मत्ती 12:26 - सिरमौरी नौवाँ नियम

²⁶ औरौ जै शैतान ही दुष्टआत्माओं खै घाड़ो, तौ सै आपणै ही खिलाफ हौए जांव, तोबै तिनकै राज्य का काम तमाम हौए जांदा।

Sirmouri

²⁶ अरह् जे शैतान ही शैतान आगू गाड़ो, तअ से आप्णा ही बिरूधी हंदी ने; तबे तेस्को राज्य कियों-कियों बंणों रंह्दों?

मत्ती 12:26 ပူးပေါင်းရင်းမြစ်များ

मत्ती 13:19

जू कुणिए पौरमेशवर कै राज्य का वचन शोणेयो ना सौमझौ, औरौ जू किछै तैसकै मन दो बौए राए थियु तिथु दुष्ट शैतान आयौ चुराएयो लौए जांव; ऐजौ सैजौई औसौ जू बाटो कै मियाल़ो पुंडु बौए राए थियु।

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

मत्ती 9:34

पौरौ फरीसी लोगै बौल़ौ, “सै दुष्टआत्माओं कै ठोगड़ा, औरौ शैतान कै मोदत लैई दुष्टआत्माओं खै घाड़ो।”

यूहन्ना 12:31

दुनिया दै लोगौ का न्याय कौरणौ कारिए पौरमेशवर का सौमय ऐबै आए रौआ, औरौ इयौं दुनिया का ठोगड़ा शैतान गाड़ै दिया जांदा।

यूहन्ना 14:30

मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी।

यूहन्ना 16:11

औरौ न्याय कै बारै मुंजी यकीन दिलांदा कै इयौं दुनिया का ठोगड़ा शैतान दोषी ठोहराए गौआ।”

2 कुरिन्थियों 4:4

ऐसी दुनिया कै ईशवर शैतानै तिनु अबिशवाशियौं कै बुध्‍दि खै बंद कौरे राए, इथकारिए सै मसीह कै औरौ तैसकै महिमा कै बारै मुंजी सौंदेश कै ना सौमझै सौकौ जू पौरमेशवर कै जैशणा औसौ।

कुलुस्सियों 1:13

जिथुकै पौरमेशवरे आमु शैतान की शौकतै शै छुड़ायो आपणै प्यारे बैटै कै राज्य दै आमु लौयौ आए रौआ।

1 यूहन्ना 5:19

आमै जाणुए, कै आमै पौरमेशवर शै औसौ, औरौ सारै दुनिया तैसी दुष्ट शैतान कै वश दै पौड़ेयौंदे औसौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 16:10

पाँचवें स्‍वर्गदूतै जू तैसकै डौंगै दो थियु सैजौ तैसी राकस कै राज्य पांदी रिताए दियु, औरौ सैजा राज्य जिथपांदी राकस राज्य कौरौ थिया इनारै वाल़ा हौए गौआ। लोग आपणी जीभ काटदै लागै जिथुकै सै तिनु पीड़ो औरौ फोड़ो कै सैहन ना कौरे सौकौ थिए जू पीड़ो सै महसूस कौरौ थिए।

प्रकाशितवाक्य 9:11

ऐक राजा औसौ जू तिनु काबू कौरौ। सै सैजैई दुष्ट दूत औसौ जिनिए गौढै खै खौलै राए थिया इब्रानी भाषा दा तैसकौ नांव दौ अबद्दोन औसौ, औरौ यूनानी भाषा दा, अपुल्योन औसौ, जिथका मतलब औसौ, सै जू नाश कौरौ।