मत्ती 10:15 - सिरमौरी नौवाँ नियम

¹⁵ हांव तुऔं खै साचौ बुलू, न्याय कै दूसै तैसी नोगरो कै हालत सदोम औरौ अमोरा कै नोगरो कै हालत शै बै बैजाए जादा बुरी होंदी।”

Sirmouri

¹⁵ हाँव तुओं खे खास बात बुलू, के नियाँव के देसे, जबे पंणमिशवर तेसी नंगर खे सजा देला, तअ सेजी सजा सदोम, अरह् अमोरा के नगर, शे भे जादा बुरी हंदी।”

मत्ती 10:15 ပူးပေါင်းရင်းမြစ်များ

मत्ती 12:36

औरौ हांव तुऔं खै बुलू, की जू-जू बुरी बातौ आदमी बौलल़ै, न्याय कै दूसै हर ऐक बातौ का लैखा दैंदै।

मत्ती 5:18

जिथुकै हांव तुऔं खै साचौ बुलू, कै जांव तौड़ी गौयण औरौ धोरती टोल़े ना जांव, यानी पौरमेशवर कै कानून दै सौबै मकसद पूरै ना हौए जांव तांव तौड़ी पौरमेशवर कै कानून मुंजीदा किछै बै इथै तौड़ी कै ऐक मात्रा या ऐक बिन्‍दु बै ना टौल़दा।

मत्ती 7:22

न्याय कै दूसै मुखै बैजाए लोग बौलदै, ‘ओए रै प्रभु, ओए रै प्रभु, का आमुए तैरै नांव शै पौरमेशवर की ढौबौशी बातौ ना बोताई, औरौ तैरै नांव शै दुष्टआत्मा खै ना निकाल़ी औरौ तैरै नांव शै बौहितै चौमत्कार कै काम ना कौरी?’

मरकुस 6:11

जैसी जौगैह कै लोग तुऔं खै ना अपनांव, औरौ तुंआरी ना शुणौ, तिथैदै हांडदै बैई आपणै तलवे कै धूल झाड़ै दैया, ऐजै बात तिनु चिताणो कारिए औसौ कि लोग पौरमेशवर कै औरौ शै भैटणौ वाल़ै सौजा कारिए आपी जुमैवार औसौ।

यूहन्ना 12:48

जू मुखै बैकार सौमझौ, औरौ मैरी बातौ ना शुणौ तैसका न्याय कौरणौवाल़ा ऐक औसौ: यानी जू बातौ मोऐं बौल़ै रैई, सै तैसीकै न्याय कै दूसै दोषी ठोहरांदी।

यूहन्ना 6:39

औरौ मैरै भैजणौवाल़ै खै इछा ऐजी औसौ कै जू किछै तैणै मुखै दैय राए तिथमुंजी दौ हांव किछै ना खोऊं, पौरौ तैसी आखरी दूसै हौजौ मौरेयौंदे मुंजीदै जियुंदै कौरे दियु।

यूहन्ना 6:40

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

प्रेरितो कै काम 17:31

जिथुकै तैणै ऐक दूस ठोराए राए, जिंदै सै तैसी आदमी लैई धार्मिकता शै दुनिया का न्याय कौरदा, जैसी तैणै ठोराए राए, औरौ तैसी मौरेयौंदे मुंजीदा जियुंदा कौरेयौ कै इयौं बातौ का सबूत सौबी लोगौ खै दैय राए।”

1 कुरिन्थियों 3:13

पौरौ न्याय कै दूसै जोबै मसीह औटेयौ पाछु आन्दा, तौ आग सौबी आदमी कै कामौ कै गुणो कै दिखांदी। जै कोसी आदमी कै कामौ कै कुणजै कीमत औसौ तौ सैजौ आग दिखांदी।

1 थिस्सलुनीकियों 5:4

पौरौ ओए रै मैरै बिशवाशी भाईयों, तुऐं इनारै दै ना आथी, कै प्रभु यीशु कै औटेयौ आणौ को दूस तुऔं पांदी चोर कै जैशणा एकदम आए जांव।

इब्रानियों 10:25

आव आमै पौरमेशवर कै आराधना कौरणौ कारिए कौठा हौणा बंद ना कौरौ जैशै किछै लोगै कौरे लो। जैशैकै कैतरै कै भोवार औसौ, पौरौ आमु ऐकी दूजै खै हिम्मत औरौ चैतावणी दैणी चैंई, खास कौरेयौ ऐबै कै जोबै कै प्रभु कै औटेयौ पाछु आणौ कौ दूस नेड़िक आन्दौ लागै रौ।

2 पतरस 2:6

तुऐं ऐजौ बै जाणौए कै बैजाए सौमय औगौड़ियौ पौरमेशवरे सदोम औरौ अमोरा कै शहरो दै रौणौवाल़ै लोगौ खै सौजा दै जिथुकै तिनुऐ बुरै काम कौरे राए थिए। इथकारिए तैणै तिनु पूरी तरह शै भस्म कौरे दियै जांव तौड़ी कै सिरफ राख ना रौए गौई। ऐशै कौरेयौ तैणै दिखोऊ कै तिनु लोगौ कौ का हौंदौ जू तैसका डौर ना मानौ।

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।

2 पतरस 3:7

जैशैकै पौरमेशवरे धोरती कै बाणणौ कै आज्ञा दैय राए थी, तैशैखैई तैणै आज्ञा दी कै इबी दुनिया तांव तौड़ी बौणैयौंदे रौंव जांव तौड़ी सै तिनु आगै लैई जोल़ाए ना दैंव तैणै तिनु तैसी दूसौ तौड़ी राखै राए जौल़ौ सै सौबी लोगौ का न्याय कौरला औरौ तिनु लोगौ का नाश कौरे दैन्दा जू तैसकै इज्जत ना कौरौ।

1 यूहन्ना 4:17

इथी लैई प्यार आमुदा पूरा हौं कै, न्याय कै दूसै आमु हिम्मत भैटौ कै पौरमेशवर आमु सौजा ना दैंदा, जिथुकै मसीह कै जैशणै आमु ओकीआरी प्यार कौरु औरौ इयौं दुनिया दै यीशु मसीह कै जैशणै रौंव।

यहूदा 1:6

याद कौरौ कै प्रभुए तिनु स्‍वर्गदूतौ खै कैशै सौजा दै, जिनुवै आपणै औधिकार कै ना निभैई, पौरौ तिनुऐ आपणै ठाँव कै छोड़े दियै। प्रभुए इनु स्‍वर्गदूतौ खै इनारै कै ठाँव पांदी राखै राए, औरौ ऐशणी शांगुल़ी लैई बानै राए जियौं कुणिए ना तौड़ै सौकौ ताकि महान दूसौ पांदी तिनका न्याय हौए सौकौ।

यहूदा 1:7

इनु इस्राएली लोगौ औरौ स्‍वर्गदूतौ कै जैशणै, तिनु लोगौ खै याद राखौ जू सदोम औरौ अमोरा औरौ तिनकै आंडे-पांडे कै शहरो दै रौंव थिए कै तिनकै साथै का हौए रौ थियु। सैजै लोग गौलत सौमबंध बाणणौवाल़ै हौए रौवै थिए औरौ कैई भान्त कै गौलत काम लैई भोरै रौवै थिए। इथकारिए पौरमेशवरे तिनु आग शै नाश कौरे राए। तिनकै साथै जू हौ सैजौ झूठै शिक्षको कारिए ऐक चैतावणी बौणै गौए कै तिनु बै सौदा कै आग शै सौजा भैटदै।