मत्ती 11:12 - सिरमौरी नौवाँ नियम

¹² औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ।

Sirmouri

¹² संत्त-यूहन्ना नहाँण-नहाँणों वाल़े के बख्तो शा ऊबा, हेभी तोड़ी जुण्जे लोग स्वर्गो के राज्य दे मुँढ़ाईऐ ज़ाँदे रूऐ, परह् बलवाँन लोग तिनका हंक भे ऊढा दड़ो।

मत्ती 11:12 ပူးပေါင်းရင်းမြစ်များ

मत्ती 11:11

हांव तुऔं खै साचौ बुलू, कै जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा कुणजाई बौड़ा ना आथी, पौरौ जू स्वर्ग कै राज्य दा नानड़ै शै नानड़ा औसौ सैजा तैसीदा बौड़ा औसौ।

मत्ती 11:13

पौरमेशवर कै बातौ बौताणौवाल़ै कै सौबी किताबो दो औरौ मूसा कै कानून दो यूहन्ना बपतिस्मा दाता कै आणौ तौड़ी पौरमेशवर कै राज्य कै बारै मुंजी लैखै राए।

मत्ती 3:15

पौरौ यीशुए तैसीखै ऐजा जोवाब दिया, “ऐबै तू ऐशैखैई हौणौ दै, जिथुखै आमुखै ऐशैखैई सैजौ सौबै पूरु कौरणौ जू पौरमेशवर कारिए जौरुरी औसौ।” औरौ तोबै यूहन्नाए तैसकै बात मानै पाए।

लूका 13:24

“पौरमेशवर कै राज्य दो सांगड़ै दवारो बाटी जाणौ चैईथु औसौ, जिथुकै हांव तुऔं बुलू कै भौरिशै लोग ऐसी दवार दै जाणौ की कौचिश कौरलै, पौरौ जाणौ दै नाकामयाब हौए जांदै।

लूका 16:16

जांव तौड़ी यूहन्ना बपतिस्मा दाता ना ओऊवा, तांव तौड़ी मूसा कै कानून औरौ पौरमेशवर कै बातौ बौताणौवाल़ै का सौंदेश तुऔं बाट दिखांव थिया, पौरौ ऐबै पौरमेशवर कै राज्य का सुसमाचार प्रचार कौरा जांव, औरौ सौबवे भीतरै जाणौ चांव।

यूहन्ना 5:4

जिथुकै सोही सौमय पांदी पौरमेशवर कै स्‍वर्गदूत कुण्डो उदे ओतरेयो पाणी खै हिंजाल़ौ थिए, औरौ पाणी हिजाल़णौ कै बाद जू कुणिए बै औगौड़ियौ कुण्डोऊंदा जांव थिया सै ठीक हौए जांव थिया, चाए तैसकै कैशणै बै बीमारै काए नी हौंव।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।