कै जैशणा अपनांव, सैजै तिंदै जाए सौकौ।”

मरकुस 4:20

औरौ किछै बिज़ ऐशणै औसौ जू बोड़िया जोमीनो दै छुटै, ऐजै सैजै लोग औसौ; जू पौरमेशवर का वचन शुणैबा आपणै जीवन दा अपनाएयो बौहुता फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

लूका 13:9

जै आगलै साल फोल़ आंव तौ आछौ, नी तौ ऐसी काटै दैया।”

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

लूका 8:8

औरौ किछै बीज़ बड़िया जोमीनो पांदी छुटै, औरौ जामयो शो गुणा फोल़ लियोऊवा।” ऐजौ बौलेयौ तैणै जोर शै बौल़ौ, “जिनु कुणिए मैरी बात शुणी लोए, सै ध्यान सै शोणेया।”

यूहन्ना 15:16

तुऐं मुखै ना चुणी, पौरौ मोऐं तुऔं चोणे राए औरौ तुऔं ठोहराए राए कै तुऐं जायौ फोल़ लांव औरौ तोंवारा फोल़ टिकैयौंदा रौंव, कै तुऐं मैरै चैलै औसौ, इथकारिए जू किछै पिता पौरमेशवर शै मांगलै, सै तुऔं दैला।

यूहन्ना 8:47

जू कुणिए पौरमेशवर शै सौमबंध राखौ, सै पौरमेशवर कै बातौ शुणौ, औरौ तुऐं इथकारिए ना शुणौ कै तुऐं पौरमेशवर शै सौमबंध ना राखौ।”

प्रेरितो कै काम 16:14

औरौ लुदिया नांव कै थुआतीरा शहर कै मोंगे बैंगनी रंगो कै खोटणो बिकणोवाल़ी ऐक बैटमाणिश जू पौरमेशवर कै भोक्‍ती कौरणौवाल़ै थी, ऐजी बातौ शौणै लोए थी। प्रभुए तियौंका मन खोले दिया, ताकि पौलुस की बातौ पांदी ध्यान लांव।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

2 कुरिन्थियों 9:10

जिथुकै पौरमेशवर ही औसौ जू किसानो खै बौणौ कारिए बीज़ दैंव, औरौ तिनु खाणौ कारिए भोजन बै दैंव। तौ, ऐशैखैई पौरमेशवर ऐजौ साबित कौरदा कै तुऔं कैई हमैशा पूरु धन हौंव ताकि तुऐं हौजौ जादा दयालुता शै जौरुरतमंद लोगौ कै मौदद कौरे सौकौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 4:17

हांव ऐजौ इथकारिए ना लिखु कै हांव तुऔं कैईंदै पौयसै कै मौदद चोऊं पौरौ हांव चोऊं कै ऐजौ तिनु आछी चीज़ौ कै सूची मुंजी शामिल कौरौ जू तुऐं आगै दौ ही कौरे राए औरौ जिथकारिए पौरमेशवर तुऔं इनाम दैंदा।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 1:6

ऐजा सुसमाचार पूरै दुनिया दा फोयलै रौआ औरौ कैई लोग बिशवाशी बौणै रौवै। इथलैई हर जौगैह जिन्दगी बौदल़दै लाग रौए, ठीक तैशैखैई जैशैकै तुऐं आगलै बैई सुसमाचार खै शौणै राए थिया औरौ इयौं सौचाई खै सौमझै राए कै पौरमेशवर तिनु लोगौ कै पापौ खै माफ कौरौ जू मसीह दा भोरोशा राखौ।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

2 थिस्सलुनीकियों 2:10

औरौ सै हर तरह कै बुरै काम औरौ तिनु लोगौ खै धौखा दैंदा जू पौरमेशवर कै दवारा नाश हौंदै जिथुकै सै तैसी सौचाई पांदी बिशवाश कौरणौ शै इन्कार कौरौ जू तिनु बौचाए सौकौ।

इब्रानियों 4:2

जिथुकै जैशै आमुए यीशु मसीह कै बारै मुंजी सुसमाचार शुणा, तैशैखैई इस्राएल देश कै लोगै बै विशांव कै ठाँव दा जाणौ का सुसमाचार शुणा। पौरौ तिनुऐ इथपांदी बिशवाश ना कौरी। इथकारिए सैजा सौंदेश तिनु कारिए बैकार थिया।

इब्रानियों 6:7

जिनु लोगौ खै आछी शिक्षा भैटौ, सैजै तियौं जोमीनो कै जैशणै औसौ जिथपांदी बार-बार बौरखा पौड़ौ। जै जोमीन आछी औसौ, तौ सै तिनु लोगौ कै खातिर फायदैमंद पौधे जौमांव, जिनु कारिए इथपांदी खेती कौरे लौए औरौ इथपांदी पौरमेशवर कै आशीष हौंव।

इब्रानियों 8:10

तोबै प्रभु बौल़ौ, कै जू कौरार हांव आणौवाल़ै दूसौ दै इस्राएल देश खै लोगौ कै साथै कौरदा, सैजै ऐजै औसौ, कै हांव तिनु मैरै नियम कै बारै मुंजी सुंचणौ दैंदा, औरौ सै तिनु आपणै मन दै राखदै, औरौ हांव तिनका पौरमेशवर बौणदा, औरौ सै मैरै लोग हौंदै।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

1 यूहन्ना 5:20

आमै ऐजौ बै जाणुए कै यीशु मसीह पौरमेशवर का बैटा इयौं दुनिया पांदी आए रौआ औरौ तैणै आमुखै सौमझ दैय राए कै आमै तैसी साची पौरमेशवर कै पौछेयाणु। जिथुकै आमै साची पौरमेशवर कै साथै औरौ तैसकै बैटै यीशु मसीह कै साथै बौणैयौंदे रौंव। यीशु मसीह ही साचा पौरमेशवर औरौ सौदा कै जिन्दगी औसौ।