लूका 9:16 - सिरमौरी नौवाँ नियम

¹⁶ तोबै तैणै सैजी पाँच रोटी औरौ दो माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैंदा लागा।

Sirmouri

¹⁶ तबे प्रभू यीशू ऐ सेजी पाँच रोटी अरह् दो माछ़ी आप्णी हाथो दी कअरी, अरह् स्वर्गो के ढबे दे:खियों धन्यबाद कअरा, अरह् सैजी रोटी, माछ़ी च़ुड़ी-चूड़ियों चैले कैई देंदे रूऐ, जू चैले तिनू लोगो खे बाँडो।

लूका 9:16 ပူးပေါင်းရင်းမြစ်များ

मत्ती 14:19

तोबै यीशुए लोगौ खै घासो पांदी बौठणौ खै बौल़ौ, औरौ तिनी पाँच रोटी औरौ दु माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैन्‍दा लागा, औरौ चैलै लोगौ खै दी।

मत्ती 15:36

औरौ तिनु साती रोटी औरौ माछी कै उंढी कौरी औरौ पौरमेशवर का धन्यवाद कौरेयौ तुड़ी, औरौ आपणै चैलै खै दैंदा लागा औरौ चैलै लोगौ खै।

मरकुस 7:34

औरौ स्वर्ग कै ढौबौ दैखैयो शुशकार भोरा, औरौ तैसी आदमी खै बौल़ौ, “इप्फतह!” यानी “खोले जा!”

लूका 22:19

तोबै तैणै रोटी कौरी, औरौ पौरमेशवर का धन्यवाद कौरेयौ तुड़ी, औरौ तिनुखै एजो बौलेयौ दी, “ऐजा मैरा शोरीर औसौ, जू तुऔं कारिए दैय जांव: मैरै याद कारिए ऐशैखैई कौरेया।”

लूका 24:30

जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा।

लूका 9:15

तिनुऐ ऐशैखैई कौरौ, औरौ सौबी कै बौठाल़े दिए।

लूका 9:17

तोबै सौबै खाएयो छौकै गौवै, औरौ चैलै बौचेयौंदे टुकड़ै की बारौ शैकड़ी भोरेयो टिपी।

यूहन्ना 6:11

तोबै यीशुए रोटी कौरी औरौ पौरमेशवर का धन्यवाद कौरेयौ खै बोठणोवाल़ै खै बांडै दी, औरौ ऐशैखैई माछी बै जिशै सै चांव थिए बांडै दी।

यूहन्ना 6:23

तौ हौजौ बै ठिकड़ी किश्तीया तिबिरियास शहर शै तैसी जौगैह कै नेड़िक आई, जिथै तिनुऐ प्रभु खै धन्यवाद कौरणौ कै बाद रोटी खैई थी।

प्रेरितो कै काम 27:35

औरौ ऐजौ बौलेयौ तैणै रोटै कोरयो सौबी खै सामणै पौरमेशवर का धन्यवाद कौरा औरौ तौड़ेयो खांदा लागा।

रोमियों 14:6

जू कुणिए बै कोसी दूस कै मानौ, तौ सै ऐशैखै इथकारिए कौरौ जिथुकै सै प्रभु का आदर कौरणा चांव, जू मांसहारी औसौ, सै प्रभु कारिए औसौ, औरौ जू निर्मांसी औसौ सै बै प्रभु कारिए औसौ औरौ पौरमेशवर का धन्यवाद कौरौ।

1 कुरिन्थियों 10:30

जै हांव पौरमेशवर कै धन्यवाद दैयौ मूर्तियों खै चौढ़ाएयौंदो खाणौ दा शामिल होऊं तौ तिथ कारिए मुं पांदी दोष किथु लाए जांव, जिथकारिए मोऐं पौरमेशवर कै प्रति धन्यवाद प्रकट कौरा।

1 कुरिन्थियों 11:24

औरौ धन्यवाद कौरेयौ रोटी तौड़ी, औरौ बौल़ौ, “ऐजै रोटी मैरै शोरीर खै दिखांव, जू तोंवारै उध्दार कै खातिर बलिदान कौरे जांदा: मैरी मौत खै याद कौरणौ कै खातिर ऐजौ लगातार ऐशैखैई कौरेया।”