लूका 9:18 - सिरमौरी नौवाँ नियम

¹⁸ जोबै तैणै इकली दै प्रार्थना कौरे लोए थी, औरौ चैलै तैसकै साथै थिए, तौ तैणै तिनुआदो पूछु, “लोग मुखै का बौल़ौ?”

Sirmouri

¹⁸ जबे प्रभू यीशू ऐक्लाल़े दे प्रार्थना कर्दे लागे, तअ चैले भे तिन की गईलो थिऐ, तबे प्रभू यीशू ऐ चैले शो पुछो, “लोग मुँखे का बुलो?”

लूका 9:18 ပူးပေါင်းရင်းမြစ်များ

मत्ती 14:23

सै लोगौ खै डियाल़ेयो, आपी प्रार्थना कौरणौ कै धारो पांदी हौटै गौआ; औरौ बैल़खै दा सै तिथै इकली थिया।

मत्ती 26:36

तोबै यीशु आपणै चैलो कै साथै गतसमनी नामक ऐकी जौगैह दै आए, औरौ तैणै आपणै चैलै खै बौल़ौ, “इथी ही बौठै रोऐया, जांव तौड़ी कै हांव तिथै जायौ प्रार्थना कौरु।”

लूका 11:1

ऐकी दूसै यीशु कोसी ठाँव दै प्रार्थना कौरे लोए थै। औरौ जोबै तैणै प्रार्थना कौर पाए, तौ तैसकै चैलै मुंजीदै ऐकीए तैसी बौल़ौ, “ओए रै प्रभु, जैशैकै यूहन्नाए आपणै चैलै कै प्रार्थना कौरणै शिखाए राए तैशैकैई तू आमुखै बै शिखाए दै।”

लूका 3:21

जोबै सौबी लोगै बपतिस्मा लौआ, औरौ यीशु बै बपतिस्मा लोयो प्रार्थना कौरे लोए थी, तोबै स्वर्ग खौलै गौ।

लूका 6:12

तिनी दूसौ दा यीशु धारो पांदी प्रार्थना कौरदा हौटा, औरौ पौरमेशवर शै प्रार्थना कौरणौ दै पोरे रात बिताई।

लूका 9:19

तिनुऐ जोवाब दिया, “यूहन्ना बपतिस्मा दाता, पौरौ कुणिए-कुणिए एलिय्याह; औरौ कुणिए ऐजौ बै कै पुराणै पौरमेशवर कै बातौ बौताणौवाल़ै मुंजीदा कुणिए ऐक जियुंदा हौए गौआ।”

लूका 9:28

इनु बातौ कै आठ दूसौ बाद सै पतरस, औरौ यूहन्ना, औरौ याकूब खै आपणै साथै नियौ प्रार्थना कौरणौ कारिए ऐकी धारो पांदी हौटै गौआ।

लूका 9:29

जोबै तैणै प्रार्थना कौरे लोए थी, तौ तैसकै मुँह का भैष बौदलै गौआ, औरौ तैसकै खोटणो चिटै हौयौ चौमकौन्दै लागै।