मत्ती 10:1 - सिरमौरी नौवाँ नियम

¹ तोबै तैणै आपणै बारौ चैलै खै आपणै धोरे बोईदै औरौ तिनु दुष्टआत्मा पांदी औधिकार दिया, कै तिनुखै निकाल़ौ औरौ सौबी भान्त की बीमारियों औरौ कमजोरी खै दूर कौरौ।

Sirmouri

¹ तबे प्रभू यीशू ऐ आप्णे बारंह् चैले खे हंक-अधिकार दिता, के से दुष्ट-आत्त्मा नीकाल़ो, अरह् लोगों की सात्त-भाँत्ती बीमाँरी-कंमजूरी, दूर करह्।

मत्ती 10:1 ပူးပေါင်းရင်းမြစ်များ

मत्ती 19:28

यीशुए तिनुखै बौल़ौ, “हांव तुऔं खै साचौ बुलू, की नोऐं दुनिया दा जोबै आदमी का बैटा आपणै महिमा कै सिंहासन पांदी बोठला, तौ तुऐं बै जू मैरै चैलै औसौ, बारौ सिंहासन पांदी बोठेयो इस्राएल देश कै बारौ गोत्रो का न्याय कौरदै।

मत्ती 26:20

जोबै फिरै हौए गौ तोबै यीशु बारौ चैलै कै साथै खाणौ खांदा बोठा।

मत्ती 26:47

यीशुए ऐजौ बौल़ै ही लौ थियु, कै यहूदा इस्‍करियोती जू बारौ चैलै मुंजीदा ऐक थिया, ओऊवा तैसकै साथै मुख्य यहूदी पुरोहित औरौ बुड़ेईको कै ढौबौशै बौड़ी भीड़ौ, तलवार औरौ हथियार लोयो ओऊवे।

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

मत्ती 9:35

तोबै यीशु औरौ तैसकै चैलै गलील जिले कै शहरो औरौ गांव शै हौयौ हौटै, औरौ तिनकै यहूदी सभा-घोर मुंजी उपदैश दैंदा, औरौ पौरमेशवर कै राज्य का सुसमाचार प्रचार कौरदा, औरौ हर भान्त की बीमारी औरौ कमजोरियों खै दूर कौरदा रौआ।

मत्ती 9:38

इथकारिए, फसल कै मालिक शै प्रार्थना कौरौ कै सै जादा शै जादा लोगौ कै पौरमेशवर कै राज्य कै बारै मुंजी बौताणौ कै भेजो।”

लूका 10:19

मोऐं तुऔं खै शोंगोऊं औरौ बिछुओं कै जेंगणो का, औरौ बौयरै की सौबै अनौखी शौकतै पांदी औधिकार दिया, औरौ कियौंई बै चीज़ौ लैई तुऔं कै किछै बै नुकसान ना हौंदा।

लूका 21:15

जिथुकै हांव तुऔं ऐशणा बौल औरौ बुध्‍दि दैंदा कै तोंवारै सौबै दुशमन तोंवारा सामणा ना कौरे सौकौ।

लूका 24:49

औरौ हांव आपी तुऔं दै पवित्र आत्मा कै छाड़दा, जैसीकै छाड़णौ का वादा मैरै बापूए कौरे राए। पौरौ जांव तौड़ी तुऔं स्वर्ग पौरैशै अनौखी शौकतै ना भैटौ, तांव तौड़ी इयौंई नोगरो दै रौकैयौंदे रौव।”

लूका 6:13

जोबै दूस हौ, तोबै तैणै आपणै चैलै कै बौएदैयौ तिनुमुंजी दै बारौ चैलै चोणे दिए, औरौ तिनुकै चोणेयौंदे चैलै बौल़ै।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:27

यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

यूहन्ना 6:70

यीशुए तिनुखै जवाब दिया, “मोऐं ही तुऔं बारौ चैलै खै ना चोणे रैई। तोबै बै तुऔं मुंजीदा ऐक आदमी शैतान कै कब्जे दा औसौ।”

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 19:15

पौरौ दुष्टआत्माएं जवाब दिया, “यीशु खै हांव जाणुए, औरौ पौलुस खै बै पौछेयाणुए; पौरौ तुऐं कुण औसौ?”

प्रकाशितवाक्य 12:1

जोबै सैजौ खत्म हौए गौ, तौ तिथै ऐक अनौखा निशान थिया जू गौयण दा दैखा जाए सौकौ थिया। जिथुकै चांद पांदी खौड़ै हौएयौंदी ऐक बैटमाणिश प्रकट हौए जियैं ऐशणै लुस्कै बाम्बै राए थिए जू सुरज कै जैशणै चौमकौ थिए। तियैं आपणै मुंडौ पांदी ऐक मुकुट लाए राए थियु जिंदै बारौ तारै थिए।