मत्ती 12:41 - सिरमौरी नौवाँ नियम

⁴¹ नीनवे शहर कै लोग न्याय कै दूसै इनु जमाने कै लोगौ कै साथै खौड़ै हौयौ तिनु दोषी ठोहरांदै, जिथुकै तिनुऐ योना का प्रचार शोणेयो पाप कौरणा छोड़े दिया, औरौ दैखिया, इथै सैजा औसौ जू योना पौरमेशवर कै बातौ बौताणौवाल़ा दा बै बौड़ा औसौ।

Sirmouri

⁴¹ नीनवें के लोग पंणमिश्वर के नियाँव के देसे ऐसी ज़ुगौ के लोगो की गईलो बींऊँजियों तेसी कसूरबार बाँण्दें, किन्देखे के तिन्ऐ ऋषी-योना का प्रचार शुणियों मंन बद्ल़ा, अरह् दे:खो, ईथै सेजा असो, जू ऋषी-योना शा भे बड़ा असो।

मत्ती 12:41 ပူးပေါင်းရင်းမြစ်များ

मत्ती 12:39

यीशुए तिनुखै जोवाब दिया, “ऐसी जमाने कै लोग निशान चांव; जिथुखै सै बुरै औसौ, औरौ बिशवाश ना कौरणा चांव, पौरौ योना पौरमेशवर कै बातौ बौताणौवाल़ै कै निशान छोडे़बा ओका कुणजाई बै निशान तिनु दिया ना जांदा।

मत्ती 12:42

दक्षिण की राणी न्याय कै दूसै ऐसी जमाने कै लोगौ कै साथै बिज़यो तिनुखै दोषी ठोहरांदी, जिथुकै सै राजा सुलैमान का ज्ञान शुणणौ कारिए धोरती कै दूरकै जौगैह शै आए, औरौ इथै सैजा औसौ जू सुलैमान राजा दा बै बौड़ा औसौ पौरौ तुऐं पाप कौरणा छौड़णौ शै मोना कौरौ।”

मत्ती 12:45

तोबै दुष्टआत्मा जायौ आपी दी बै जादा बुरी सात दुष्टआत्मा खै आपणै साथै लियांव, औरौ सै तैसी आदमी दी जाएयो ठिकाणा बौणांव, औरौ तैसी आदमी कै पाछलै हालत इदै बै बोरै हौए जांव; ऐसी जमाने कै बुरै लोगौ कै साथै बै ऐशैखैई हौंदौ।”

मत्ती 12:6

पौरौ हांव तुऔं बौतौऊं कै इथका का मतलब औसौ, हांव तोंवारै धोरे आए रौआ औरौ हांव ऐसी मन्दिरो दा बै जादा खास औसौ।

मत्ती 16:4

ऐसी जमाने कै बुरै, औरौ गौलत सौमबंध राखणौवाल़ै लोग किथुखै निशान चांव, पौरौ योना पौरमेशवर कै बातौ बौताणौवाल़ै कै निशान छोडे़बा कुणजाई बै निशान ना दिया जांदा।” औरौ सै तिनु छोडे़बा आगु हौटा।

मत्ती 17:17

यीशुए जोवाब दिया, “ओए रै बिशवाश ना कौरणौवाल़ै औरौ हठीले लोगौ, हांव कोलो तौड़ी तोंवारै साथै रोऊंबा? औरौ कोलो तौड़ी तुंआरी सोंहुबा? तैसी भैईया मैरै धोरे इथै लांव।”

मत्ती 23:36

हांव तुऔं खै साचौ बुलू, इनु सौबी खून कै सौजा ऐसी सौमय कै पीढ़ी पांदी आन्दी।”

लूका 11:32

नीनवे शहर कै लोग न्याय कै दूसै इनु सौमय कै लोगौ कै साथै खौड़ै हौयौ, तिनु दोषी ठोहरांदै, जिथुकै तिनुऐ योना का प्रचार शोणेयो पाप कौरणा छोड़े दिया, औरौ दैखैया, इथै सैजा औसौ जू योना पौरमेशवर कै बातौ बौताणौवाल़ै दा बै बौड़ा औसौ।”

यूहन्ना 3:31

“जू स्वर्ग शा आंव सै सौबिदा बौड़ा औसौ, जू धरती पौरैशौ आंव सै धरती का औसौ, औरौ सै धरती कै बातौ बौल़ौ, जू स्वर्गो पौरैशौ आंव, सै सौबिदा ऊबा औसौ।

यूहन्ना 4:12

का तू अमारै पुराणिया याकूब दा बौड़ा औसौ, जैणै आमु कै ऐजा कुआँ दैय राए, औरौ आपणै संतान, औरौ आपणै गोरु समैंत तिथमुंजी दो पियु।”

रोमियों 2:27

औरौ जू आदमी शारीरिक रुप शै बिना खतना रौआ जै सै मूसा कै कानून का पालन कौरौ, तौ का तांव कैंई जू मूसा का कानून औसौ औरौ खतना कौरणौ कै बाद बै तू इथका पालन ना कौरे, तौ सै ताखै दोषी ना ठौहरांदा?

इब्रानियों 11:7

बिशवाश लैई ही नूह खै जोबै पौरमेशवर तैसी ऐक बाढ़ कै बारै मुंजी चैतावणी दैय जू तैणै इबी ना दैखै रैई थी, तोबै बै तैणै चैतावणी पायौ पौरमेशवर आरी बैजाए डौर कै साथै आपणै परिवार कै बौचाणौ कारिए जहाज बाणौ, नूह कै बिशवाश शै औकै लोग जिनुवै बिशवाश ना कौरी, दोषी ठौहरै। औरौ नूह आपणै बिशवाश लैई ही पौरमेशवर की नज़र दा धरमी बौणा