मत्ती 13:12 - सिरमौरी नौवाँ नियम

¹² जिथुखै जैसकैंई औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।

Sirmouri

¹² किन्देखे के जिन कैई असो ऐ, तिनखे हजो दियो ज़ालो, अरह् तिन कैई बैजाऐ भहितो हऐ ज़ालो; परह् जेस कैई किऐ ने आथी, तेस कैई जुण्जो असो ऐ, सेजो भे ऊँडो करो ज़ाँदो।

मत्ती 13:12 ပူးပေါင်းရင်းမြစ်များ

मत्ती 21:43

“हांव तुऔं खै बुलू, की पौरमेशवर का राज्य तुऔं कैईंदा आगु कौरदै, औरौ तिनु सौबी देशो कै लोगौ खै दैय दैंदै जू तैसकी मानौए।

मत्ती 25:29

जिथुकै जैसी कोसी कैंई किछै औसौ तैसी हौजौ दैंदै औरौ तैसीकैईं बौहितु हौए जालो; पौरौ जैसी कैंई किछै ना आथी, तैसी कैईंदु सैजौ बै जू तैसीकैईं औसौ, उंडु कौरदै।

मरकुस 12:9

इथकारिए ऐबै अंगूरो कै बागो का मालिक का कौरला? सै आयौ तिनु किसानो खै मारै दैंदा, औरौ अंगूरो का बागो ओकी खै दैला।

लूका 10:42

पौरौ ऐक बात जौरुर औसौ, मरियमे ऐजा बड़िया भाग छांटै राए, जू इयौं कैईंदा कुणिए बै उंढा ना छीणै सौकौ।”

लूका 12:48

पौरौ जू नोकर आपणै मालिक कै इछा कै ना जाणौ औरौ सख्त सौजा पाणौ का काम कौरे राए, तैसी दैणिक सौजा भैटदै। इथकारिए जैसी बौहितु दैय राए तैसीयांदो बौहितु मांगदै; औरौ जैसी बौहितु सौंपै राए तैसीयांदो बौहितु कौरदै।”

लूका 16:2

इथकारिए सैठ आदमीए तैसी बौएदैयौ बौल़ौ, ऐजौ का औसौ जू मोऐं तैरै बारै मुंजी शौणै लो? तुऐं मैरै पौयसै शै का कौरौ तिथका हिसाब मुखै दै, आपणै भण्‍डारीपन का लैखा दै, जिथुकै तू औगौड़ियौ मैरा भण्‍डारी ना रौए सौकदा।

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 8:18

इथकारिए तुऐं चौकश रौया कै तुऐं कैशैखै शुणौ, जिथुकै जैसकैंई किछै सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”

लूका 9:26

जू कुणिए मुं दै औरौ मैरी बातौ दै शरमाले; हांव आदमी का बैटा बै, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी ओऊंबा, तोबै हांव बै तिनुकै भाजै जांदा, कै तुऐं मैरै चैलै औसौ।

याकूब 4:6

पौरौ पौरमेशवर जू अनुग्रह दैंव सै बैजाए शौकतीशाली औसौ इथकारिए पवित्र शास्त्र दो लैखै राए, “पौरमेशवर घमण्डी लोगौ का विरोध कौरौ, पौरौ दीन लोगौ पांदी अनुग्रह कौरौ।”

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।