लूका 9:47 - सिरमौरी नौवाँ नियम

⁴⁷ पौरौ यीशुए तिनकै मन कै विचार जाणै पाए, औरौ ऐकी भेइया खै लोयो आपणै धोरे खौड़ा कौरा।

Sirmouri

⁴⁷ प्रभू यीशू ऐ तिन के मंन-सासो के बात जाँणी पाऐ, अरह् ऐक नहाँन्ड़िया तिन्ऐं आपु कैई बऐदियों खड़ो करो।

लूका 9:47 ပူးပေါင်းရင်းမြစ်များ

मत्ती 12:15

ऐजौ जाणैयौ यीशु तिथैदा हौटै गौआ, औरौ बैजाए लोग तैसकै पौछौड़ियौ हौटै गौवै; औरौ तैणै सौबी खै ठीक कौरे।

मत्ती 9:4

यीशुए तिनकै मनो की बातौ जाणैयौ तिनु बौल़ौ, “तुऐं आपणै-आपणै मनो दै बुरै विचार किथुखै कौरे लौवै?

लूका 5:22

यीशुए तिनकै मनो की बातौ जाणैयौ तिनु बौल़ौ, “तुऐं आपणै-आपणै मनो दै बुरै विचार किथुखै कौरे लोऐ?

यूहन्ना 16:30

ऐबै आमै जाणै गौवै, कै तू सौबै ठुँ जाणै, औरौ ताखै कोसी कै जौरुरत ना आथी कै कुणिए तुंआदै सवाल पूछौ, इथकारिए आमुए बिशवाश कौरु, कै तू पौरमेशवर की ढौबौशा आए रौआ।”

यूहन्ना 2:25

औरौ तैसीखै कोसी कै जौरुरत ना थी, जू तैसीकै लोगौ कै बारै मुंजी बौतांव जिथुकै सै जाणौ थिया तिनकै दिलो औरौ इरादै दो का थियु।

यूहन्ना 21:17

यीशुए तिजाल़ियों बौल़ौ, “ओए रै शमौन यूहन्ना का बैटा का तू मुं आरी प्यार कौरे?” पतरस उदास हौआ, कै यीशुए तिजाल़ियों तैसीखै ऐशै बौल़ौ, “का तू मुं आरी प्यार कौरे?” औरौ तैणै तैसी बौल़ौ, “ओए रै प्रभु तू तौ सौबै जाणै: तू ऐजौ बै जाणै कै हांव तांवआरी प्यार कौरु।” यीशुए तैसी बौल़ौ, ऐक चौराईया कै जैशणै मैरै लोगौ की जौरुरतौ कै पूरी कौर।

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

इब्रानियों 4:13

औरौ दुनिया कै कुणजै चीज़ पौरमेशवर शै छिपै ना रैई, जू किछै बै आमुए आपणै जीवन दौ कौरे राए, आमु तैसी हर काम का हिसाब दैणा पौड़दा, जिथुकै तैसकै सामणै सौबै चीज़ौ खोल़ेयौंदी औरौ प्रकट औसौ।

प्रकाशितवाक्य 2:23

हांव तिनु लोगौ खै मारै दैंदा जू तियौं की शिक्षाओं खै मानौ, औरौ सौबै कलीसियाएं जाणै पांदी कै हांव ही औसौ जू हरेक आदमी कै विचारो औरौ मकसदो कै परख कौरु। हांव तुऔं मुंजीदै हरेक कै तिनकै कामौ कै हिसाब शै फोल़ दैंदा।