मत्ती 11:14 - सिरमौरी नौवाँ नियम

¹⁴ औरौ जै तुऐं मैरै बात मानणी चांव तौ मैरै बात मान पांव, जैसकै बारै मुंजी एलिय्याह पौरमेशवर कै बातौ बौताणौवाल़ै बौल़ै राए थियु, ऐजा सैजाई औसौ।

Sirmouri

¹⁴ अरह् जे तुँऐं माँनों तअ ऋषी-एलिय्याह जू आँणों वाल़ा थिया, से सेजा ही असो।

मत्ती 11:14 ပူးပေါင်းရင်းမြစ်များ

मत्ती 11:13

पौरमेशवर कै बातौ बौताणौवाल़ै कै सौबी किताबो दो औरौ मूसा कै कानून दो यूहन्ना बपतिस्मा दाता कै आणौ तौड़ी पौरमेशवर कै राज्य कै बारै मुंजी लैखै राए।

लूका 1:17

यूहन्ना ऐक ऐशणा आदमी हौंदा जू आत्मा दा शौकतीशाली औरौ एलिय्याह पौरमेशवर कै बातौ बौताणौवाल़ै कै जैशणा औसौ। औरौ सै प्रभु कै बाट तैयार कौरदा औरौ पितरो का मन नानड़िया की ढौबौ फैरै दैंदा; औरौ आज्ञा ना मानणोवाल़ै लोगौ कै पौरमेशवर कै ज्ञान कै मानणौ कारिए बौलदा औरौ प्रभु कारिए लोगौ खै सुधारीयों तैयार कौरदा।”

यूहन्ना 16:12

“मैरै तुऔं हौजौ बै बौरिशी बातौ बोताणी, पौरौ इबी तुऐं तिथु बरदाश ना कौरे सौकौ।

1 कुरिन्थियों 3:2

मोऐं तुऔं खै सिरफ पौरमेशवर कै वचन लैई बुनियादी शिक्षा दैय रैई, ना कै गैहरे सच कि, जिथुकै तैसी सौमय तुऐं ऐजी शिक्षा खै पाणौ औरौ सौमझणौ कारिए तैयार ना थी।

प्रकाशितवाक्य 20:4

औरौ तोबै मोऐं किछै सिंहासन दैखै, जिनुपांदी बौठणौवाल़ै कै मुंडो खै काटै गौवै थिए जिथुकै तिनुऐ यीशु कै सौंदेश औरौ पौरमेशवर कै वचन कै घोषणा कौरे राए थै। इनु लोगै राकस या तैसकै मूर्ति कै पूजा ना कौरे रैई थी। औरौ इनुवे आपणै माथै या हाथौ पांदी राकस कै छाप ना लाए राए थी। सै औटेयौ जियुंदी हौए गौवै थिए औरौ सिंहासनों पांदी बौठै गौवै। पौरमेशवरे तिनु राज कौरणौ का औधिकार दिया, औरौ तिनुऐ मसीह कै साथै ऐक हजार साल तौड़ी राज्य कौरा।