मत्ती 10:2 - सिरमौरी नौवाँ नियम

² बारौ चोणेयौंदे चैलै कै नांव ऐजै औसौ: आगला शमौन जैसकौ नांव तैणै पतरस राखौ, औरौ तैसका भाई अन्द्रियास; जब्दी का बैटा याकूब औरौ तैसका भाई यूहन्ना।

Sirmouri

² प्रभू यीशू के तिनू बारंह् खास-चैले के नाँव ऐजे असो: आगला शमौन, जेस्खे संत्त-पतरस बुली थिया, अरह् तेस्का भाऐ अन्द्रियास; जब्दी का बैटा याकूब, अरह् तेस्का भाऐ यूहन्ना;

मत्ती 10:2 ပူးပေါင်းရင်းမြစ်များ

मत्ती 17:1

छोई दूसौ कै बाद यीशुए पतरस औरौ याकूब औरौ तैसकै भाई यूहन्ना खै आपणै साथै ऐक ऊंचे धारो पांदी शान्त जौगैह दै नियै।

मत्ती 20:20

तोबै जब्दी कै बैटै कै माँ आपणै बैटै कै साथै तैसकै धोरे आयौ तैसीखै प्रणाम कौरा, औरौ तैसी कैईंदु किछै मांगदै लागै।

मत्ती 26:37

औरौ सै पतरस जब्दी कै दो बैटै खै आपणै साथै लौए गौआ, औरौ उदास औरौ बैचैन हौंदा लागा।

मत्ती 4:18

गलील झील कै किनारे घुमदै बैई तैणै दो भाई खै यानी शमौन खै जैसीकै पतरस बौल़ौ थिए, औरौ तैसकै भाई अन्द्रियास खै झील दै जाल फेरकांदै दैखै; जिथुकै सै मोछुवारै थिए।

मत्ती 4:21

तिथैदै औगौड़ियौ जाएयो, यीशुए हौजौ दो भाई यानी जब्दी कै बैटै याकूब औरौ तैसका भाई यूहन्ना खै दैखै, तैणै तिनुखै आपणै बापू जब्दी कै साथै किश्‍ती पांदी आपणै जालो खै सोनालदै बैई दैखै; औरौ तैणै तिनुखै बै बौईदै।

मरकुस 1:29

जोबै यीशु औरौ तैसकै चैलै यहूदी सभा-घोरो शै निकल़ै, तोबै सै याकूब औरौ यूहन्ना कै साथै शमौन औरौ अन्द्रियास कै घोरे हौटै।

मरकुस 13:3

यीशु जैतून धारो पांदी हौटा, औरौ घाटी चौढ़ेयौ यरूशलेम मन्दिरो कै ढौबौ मुं कौरेयौ बौठै रौआ थिया। जोबै यीशु इकली थिया तोबै पतरस, याकूब, यूहन्ना औरौ अन्द्रियास तैसकै धोरे ओऊवे, औरौ तिनुऐ तैसी कैईंदु पूछु,

मरकुस 6:30

जोबै चोणेयौंदे चैलै पाछु आयौ यीशु कै धोरे कौठै होवे, तोबै जू किछै तिनुऐ कौरे राव थियु, औरौ शिखोऊ थियु, सौबै तैसीकैईं बौतौऊं।

लूका 11:49

इथकारिए पौरमेशवरे आपणी बुध्‍दि लैई बौल़ै राए, कै हांव तिनकै धोरे पौरमेशवर कै बातौ बौताणौवाल़ै औरौ तिनकै चोणेयौंदे चैलै कै छाड़दा, औरौ सै तिनुमुंजी दै कोसी कै मारै दैंदै, औरौ कोसी कै तौड़पांदै।

लूका 22:14

जोबै सौमय ओऊवा, तौ यीशु बारौ चोणेयौंदे चैलै कै साथै खाणौ खांदा बोठा।

लूका 22:8

यीशुए पतरस औरौ यूहन्ना कै ऐजौ बौलेयौ कै छाड़ै, कै, “जाऐबा अमारै खाणौ कारिए फसह की तैयारी कौरौ।”

लूका 5:10

औरौ तैसकै साथी याकूब औरौ यूहन्ना जू जब्दी कै बैटै थिए, सै बै हैरान हौए गौवै। तोबै यीशुए शमौन खै बौल़ौ, “डौरेया नी, ऐबै शै तू लोगौ कै मैरा चैला बाणणौ कारिए कौठै कौरदा।”

लूका 9:10

तोबै चोणेयौंदे चैलै पाछु आयौ जू किछै तिनुऐ कौरे राए थियु, सौबै तैसीकैईं बौतौऊं। औरौ सै तिनु जौई कौरेयौ बैतसैदा शहर दै लोए गौआ।

यूहन्ना 12:22

फिलिप्पुसे आयौ खै अन्द्रियास खै बौल़ौ, तोबै अन्द्रियास औरौ फिलिप्‍पुस जायौ खै यीशु कै बौल़ौ।

यूहन्ना 13:23

तैसकै चैलै मुंजीदा ऐक जैसीआरी यीशु बैजाए प्यार राखौ थिया, यीशु कै पोशो दा बौठै रौआ थिया।

यूहन्ना 20:2

तोबै सै दोऊड़ी औरौ शमौन पतरस औरौ तैसी ओकी चैलै कै धोरे जैसीआरी यीशु प्यार राखौ थिया, आयौ कै बौल़ौ, “सै प्रभु कै लाशो खै कब्रो पौरैशा गाड़ेयो लोऐ गौवै; औरौ आमुए ना जाणु कै तैसी कुकै राख राए।”

यूहन्ना 21:2

शमौन पतरस, औरौ थोमा जैसीखै दिदुमुस बै बौल़ौ, औरौ गलील जिले कै काना नगर का नतनएल, औरौ जब्दी कै दौ बैटै औरौ तैसकै चैलै मुंजीदै दो औकै आदमी कौठै थिए।

यूहन्ना 21:20

पतरसे फिरैयौ तैसी चैलै कै पाछु आन्दै दैखा जैसीआरी यीशु प्यार राखौ थिया औरौ जू खाणौ कै सौमय तैसकै पोशो दा बौठै रौआ थिया जैणै पौछै राए थियु, “ओए रै प्रभु तैरा थोमाणौवाल़ा कुण औसौ?”

यूहन्ना 21:24

जैसी चैलै ऐजौ सौबै ठुँ दैखौ, तैणै गवाही दैय राए, ताकि तुऐं बै यीशु पांदी बिशवाश कौरे सौकौ। औरौ तैसकै गवाही साची औसौ। औरौ सै जाणौए कै सै सौचाई शै बौल़ौ।

यूहन्ना 6:67

तोबै यीशुए तिनु बारौ चोणेयौंदे चैलै खै बौल़ौ, “का तुऐं बै मुखै छोड़ेयौ जाणौ चांव?”

यूहन्ना 6:70

यीशुए तिनुखै जवाब दिया, “मोऐं ही तुऔं बारौ चैलै खै ना चोणे रैई। तोबै बै तुऔं मुंजीदा ऐक आदमी शैतान कै कब्जे दा औसौ।”

यूहन्ना 6:71

ऐजौ यीशुए शमौन इस्‍करियोती कै बैटै यहूदा इस्‍करियोती कै बारै दो बौल़ौ, जिथुखै सैजाई बारौ चैलै मुंजीदा ऐक थिया, जू तैसी थोम्बाणो वाल़ा थिया।

यूहन्ना 6:8

तैसकै चैलै मुंजीदा शमौन पतरस का भाई अन्द्रियासे तैसीखै बौल़ौ,

प्रेरितो कै काम 1:13

औरौ जोबै सै शहर दै पौऊंचै तौ सै तैसी उपले वाल़ै घोरो दै हौटै जिथै चोणेयौंदे चैलै पतरस, यूहन्ना, याकूब, अन्द्रियास, फिलिप्‍पुस, थोमा, बरतुल्मै, मत्ती, हलफईस का बैटा याकूब, शमौन जेलोतेस औरौ याकूब का बैटा यहूदा रौंव थिए।

प्रेरितो कै काम 1:26

तोबै तिनुऐ तिनकै बारै मुंजी चिट्ठी पाई औरौ चिट्ठी मतियाह कै नांव पांदी निकल़ै, औरौ तैसी ग्‍यारो चोणेयौंदे चैलै कै साथै बारवाँ चैला माना।

प्रेरितो कै काम 12:2

तैणै चोणेयौंदे चैलै यूहन्ना कै भाई याकूब कै तलवारी लैई मार दिया।

प्रेरितो कै काम 3:1

पतरस औरौ यूहन्ना दोफारी कै ती बौजै प्रार्थना कै सौमय मन्दिर दै जांदै लागै रौवै थिए।

1 कुरिन्थियों 15:7

तोबै याकूब कै दैखिया तोबै सौबै चोणेयौंदे चैलै खै दैखिया।

इफिसियों 4:11

ऐजा मसीह थिया जैणै ऐजी जुमैवारी कलीसिया कै दी: तैणै कोसी कै चोणेयौंदे चैलै बाणणौ कारिए चुणै औरौ कोसी कै पौरमेशवर का सौंदेश बौताणौ कारिए औरौ कोसी कै सुसमाचार शुणाणौ कारिए, औरौ कोसी कै बिशवाशियौं कै रौखवाल़ै कौरणौ औरौ शिखाणौ कारिए चुणै।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

1 पतरस 1:1

हांव पतरस, जू यीशु मसीह का चोणेयौंदा चैला औसौ, मोऐं ऐजी चिट्ठी लैखै लोए, मोऐं ऐजी चिट्ठी पौरमेशवर कै चोणेयौंदे तिनु लोगौ खै लैखै लोए जू कै पुन्‍तुस, गलातिया, कप्‍पदूकिया, एशिया, औरौ बितूनिया प्रदेशो कै कैई शहरो दै प्रदेशी कै जैशणै रौंव।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।

3 यूहन्ना 1:1

मोऐं यूहन्नाए कलीसिया कै अगुवे आपणै प्यारे दोस्त गयुस कै ऐजै चिट्ठी लैखै लौए जैसी आरी हांव साचा प्यार कौरु।

प्रकाशितवाक्य 1:1

ऐजी किताब तिनु बातौ का जिक्र कौरौ जू पौरमेशवरे यीशु मसीह खै दिखाए राए। पौरमेशवरे तैसी दिखोऊ ताकि सै आपणै दासो खै तिनु घोटनाओ कै बारै मुंजी बौताए सौकौ जू तावल़ी ही पूरी हौंदी। यीशुए आपणै स्‍वर्गदूत खै तैसी सौंदेश कै साथै मैरै धोरे यानी आपणै दास यूहन्ना कै धोरे भैजा।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 18:20

तुऐं जू स्वर्ग दै रौंव, ओए रै पौरमेशवर कै लोगौ! चोणेयौंदे चैलै औरौ पौरमेशवर कै बातौ बौताणौवाल़ै! इथ बारै मुंजी बैजाए खुशी मौनांव, जिथुकै पौरमेशवरे बाबेल शहर पांदी आपणा न्याय भैजै राए, तिनु बुराई कै बौजैह जू तिनुऐ तोंवारै साथै कौरे राए।

प्रकाशितवाक्य 22:8

हांव यूहन्ना सैजाई औसौ, जैणै इनु चीज़ौ कै दैखी औरौ शुणी। औरौ जोबै मोऐं शुणु औरौ दैखौ, तौ जू स्‍वर्गदूत मुखै ऐजी बातौ दिखांव थिया, हांव तैसी स्‍वर्गदूत कै आराधना कौरणौ कारिए तैसकै लातो पांदी रिड़ै गौआ।