मत्ती 11:6 - सिरमौरी नौवाँ नियम

⁶ औरौ धन्‍य औसौ सैजै जू मुं पांदी बिशवाश कौरणा ना छोड़ो।”

Sirmouri

⁶ अरह् भागोईत असो सेजे जू मेरे कारण ढैस-ठूकर ने खाँव।”

मत्ती 11:6 ပူးပေါင်းရင်းမြစ်များ

मत्ती 13:21

पौरौ पौरमेशवर कै वचन कै आपणै मनो कै भीतरै बौठणौ ना दैंव, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव।

मत्ती 18:7

दुनिया कै लोगौ पांदी हाय जू पाप कौरणौ कै बौजैह बौणौ, लोगौ कारिए पाप कौरणौ कै परीक्षा सौदा आन्दै रौंदै, पौरौ हाय तैसी आदमी पांदी जू पाप कौरवाणौ कै बौजैह बौणौ।

मत्ती 24:10

तोबै बौहितै सारै लोग मुं पांदी बिशवाश कौरणा छोड़े दैलै औरौ ऐकी दूजै खै पोकड़वाले औरौ ऐकी दुजैआरी बोयर राखदै।

मत्ती 26:31

तोबै यीशुए तिनुखै बौल़ौ, “तुऐं सौबै ऐलो ही रातै मुखै छोड़ेयौ भागी जालै, जिथुकै पवित्र शास्त्र दो लैखै राखौ, ‘हांव रोखवाल़ै खै मारै दैन्‍दा, औरौ झुंड की भेड़ो तितर बितर हौए जान्दी।’

मत्ती 5:29

जै तैरै सोऐं आख तांव लैई पाप कौरांव, तौ तू तियौं आख निकाल़ैबा आपणै धोरे दै बैगाए दै, जिथुखै तांव कारिए ऐजौई बोड़िया औसौ जै तैरै अंगो मुंजीदा ऐक नाश हौए जांव औरौ तैरा सौबै शोरीर नरको दा ना फेरकाए जांव।

मरकुस 6:3

तिनुऐ ऐजौ बौलेयौ यीशु का मोजाक ऊड़ोऊंवा औरौ बौल़ौ, “का ऐजा सैजा बाढ़ोए ना आथी, जू मरियम का बैटा, औरौ याकूब, योसेस, यहूदा, औरौ शमौन का भाई औसौ? का तैसकी बोईणी इथै आमु मुंजी ना रौंव?” इथकारिए तिनुऐ तैसकै बातौ पांदी बिशवाश ना कौरी।

लूका 2:34

तोबै शमौने तिनुकै आर्शीवाद देएबा, तैसकै माँ मरियम खै बौल़ौ, “दैख सै इस्राएल देश दा कैई लोगौ कै नाश औरौ उध्दार कारिए, ऐक चिताणो कै निशान कै जैशणा हौंदा, जैसकै खिलाफ दी लोग बातौ कौरदै।

लूका 7:23

धन्‍य औसौ सैजै जू मुं पांदी बिशवाश कौरणा ना छोड़ो।”

यूहन्ना 16:1

“मोऐं ऐजी बातौ तुऔं कै इथकारिए बुली कै तुऐं कोसी पांदी बिशवाश कौरेयौ धौखा नै खांव।

यूहन्ना 6:66

ऐजी बातौ शोणेयो, यीशु कै चैलै मुंजीदै बौहितै जोणे तैसकै खिलाफ हौए गौवै, औरौ तैसी छोड़ेयौ पाछु हौटै गौवै।

1 कुरिन्थियों 2:14

पौरौ शारीरिक आदमी पौरमेशवर कै आत्मा की शिक्षाओं खै ना मानौ, जिथुकै सैजी तैसकै नोज़रो दी मूर्खता की बातौ औसौ, जिथुकै ऐक आदमै पवित्र आत्मा कै शिखाएयौंदी बातौ कै जांच तोबैई कौरे सौकौ, जोबै तैसदै पौरमेशवर कै आत्मा रौंव।

गलातियौं 5:11

ओए रै बिशवाशी भाईयों, हांव प्रार्थना कौरु कै खतना जौरुरी ना आथी, औरौ इयौं बौजैह शै मुखै यहूदी लोगौ कै दवारा सताया जाणा जारी औसौ, जै हांव मसीह कै मौत कै बारै मुंजी प्रचार कौरणौ कै बजाय ऐजा प्रचार कौरु कै लोगौ का खतना हौणा चैंई तौ हांव यहूदी लोगौ कारिए बैज्जती कै बौजैह ना हौंदा।

1 पतरस 2:8

औरौ तोबै पवित्र शास्त्र ऐजौ बै बौल़ौए, “ऐजा पाथर लोगौ कै ठोकर खाणौ कै बौजैह हौंदा। ऐजी ऐक चट्टान औसौ जू तिनकै रिड़णो कै बौजैह औसौ,” सै वचन पांदी बिशवाश ना कौरणा चांव, इथकारिए सै ठोकर खायौ रिड़ै जांव। पौरमेशवरे तिनकै साथै ऐजौई हौणौ कै योजना बाणै राए।