मत्ती 12:16 - सिरमौरी नौवाँ नियम

¹⁶ औरौ यीशुए तिनु चिताए दिए, कै कोसिया नै बौलेया कै सै पौरमेशवर का बैटा औसौ।

Sirmouri

¹⁶ अरह् तिनू खे सकंनें करियों ऐजी अज्ञाँ दिती, के ईन्दें के बारे दा पता ने लागा चेंई के हाँव कुँण असो।

मत्ती 12:16 ပူးပေါင်းရင်းမြစ်များ

मत्ती 12:17

की जू वचन यशायाह पौरमेशवर कै बातौ बौताणौवाल़ै कै दवारा बौल़ै राए थिया, सै पूरा हौं।

मत्ती 17:9

जोबै सै धारो पांदी दै उदे आन्दै लागै रौए थिए, तोबै यीशुए तिनुखै ऐजै आज्ञा दै, “जांव तौड़ी हांव आदमी का बैटा मौरेयौंदे पौरैशा हौजौ जियुंदी ना हौए जोऊं, तांव तौड़ी कोसी कैंई ऐजौ नी बौताया कै तुऐं का दैखौ।”

मत्ती 8:4

यीशुए तैसीखै बौल़ौ, “दैख कोसी कैई नै बौलेया पौरौ जाऐबा आपी खै यहूदी पुरोहित खै दिखा औरौ जू मूसाए कोढ़ ठीक हौए जाणौ कै बारै मुंजी बौताए राए थियु तिथकै हिसाब शै पौरमेशवर कारिए बलिदान चौढ़ा, ताकि लोगौ कै पौता लागै सौकौ कै तू ठीक हौए गौआ।”

मत्ती 9:30

औरौ सै दैखदै लागै तोबै यीशुए तिनुखै चिताऐबा बौल़ौ; “चौकश रौया, इयौं बातौ कै बारै मुंजी कोसिया नै बौलेया कै मोऐं तुऔं कारिए का राए कौरे।”

मरकुस 3:7

यीशु आपणै चैलै कै साथै गलील झील कै ढौबौ हौटै गौआ: औरौ गलील जिले शै ऐक बैजाए बौड़ी भीड़ तैसकै पौछौड़ियौ हौए गौए।

मरकुस 7:36

तोबै यीशुए लोगौ खै बौल़ौ इयौं बातौ कै बारै दै कोसी कैंई नै बौलेया; पौरौ जैतरो तैणै मोना कियु, तैतरो ही तिनुवै लोगौ कैंई बौतौऊं।