मत्ती 11:11 - सिरमौरी नौवाँ नियम

¹¹ हांव तुऔं खै साचौ बुलू, कै जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा कुणजाई बौड़ा ना आथी, पौरौ जू स्वर्ग कै राज्य दा नानड़ै शै नानड़ा औसौ सैजा तैसीदा बौड़ा औसौ।

Sirmouri

¹¹ हाँव तुओं खे खास बात बुलू, के ऐतलो तोड़ी, जै-तोड़े तिरंई शे पय्दा हऐ रूऐ, तिनू मुँझ्शा ऐक भे संत्त-यूहन्ना नहाँण-नहाँणों वाल़े शा बड़ा ने आथी; परह् जुण्जे स्वर्गो के राज्य दे छुटे शे छुटे असो, से तिन शा बड़ा असो।

मत्ती 11:11 ပူးပေါင်းရင်းမြစ်များ

मत्ती 11:10

यूहन्ना बपतिस्मा दाता सैजाई औसौ, जैसकै बारै मुंजी पवित्र शास्त्र दो लैखै राए कै, ‘दैख हांव आपणै सौंदेश दैणौवाल़ै कै तैरै औगौड़ियौ भैजु, ताकि सै लोगौ कै बौताए सौकौ कै सै तैरै आणौ कारिए आपी खै तैयार कौरौ।’

मत्ती 11:12

औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ।

मत्ती 3:1

तिनु दूसौ दा यूहन्ना बपतिस्मा दाता आयौ यहूदिया प्रदेश कै उजाड़ जौगैह दा प्रचार कौरदा लागा।

मत्ती 3:11

“हांव तुऔं पाणी लैई बपतिस्मा दैंदा, जिनुवै आपणै पाप छोड़ेयौ पौरमेशवर कै ढौबौ मन राए लाए, पौरौ जू मैरै बाद आणौवाल़ा औसौ, सै मुं दा शौकतीशाली औसौ; हांव तौ तैसकै जूते कै तशमै खौलणौ कै लायक बै ना आथी, सै तुऔं खै पवित्र आत्मा औरौ आगै लैई बपतिस्मा दैंदा।

मत्ती 5:19

इथकारिए जू कुणिए नानड़ी शी नानड़ी आज्ञा मुंजीदै कोसी ऐकी कै ना मानौ, औरौ तैशैखैई लोगौ कै शिखांव, तैसीखै स्वर्ग कै राज्य दा सौबिदा नानड़ा बौलदै, पौरौ जू कुणिए इनु आज्ञा का पालन कौरला औरौ तिनु ओकी खै शिखाला, तैसीखै स्वर्ग कै राज्य दा महान बौलदै।

लूका 1:15

जिथुखै सै प्रभु कै सामणै महान हौंदा, औरौ सै नौशीला रस औरौ सूर कौलोंई ना पिन्‍दा औरौ आपणी माँ कै पेटो दा ही पवित्र आत्मा लैई भौरेयौंदा हौंदा।

लूका 7:28

हांव तुऔं खै बुलू की जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा बौड़ा कुणजाई ना आथी पौरौ जू पौरमेशवर कै राज्य दा नानड़ै शै नानड़ा औसौ सैजा तैसीदा बै बौड़ा औसौ।”

लूका 9:48

औरौ तिनु बौल़ौ, “जू कुणिए मैरै नांव शै ऐसी भेइया कै बै अपनांव, सै मुखै अपनांव; औरौ जू कुणिए मुखै अपनांव सै मैरै भैजणौवाल़ै पौरमेशवर कै अपनांव, जिथुकै जू तुऔं मुंजीदा सौबिदा नानड़ै दा नानड़ा औसौ, सैजाई बौड़ा औसौ।”

यूहन्ना 1:15

यूहन्नाए तैसकै बारै दै गवाही दै, औरौ जोर सै बौल़ौ, “ऐजा सैजाई औसौ, जैसकै बारै दौ मोऐं बौताए राए थियु, कै जू मैरै बाद आए रौआ, सै मुं दा बै बौड़ैबा औसौ, जिथुकै सै मुं दा औगौड़ियौ बजूद दा थिया।”

यूहन्ना 1:27

यानी जू मैरै बाद आणौवाल़ा औसौ, हांव तौ तैसकै जूते कै तशमै खौलणौ कै लायक बै ना आथी।”

यूहन्ना 10:41

औरौ बौहितै सारै लोग तैसकै धोरे आयौ खै बौल़ौ थिए, “यूहन्नाए तौ कुणजैई चौमत्कार कै काम ना दिखैई, पौरौ जू किछै यूहन्ना ऐसकै बारै मुंजी बौल़ौ थिया सै सौबै साचौ औसौ।”

यूहन्ना 3:30

जौरुरी औसौ कै सै जादा खास हौए जांव औरौ हांव कम खास हौए जोऊं।”

यूहन्ना 5:35

यूहन्ना तौ जोल़दै औरौ चोमकैयौंदे दिवे कै साए थिया, औरौ तुऔं कै किछै सौमय तौड़ी तैसकै पेयाशै दो मगन हौणौ आछौ लागौ।

यूहन्ना 7:39

यीशुए ऐजै बात बौल़ै, तौ सै पवित्र आत्मा कै बारै मुंजी बौल़ै लोए थी, जू तैसी पांदी बिशवाश कौरौ सै पवित्र आत्मा कै पाणौ वाल़ै थिए; पवित्र आत्मा इबी तौड़ी ना उतरे रैई थी। जिथुखै पौरमेशवरे इबी तौड़ी यीशु कै महिमा कै प्रकट ना कौरे रैई थी।

1 कुरिन्थियों 15:9

जिथुकै हांव चोणेयौंदे चैलो मुंजीदा सौबिदा कम खास औसौ, सौथी कै चोणेयौंदा चैला बोल़णो कै लायक बै ना आथी, जिथुकै मोऐं पौरमेशवर कै कलीसिया दै बिशवाशियौं खै सोताए राए थिए।

1 कुरिन्थियों 6:4

जै ऐशणै मामलै सामणै आंव, तौ तोंवारा न्याय तिनु लोगौ दवारा ना निपटाए जाणा चैंई जू बिशवाशी लोगौ दवारा आदर कै लायक ना सौमझै जांव।

इफिसियों 2:3

आमै बै आगै तिनु जैशणै जियुं थिए, औरौ आपणै पापी स्‍वभाव कै इछाओं कै पूरी कौरु थिए, औरौ जू बै अमारी बुरी इछाएं औरौ विचार आमुखै बौल़ौ आमै सैजौई कौरु, औरौ बाकी सौबी कै जैशणै, आमै बै स्वाभाविक रुप शै बुरै थिए औरौ जू पौरमेशवर कै सौजा कै अधीन औसौ।

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

2 तीमुथियुस 1:10

पौरौ ऐबै अमारा उध्दारकर्ता यीशु मसीह आए गौआ, औरौ आमु पांदी आपणा अनुग्रह कौरा तैणै मौत की शौकतै कै हराए दै, औरौ आमु कै दिखोऊ कै सुसमाचार कै जरिए सौदा कै जिन्दगी कारिए ऐक बाट दिखाए राए।

इब्रानियों 11:40

जिथुकै पौरमेशवर कैई ना सिरफ तिनु कारिए, पौरौ अमारै खातिर बै ऐक बौड़ै योजना औसौ। पौरमेशवर चांव थिया कै सै अमारै साथै मिलैयौ सिध्द बौणै जांव।

1 पतरस 1:10

ऐजी मोक्ति ऐशणै थै जिथकै बारै मुंजी पौरमेशवर कै बातौ बौताणौवाल़ै हौजौ जादा जाणणौ चांव थिए। तिनुऐ बौतौऊं कै कैशै पौरमेशवर तुऔं बौचाणौ कारिए तोंवारै खातिर दयालु तरीको शै काम कौरदा जिथकै तुऐं लायक ना आथी। तिनुऐ जोवाब खै जूणौ कारिए सावधानी शै जांच कौरे औरौ शिखाणौ कै बैजाए कौचिश कौरे।