लूका 8:3 - सिरमौरी नौवाँ नियम

³ औरौ राजा हेरोदेस कै भण्‍डारी खोजा की घोरवाल़ी यूहन्ना औरौ सूसत्राह औरौ बौरिशी ओकी बैटमाणिशौ थी, जू यीशु औरौ तैसकै चैलै कै आपणी जोमीन जायदात शै तैसकै सेवा कौरौ थी।

Sirmouri

³ अरह् हेरोदेस का भडारी खुज़ा के घरवाल़ी योन्ना, अरह् सूसन्नाह, अरह् ऊकी भे बैजाऐ भहती तिरंई थी। जुण्जी आप्णी घरोऊँची शो खर्च करियों प्रभू यीशू अरह् तिन के चैले के सेंवा करह् थी।

लूका 8:3 ပူးပေါင်းရင်းမြစ်များ

मत्ती 14:1

तैसी सौमय दै चौथाई देश का राजा हेरोदेसे यीशु कै चौर्चा शौणै।

मत्ती 14:3

जिथुखै हेरोदेस राजाए आपणै भाई फिलिप्पुसे कै घोरवाल़ी हेरोदियास कै बौजैह शै, यूहन्ना बपतिस्मा दाता खै थाम्बैयौ बानै दिया, औरौ कोयदखाने दा पाए दिया।

मत्ती 14:6

पौरौ जोबै हेरोदेस राजा का जन्म दूस ओऊवा, तौ हेरोदियास कै बैटीए जन्म दूसौ कै खुशी पांदी नाचेबा हेरोदेस राजा खै खुश कौरा।

मत्ती 2:11

औरौ तिनुऐ तैसी घोरो दै जाएयो तैसी बैटै खै तैसकै माँ मरियम कै साथै दैखा, औरौ तिनुऐ झोकैयौ तैसी बैटै खै ढाल़ कौरे, औरौ आपणा-आपणा झोल़ा खौलेयौ तैसीखै सूनु, लोबान औरौ गन्‍धरस कै भैंट चौढ़ाए।

मत्ती 20:8

“बैल़खै अंगूरो कै बाग कै स्वामीए आपणै भण्‍डारी खै बौल़ौ, ‘मजदूरो खै बोइदो जू झीशो औरौ जू बैल़खै कै काम कौरणौ कारिए बौएदै राए थिए, तिनु सौबी कै धियाड़ी दैय दैंव।’

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 26:11

कंगाल तौ तोंवारै साथै सौदा रौंव, पौरौ हांव तोंवारै साथै सौदा ना रौंदा।

मत्ती 27:55

तिथै बौहिती बैटमाणिशौ जू गलील जिले शै यीशु कै सेवा कौरदी बैई तैसकै साथै आए रैई थी दूर दु ऐजौ सौबै दैख लो थियु।

लूका 24:10

जिनुवै चोणेयौंदे चैलै कै ऐजी बातौ बुली, सै मगदेला गांव कै मरियम औरौ यूहन्ना औरौ याकूब कै माँ मरियम औरौ तिनकै साथै कै ओकी बैटमाणिशौ बै थी।

यूहन्ना 12:6

तैणै ऐजै बात इथकारिए ना बुली कै तैसीखै कंगालो कै परवाह थी, पौरौ इथकारिए कै सै चोर थिया, औरौ तैसीकैईं तिनकी पौयसै की थोली थी औरौ तिंदु जू किछै पांव थिए, सै तिथु उंडु घाड़ो थिया।

प्रेरितो कै काम 13:1

अन्‍ताकिया शहर कै कलीसिया दै कैई पौरमेशवर कै बातौ बौताणौवाल़ै औरौ उपदैशक थिए; जैशै बरनबास औरौ शमौन तैसकौ औकौ नांव नीगर थियु; जिथका मतलब औसौ काल़ा आदमी औरौ लुकियुस कुरेनी औरौ चौथाई देश कै राजा हेरोदेस का दूधभाई मनोहम औरौ शाऊल।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

फिलिप्पियों 4:22

सौबै पवित्र लोग खास कौरेयौ जू महाराजा कै महल दै जू बिशवाशी औसौ तुऔं खै नमशकार बौल़ौ।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।