मत्ती 13:21 - सिरमौरी नौवाँ नियम

²¹ पौरौ पौरमेशवर कै वचन कै आपणै मनो कै भीतरै बौठणौ ना दैंव, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव।

Sirmouri

²¹ परह् ईन्देंखे के तेने तेसी बचन दी जड़ ने सारी पाका ने हई, से ठीके ही बख्त्तो खे टीकी सको; परह् जेई तेस गाशी बचन के कारण दु:ख सताव पड़ो, तेई से तेसी ही बख्ते तेसी मंत्त-ज्ञाँन शा भट्की ज़ाँव।

मत्ती 13:21 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 11:6

औरौ धन्‍य औसौ सैजै जू मुं पांदी बिशवाश कौरणा ना छोड़ो।”

मत्ती 13:20

औरौ जू पथरीली जोमीनो पांदी बौए राए थियु, “ऐजै सैजै औसौ जू पौरमेशवर का वचन खै शोणेयो तौलोंई खुशी सै मानौए।”

मत्ती 13:57

इथकारिए तिनुऐ तैसकै बातौ पांदी बिशवाश ना कौरी। पौरौ यीशुए तिनुखै बौल़ौ, “पौरमेशवर कै बातौ बौताणौवाल़ै आपणै देश औरौ आपणै घोर छोड़ेयौ ओकते सारै ठाँव दा आदर पाव।”

मत्ती 13:6

पौरौ सुरज निकल़णौ पांदी सै फोखे गौवै, औरौ तिथकै जोड़ डुंगी ना थी इथकारिए सै शोकै गौवै।

मत्ती 24:13

पौरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।

मत्ती 26:31

तोबै यीशुए तिनुखै बौल़ौ, “तुऐं सौबै ऐलो ही रातै मुखै छोड़ेयौ भागी जालै, जिथुकै पवित्र शास्त्र दो लैखै राखौ, ‘हांव रोखवाल़ै खै मारै दैन्‍दा, औरौ झुंड की भेड़ो तितर बितर हौए जान्दी।’

मत्ती 26:33

इथपांदी पतरसे तैसीखै बौल़ौ, “जै बैशक सौबै ताखै छोड़ेयौ खै भागी जालै पौरौ हांव ताखै छोड़ेयौ कौलोंई ना भागदा।”

मरकुस 4:17

पौरौ पौरमेशवर कै वचन कै आपणै मनो भीतरा ना बौठाल़ो, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव।

लूका 8:13

शोकरेड़े वाल़ै जमीन कै बिज़ ऐशणै औसौ, जोबै सै पौरमेशवर का वचन खै शोणेयो तौलोंई खुशी सै मानौए तौ औसौ, पौरौ वचन कै आपणै मनो कै भीतरै बौठणौ ना दैंव, औरौ दैणिक सौमय तौड़ी बिशवाश राखौ, औरौ परीक्षा कै सौमय सै बिशवाश शै दूर हौए जांव।

यूहन्ना 6:26

यीशुए तिनुखै जवाब दिया, “हांव तुऔं खै साचौ-साचौ बुलू, तुऐं मुखै इथकारिए ना जूओं कै तुऐं निशान दैखै, पौरौ इथकारिए कै तुऐं रोटी खायौ खै छौकै गौवै।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

गलातियौं 5:6

जै तुऐं मसीह यीशु कै चैलै औसौ तौ इयौं बातौ लैई किछै फर्क ना पौड़ौ कै तोंवारा खतना हौए रौआ कै ना हौए रैई। पौरौ बैजाए खास बात ऐजी औसौ कै आमु मसीह पांदी बिशवाश कौरु औरौ पौरमेशवर औरौ ओकी लोगौ कै प्रति प्यार राखु।

गलातियौं 6:12

जू लोग ओकी यहूदी लोगौ कै खुश कौरणा चांव, सैजैई तुऔं खतना कौरवाणौ कारिए जोर लांव। सै ऐजौ सिरफ इथकारिए कौरौ ताकि लोग तिनु ऐजा प्रचार कौरणौ कै बौजैह शै ना सतांव कै मसीह क्रूसो पांदी मौरा।

गलातियौं 6:15

जिथुकै ना खतना औरौ ना खतनारहित किछै माइनै ना राखौ, पौरौ पौरमेशवर कै दवारा ऐक नौवाँ आदमी बाणै जाणा ही माइनै राखौ।

इफिसियों 3:17

ताकि तैसी पांदी बिशवाश कौरणौ कै दवारा मसीह तोंवारै भीतरै हमैशा कारिए बौसै जांव। औरौ हांव प्रार्थना कौरु कै पौरमेशवर कै प्यार दै तुऐं मोजबूत हौयौ औरौ औड़ेयौंदे रौयौ,

फिलिप्पियों 1:6

मुखै इयौं बातौ का भोरोशा औसौ कै पौरमेशवरे तुऔं मुंजी किछै आछा काम कौरणा शुरु कौरे राए, सैजाई तैसी यीशु मसीह खै पाछु आणौ कै दूसौ तौड़ी पूरा कौरदा।

2 तीमुथियुस 1:15

तू जाणैए कै एशिया प्रदेश दै रौणौवाल़ै कैई बिशवाशीए मुखै छोड़े दिया, जिनुमुंजी फूगिलुस औरौ हिरमुगिनेस औसौ।

2 तीमुथियुस 4:10

जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

याकूब 3:2

आमै सौबै बौहितै बैई चौकी जोऊं पौरौ जै कुणिए आदमै जू सै बौल़ौए तिथमुंजी कौलोंई गौलती ना कौरौ सैजाई तौ सिध्द आदमै औसौ, औरौ सै आपणै सौबी कामौ दा आपी खै काबू कौरे सौकौ।

1 पतरस 1:5

पौरमेशवर आपणै अनौखी शौकतै लैई तुऔं बौचायौ राखदा जिथुकै तुऐं यीशु मसीह पांदी भोरोशा राखौ। सै आखरी दूसौ तौड़ी जौल़ौ मसीह पाछु आला, तुऔं बौचायौ राखणा जारी राखदा। तोबै तुऐं जाणै पांदै कै पौरमेशवरे तुऔं पाप औरौ मौत शै पूरी तरह शै बौचाए राए।

प्रकाशितवाक्य 2:13

हांव जाणुए कै तू तैसी ठाँव दा रौए जिथै शैतान राज्य कौरौ। तू मुं कारिए बिशवाश लायक बौणेयौंदा रौआ, औरौ मुं पांदी बिशवाश कौरणा कौलोंई बंद ना कौरी। तुऐं तैसी सौमय बै बिशवाश कौरा जोबै तिनुऐ अन्तिपास खै तिथै मारै दिया जिथै शैतान राज्य कौरौ।