लूका 8:24 - सिरमौरी नौवाँ नियम

²⁴ तोबै चैलै तैसकै धोरे आयौ यीशु खै बिजाल़ा औरौ तैसीखै बौल़ौ, “ओए रै गुरु; आमै सौबै डुबदे रौवै लागै?” तोबै तैणै ऊबै बेजैबा ढौंड औरौ पाणी की फालो कै ताड़ौ औरौ सै रौकै गौ, औरौ शान्त हौए गौ?

Sirmouri

²⁴ तबे चैले प्रभू यीशू कैई आऐ, अरह् तिनू नींज़ो शे ऊबे बीऊँजाल़्दे लागे अरह् बुलो; “हे प्रभू-हे प्रभू आँमों बचाओ” आँमें तअ डुब्दे लागे। तबे प्रभू यीशू ऊबे बींऊँजे अरह् तिन्ऐ ढोढ-बागुर, अरह् झीलो की प्रचंन्ड फालो खे डाँटी-झाड़ दिती के थंबी ज़ाव, अरह् से तैख्णी शाँण्त्त हंई।

लूका 8:24 ပူးပေါင်းရင်းမြစ်များ

मत्ती 14:30

पौरौ हवा दैखैयो डौरे गौआ, औरौ जोबै डुबदा लागा औरौ जोर सै लैरौ मारैयौ बौल़ौ, “ओए रै प्रभु, मुखै बौचा।”

मत्ती 8:25

तोबै चैलै तैसकै धोरे आयौ तैसीखै बिजाल़ा औरौ बौल़ौ, “ओए रै प्रभु, आमुखै बौचा, आमै सौबै डुबदे लागै रौवै?”

मरकुस 4:39

तोबै यीशुए बिज़यो हवा खै ताडै़, औरौ फालो कै बौल़ौ, “चुपी हौए जा, ठोरै जा!” औरौ हवा चालणे रौकै गौए, औरौ ढौंड बिल्कुल चुपी हौए गौ।

लूका 4:35

यीशुए दुष्टआत्मा खै ऐजौ बौलेयौ झिड़की, “चुपी रौ औरौ ऐसी पौरैशै निकल़ै जा!” तोबै दुष्टआत्माएं तैसकै बीचो दा पोटकेयो बिना नुकसान पोऊंचाए तैसी पौरैशै निकल़ै गौए।

लूका 4:39

तैणै तियौंकै नेड़िक खौड़ै हौयौ ताप कै ताड़ा औरौ ताप उतरे गौआ, औरौ सै तावल़ै ऊबै बीजयो तिनकै सेवा कौरदै लागै।

लूका 5:5

शमौने तैसी जोवाब दिया, “ओए रै मालिक, आमुए सारी रात मैहनत कौरे पौरौ किछै ना भैटी; तोबै बै आमुए तैरै बौलणौ शै जाल फेरकोऊं।”

लूका 8:25

औरौ तैणै तिनु बौल़ौ, “तोंवारा बिशवाश कुकै थिया?” पौरौ सै डौरे गौवै, औरौ हैरान हौयौ आपी मुंजी बौलदै लागै, “ऐजा कैशणा आदमी औसौ? जू हवा औरौ फालो कै आज्ञा दैंव, औरौ सै तैसकी मानौए?”