लूका 8:28 - सिरमौरी नौवाँ नियम

²⁸ तैणै यीशु खै दैखैयो लैरौ मारी, औरौ तैसकै सामणै लातो पांदी पौड़ेयौ जोर शै बौल़ौ, “ओए रै शौकतीशाली पौरमेशवर का बैटा यीशु, अमारै तांव आरी कुणजाई लैणा दैणा ना आथी? हांव तुंआदै बिन्ती कौरु, कै मुखै पीड़ो नै दै।”

Sirmouri

²⁸ से प्रभू यीशू दे:खियो लेल्याऐया, अरह् तिन के साम्णिऐ ढाल-अरज करियों जुराल़ो बुल्दा लागा; “हे यीशू! परंमपिता पंण्मिश्वर का बैटा! मुँह कैई शा तुवाँरे का काम असो? हाँव तुओं कैई शी बिनत्ती करू, के मुँह ने सताऐ।”

लूका 8:28 ပူးပေါင်းရင်းမြစ်များ

मत्ती 8:29

औरौ दैखौ, तिनुऐ लैरौ मारैबा बौल़ौ, “ओए रै पौरमेशवर का बैटा, अमारै तांवआरी कुणजाई लैणा दैणा ना आथी? औरौ का तू सौमय दा आगै आमुखै दुख दैंदा इथै आए रौआ?”

लूका 8:27

जोबै यीशु किनारे पांदी उतरा तौ तैसी नोगरो का ऐक आदमी तैसीखै भैटा जैसदी दुष्टआत्माएं थी। सै बौहितै दूसौ दा उंडा ना तौ खोटणो बांबो थिया औरौ ना ही घोरो दा रौंव थिया, पौरौ कब्रो दा रौंव थिया।

लूका 8:29

जिथुकै यीशुए दुष्टआत्माओं खै तैसी आदमी पौरैशै निकल़णौ कै आज्ञा दैय राए थै। औरौ सै तैसीकै बार बार पाकड़ो थी, औरौ जू लोग तैसीकै शांगुल़ी औरौ बेड़ियों लैई बानौ थिए, तोबै बै सै बानौण तौड़ै दैंव थिया, औरौ दुष्टआत्मा तैसीकै शुनशान जौगैह दा दौड़ांव फिरांव थी।

याकूब 2:19

ताखै बिशवाश औसौ कै ऐकैई पौरमेशवर औसौ; तू आछौ कौरे, दुष्टआत्मा बै ऐशणा बिशवाश राखौ, औरौ कामणैयौ डौरौए।

2 पतरस 2:4

तुऐं जाणौए कै बैजाए सौमय औगौड़ियौ जोबै किछै स्‍वर्गदूतै पौरमेशवर कै आज्ञा ना मानी, तौ तैणै तिनु तिनकै कौरेयौंदे कै सौजा दै। तैणै तिनु नरक दै फेरकाए दियै, औरौ तिनुखै इनारै वाल़ै कोयदी दै तैसी दूस तौड़ी राखै राए जोबै सै तिनका न्याय कौरदा औरौ तिनु सौजा दैंदा।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

प्रकाशितवाक्य 20:10

इथकै बाद शैतान पाकड़ै जांदा, जैणै देश-देश कै लोगौ खै भरमाए औरौ तैसी गन्धक कै आग दा फेरकाए दैंदै, यानी तियौं आग दा जू झील कै जैशणै बौड़ै औसौ। राकस औरौ झूठै पौरमेशवर कै बातौ बौताणौवाल़ै खै आगै ही तिथै बैगाए राए थिए। औरौ तिथै तियौं आग दै तिनु हमैशा कारिए रात औरौ दूस सताए जांदै।