मत्ती 10:23 - सिरमौरी नौवाँ नियम

²³ जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

Sirmouri

²³ जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मत्ती 10:23 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 2:13

तिनकै जाणौ कै बाद, स्‍वर्गदूतै सुईणै दौ आयौ यूसुफ कै बौल़ौ, “ऊबा बिज़! तैसी भैईया औरौ तैसकी माँ खै नियौ मिस्र देशो कै दौड़ै जा; औरौ जांव तौड़ी मोऐं ताखै नै बुली, तांव तौड़ी तिथी रौया, जिथुखै हेरोदेस राजा ऐसी भैईया खै जोंदा लागै रौआ, कै तैसीखै मरवाऐ दैंव।”

मत्ती 23:34

इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले।

मत्ती 23:36

हांव तुऔं खै साचौ बुलू, इनु सौबी खून कै सौजा ऐसी सौमय कै पीढ़ी पांदी आन्दी।”

मत्ती 24:27

“जिथुकै जैशै बिजली पूरब शै निकल़ैयो पशिचमो तौड़ी चौमकैयो जांव, तैशैकैई मुं आदमी कै बैटै का बै आणा हौंदा।

मत्ती 24:30

तोबै मुं आदमी कै बैटै का निशान गौयण दा दैखिंदा औरौ तोबै धोरती कै सौबै जाति कै लोग छाती पीटदै, औरौ मुं आदमी कै बैटै खै अनौखी शौकतै औरौ महिमा कै साथै गौयणै कै बादल़ौ पांदी आन्दै दैखदै।

मत्ती 24:34

हांव तुऔं कैंई साचौ बुलू कै किछै जियुंदै लोग तांव तौड़ी बै जियुंदै रोन्दै जोबै ऐजै दुख हौन्दै।

मत्ती 24:48

पौरौ जै सै दुष्ट नोकर सुंचदा लागौ, कै मैरै मालिक कै आणौ दै देर औसौ।

मत्ती 25:13

इथकारिए जागदै रौव, जिथुकै ना तौ तुऐं तैसी दूस खै जाणौ औरौ ना तैसी सौमय कै जोबै हांव पाछु आन्‍दा।”

मत्ती 26:64

यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

मत्ती 4:12

जोबै तैणै ऐजौ शुणु कै यूहन्ना बपतिस्मा दाता थोम्बाए दिया, तौ सै यहूदिया प्रदेश कै छोड़ेयौ पाछु गलील जिले खै हौटै गौआ।

मरकुस 13:26

तोबै लोग मुखै आदमी कै बैटै कै अनौखी शौकतै औरौ महिमा कै साथै बादल़ौ दै आन्दै बैई दैखलै।

लूका 18:8

हांव तुऔं खै बुलू, सै तावल़ा तिनका न्याय चुकांदा; पौरौ जौल़ौ हांव आदमी का बैटा पाछु ओऊंबा, तौ मुखै धोरती पांदी कैतरै लोग भैटदै जिनुदा बिशवाश हौला?”

लूका 21:27

तोबै मुं आदमी कै बैटै कै अनौखी शौकतै औरौ बौड़ै महिमा कै साथै बादल़ौ पांदी आन्दै दैखदै।

यूहन्ना 7:1

इनु बातौ कै बाद यीशु गलील जिले दा जांदा रौआ जिथुखै यहूदी नेता तैसीखै मार दैणौ कै कौचिश कौरे लोए थी, इथकारिए सै यहूदिया प्रदेश दो जाणौ नी चांव थिया।

प्रेरितो कै काम 17:10

बिशवाशी भाईए तौलोंई रातो रात पौलुस औरौ सीलास खै बिरीया नोगरो दै भैज दियै, औरौ सै तिथै पोंचैयो यहूदी लोगौ कै यहूदी सभा-घोरो दै हौटै।

प्रेरितो कै काम 17:14

तोबै बिशवाशी भाईए तावल़ा पौलुस खै विदा कौरा कै समुन्द्र कै किनारे बाटी आगु जा; पौरौ सीलास औरौ तीमुथियुस बिरीया नोगरो दै रोए गौवै।

प्रेरितो कै काम 20:1

जोबै रोल़ा बोन्‍द हौए गौआ तौ पौलुसे चैलै खै बौएदैयौ हिम्मत दै, औरौ तिनकै धोरे दा आगु जायौ कै मकिदुनिया प्रदेश कै ढौबौ हौटा।

प्रेरितो कै काम 8:1

शाऊल तैसकी मौत कै साथै पूरी तरह शै शामिल थिया। तैसी दूसै यरूशलेम शहर कै कलीसिया पांदी बौड़ा अत्याचार हौंदा लागा औरौ चोणेयौंदे चैलै कै छोड़ेयौ सौबै कै सौबै यहूदिया प्रदेश औरौ सामरिया प्रदेशो दै बैखरै गौवै।