मत्ती 10:41 - सिरमौरी नौवाँ नियम

⁴¹ जू पौरमेशवर कै बातौ बौताणौवाल़ै खै तैसकै बातौ बौताणौवाल़ै जाणैयौ अपनांव औसौ, सै पौरमेशवर कै बातौ बौताणौवाल़ै कै जैशणा ही इनाम पाला, औरौ जू धरमी जाणैयौ धरमी खै अपनांव सै भोल़ै आदमी कै जैशणा ही इनाम पाला।

Sirmouri

⁴¹ जुण्जा कुँऐं पंणमिश्वर की बरंम्बाणीं कर्णो वाल़ा, पंणमिश्वर के नाँव शा बरंम्बाणीं कर्णो वाल़ा ऋषी जाँणियों धारण करह्, तेसी पंणमिश्वर की बरंम्बाणीं कर्णो वाल़े का प्रतिफल़ भेटी गुवा; अरह् जुण्जा धर्मी खे धर्मात्त्मा जाणियों पणंमेश्वर के नाँव शा धारण करह्, से धर्मी का प्रतिफल़ पाँदा।

मत्ती 10:41 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 25:44

तोबै सैजै लोग जोवाब दैंदै, ‘ओए रै प्रभु आमुए ताखै कोलो भूखा, या तीशा, या प्रदेशी, या नांगा, या बीमार, या ज़ेलो दा दैखा, औरौ तैरै सेवा ना कौरी।’

मत्ती 25:45

तोबै हांव तिनुकै जोवाब दैन्‍दा, ‘हांव तुऔं खै साचौ बुलू कै तुऐं जू इनु नानड़ै शै नानड़ै मुंजी कोसी ऐकी कै साथै नै कौरी, सै मैरै साथै बै ना कौरी।’

मत्ती 6:1

“चौकश रौया! तुऐं आदमी खै दिखाणौ कारिए भोल़ै काम नै कौरेया, ना तौ तुऐं आपणै स्वर्गीय पिता कैईंदा किछै बै इनाम ना पांदै।

मत्ती 6:18

ताकि लोग नै पौरौ तैरा पिता जू गुप्‍त दा औसौ, ताखै उपवासी जाणौ। औरौ तोबै तैरा पिता जू गुप्‍त दा दैखौए सै ताखै इनाम दैला।

मत्ती 6:4

ताकि तैरा दान गुप्‍त रौंव, तोबै तैरा पिता ताखै गुप्‍त दा दैखला, औरौ ताखै इनाम दैला।”

मत्ती 6:6

पौरौ जौल़ौ तू प्रार्थना कौरे तौ आपणै कोठरी दा जा औरौ दवार बन्द कौरेयौ आपणै पिता शै प्रार्थना कौर; ताकि तैरै प्रार्थना गुप्‍त रौंव; औरौ तोबै तैरा पिता जू ताखै मेसो दैखौए सै ताखै इनाम दैला।

मत्ती 7:8

जिथुकै जू कुणिए मांगलै, तैसीखै दैय जांदो, औरौ जू कुणिए जौला, तैसीखै भैटी जांदो, औरौ जू कुणिए खोट-खोटाला तैसीखै दवार उंडु खोले जांदो।”

प्रेरितो कै काम 16:15

औरौ जोबै तियैं आपणै कुड़बे समैंत बपतिस्मा लौआ, तौ तियैं बिन्ती कौरे, “जै तुऐं मुखै सौथीखै प्रभु कै बिश‍वाशनी सौमझौ, तौ चालैयौ मैरै घोरे रौव, औरौ सै आमु कै मौनायो कै लोय गौए।”

रोमियों 16:23

गयुस बै तुऔं कै आपणा नमशकार भैजौ। हांव तैसकै घोरे रोऊं जिथै कलीसिया कौठी हौंव। इरास्‍तुस, जू शहर कारिए पौयसै कै मामलै कै दैखौ, औरौ अमारै भाई क्‍वारतुस का तुऔं कै नमशकार।

1 कुरिन्थियों 9:17

जै हांव ऐजा काम आपणी मर्जी शै कौरु तौ मुखै इनाम भैटदा। पौरौ जै पौरमेशवरे मुखै ऐजै जिम्मेदारी दैय राए, तौ हांव इनाम कि का उम्मीद कौर सौकु? हांव कोसी बै इनाम कै उम्मीद ना कौर सौकु।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

2 यूहन्ना 1:8

इथकारिए तुऔं ध्यान राखणा चैंई, कै कोदी ऐजै लोग तुऔं धौखा नै दैंव, ताकि पौरमेशवर कै सेवा कारिए तोंवारै कौरेयौंदे मैहनत बैकार नै जांव पौरौ पौरमेशवर तोंवारै सेवा का इनाम तुऔं जौरुर दैंदा।