लूका 9:29 - सिरमौरी नौवाँ नियम

²⁹ जोबै तैणै प्रार्थना कौरे लोए थी, तौ तैसकै मुँह का भैष बौदलै गौआ, औरौ तैसकै खोटणो चिटै हौयौ चौमकौन्दै लागै।

Sirmouri

²⁹ जबे प्रभू यीशू ऐ प्रार्थना करी ही लई थी, तअ तिन के मुँहों च़ैहेरे का रूप बद्ल़ी गुवा; अरह् तिन का च़ूग्गा चीट्टा-शाँख्ल़ा अरह् चंमक्दा लागा।

लूका 9:29 ပူးပေါင်းရင်းမြစ်များ

मत्ती 17:2

औरौ तिनकै सामणै तैसका भैष बौदलै गौआ, औरौ तैसकौ मुँह सुरज कै जैशणौ चौमकौ औरौ तैसकै खोटणो पेयाशै कै जैशणै उजल़े हौए गौवै।

मरकुस 16:12

तैसी दूसै कै बाद दै यीशु आपणै दु चैलै कै तिनुकै ओकी भैषो दा दैखिया, जौल़ौ सै गांव कै ढौबौ जांदै लागै रौवै थिए।

लूका 3:21

जोबै सौबी लोगै बपतिस्मा लौआ, औरौ यीशु बै बपतिस्मा लोयो प्रार्थना कौरे लोए थी, तोबै स्वर्ग खौलै गौ।

लूका 5:16

पौरौ सै शुनशान जौगैह दा इकली जाऐबा प्रार्थना कौरौ थिया।

लूका 6:12

तिनी दूसौ दा यीशु धारो पांदी प्रार्थना कौरदा हौटा, औरौ पौरमेशवर शै प्रार्थना कौरणौ दै पोरे रात बिताई।

लूका 9:18

जोबै तैणै इकली दै प्रार्थना कौरे लोए थी, औरौ चैलै तैसकै साथै थिए, तौ तैणै तिनुआदो पूछु, “लोग मुखै का बौल़ौ?”

लूका 9:30

तोबै, मूसा, औरौ एलिय्याह ऐजै दो आदमी तैसकै साथै बातौ कौरदै बैई दैखियै।

यूहन्ना 1:14

औरौ वचन ऐक आदमी बौणा, औरौ अनुग्रह औरौ सौचाई शै परिपूर्ण हौयौ अमारै बीच मुंजी डैरा कौरा, औरौ तैसकै महान दया ऐशणै थी, जैशैखै पौरमेशवर की ढौबौशै आएयौंदे इकलोतै बैटै कै महिमा।

प्रेरितो कै काम 6:15

तोबै सौबी लोगै जू महासभा दै बौठै रौवै थिए, तैसकै ढौबौ टकटकी लायौ दैखौ औरौ तैसका मुँह स्‍वर्गदूत कै मुँह जैशणा चौमकेयौंदा दैखा।

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।