लूका 9:51 - सिरमौरी नौवाँ नियम

⁵¹ जोबै यीशु कै स्वर्ग उठाए जाणौ कै दूस नेड़िक थिए, तौ तैणै यरूशलेम शहर जाणौ का पाका विचार कौरा।

Sirmouri

⁵¹ जबे प्रभू यीशू के स्वर्गो दे ऊँबे ज़ाँणों के देसो नंजीक आऐ; तअ तबे तिन्ऐं यरूशलेम खे ज़ाँणों का पाक्का बिचार करा।

लूका 9:51 ပူးပေါင်းရင်းမြစ်များ

मरकुस 16:19

चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

लूका 12:50

मुखै तावल़ी खतरनाक पीड़ो सैहन कौरणी पौड़दी, औरौ जौल़ौ तौड़ी सैजी पीड़ो ना हौंव, तौलौ तौड़ी हांव बौहुता बैचैन हौंदा।

लूका 13:22

यीशु आपणै चैलै कै साथै नोगरो-नोगरो औरौ गांव-गांव दा जाऐबा उपदैश दैंदै बैई यरूशलेम शहर कै ढौबौ जांदा लागै रौआ थिया।

लूका 17:11

जोबै यीशु औरौ तैसकै चैलै यरूशलेम शहर जांदै बैई सामरिया प्रदेश औरौ गलील जिले कै सैयानै बाटी जांदै लागै रौवै थिए।

लूका 18:31

तोबै तैणै बारौ चैलै कै साथै नियौ तिनु बौल़ौ, “आमु यरूशलेम शहर खै जांदै लागै रौवै, औरौ जिशैक बातौ मुं आदमी कै बैटै कै बारै मुंजी पौरमेशवर कै बातौ बौताणौवाल़ै लैखै रैई, सै सौबै पूरी हौंदी।

लूका 19:11

जोबै लोगै ऐजौ शौणै लोव थियु, तोबै यीशु आपणी बातौ बौलदा रौआ औरौ तिनु ऐक उदारण दिया, जिथुकै सै यरूशलेम शहर कै नेड़िक थिया, औरौ लोगौ कै जाणियुं कै पौरमेशवर का राज्य शट आन्दा लागै रौआ।

लूका 19:28

ऐजी बातौ बौलेयौ यीशु यरूशलेम शहर कै ढौबौ आपणै चैलै कै साथै आगु हौटै गौआ।

लूका 24:51

औरौ तिनु आर्शीवाद दैंदै बैई यीशु तिनुदा जौई हौए गौआ, औरौ स्वर्ग दा ऊबा निया।

लूका 9:57

जोबै सै बाटौ पुंडे चालै रौवै थिए, तौ कोसीए तैसीकै बौल़ौ, “हांव तैरा चैला बोणणौ कारिए तैरै साथै हांडणा चोऊं।”

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 16:28

हांव पिता पौरमेशवर कै ढौबौशा दुनिया दा आए रौआ, हौजौ दुनिया कै छोड़ेयौ पिता पौरमेशवर कै धोरे पाछु जांदा लागै रौआ।”

यूहन्ना 16:5

“पौरौ ऐबै हांव आपणै भैजणौवाल़ै पौरमेशवर कै धोरे चालै रौआ औरौ ऐबै तुऔं मुंजीदै कुणिए मुं कैईंदु ना पूछौ, ‘तू कुकै चालै रौआ?’

यूहन्ना 17:11

ऐबै हांव दुनिया पांदी ना रौंदा, हांव तैरै धोरे आन्दा लागै रौआ, पौरौ मैरै चैलै इबी बै दुनिया पांदी औसौ। ओए रै पवित्र पिता, आपणै नांव कै शौकतै लैई तिनकै रक्षा कौर, जू तुऐं मुखै दैय राए, कै सैजै ऐक हौंव जैशै आमु ऐक औसौ।

यूहन्ना 6:62

जै तुऐं मुं आदमी कै बैटै खै जिथै सै आगै स्वर्ग दा थिया, तिथै दुजाल़ियो ऊबै जांदै बैई दैखलै, तौ का हौंदौ?

प्रेरितो कै काम 1:2

इदा आगै कै पौरमेशवर तैसीखै स्वर्ग दा लोए गौआ, तैणै आपणै चोणेयौंदे चैलै खै पवित्र आत्मा की शौकतै शै तिनुखै आदैश दियै।

प्रेरितो कै काम 1:9

ऐजौ बौलणौ कै बाद यीशु तिनुकै दैखदै-दैखदै पौरमेशवरे तैसीखै स्वर्ग दा ऊबा निया, औरौ ऐकी बादल़ो की बौजैह शै तैसकै चैलै कै तैसी दैखी ना।

इफिसियों 1:20

जू तैणै मसीह कै बारै मुंजी कौरे रैई, कै तैसीकै मौरेयौंदे मुंजीदा जियुंदी कौरेयौ स्‍वर्ग कै ठाँव दा आपणै सोऐं ढौबौ बौठालेयो।

फिलिप्पियों 3:14

हांव बौड़ी खुशी शै आपणै मकसद कै ढौबौ दौडु़, ताकि हांव स्वर्ग दा सैजा इनाम पाए सौकु जिथकारिए पौरमेशवरे आमु यीशु मसीह दै बौएदै राए।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

इब्रानियों 6:20

यीशु आमुदा आगै औरौ अमारै खातिर स्वर्ग दा हौटा। सै महापुरोहित मलिकिसिदक कै जैशणा सौदा कारिए महायहूदी पुरोहित बौणै गौआ।

1 पतरस 3:22

औरौ सै स्वर्ग खै हौटै गौआ। ऐबै सै तिथै पौरमेशवर कै सोऐं ढौबौ सौबी दै खास ठाँव पांदी औसौ, औरौ सै सौबी स्‍वर्गदूतौ औरौ सौबी औधिकारी औरौ शौकतै पांदी राज कौरौ।