लूका 8:2 - सिरमौरी नौवाँ नियम

² औरौ किछै बैटमाणिशौ बै तैसकै साथै थी, जिनु दुष्टआत्माओं औरौ बीमारियों शै छुड़ाए रैई थी। औरौ सैजी ऐजी औसौ; जू मगदेला गांव कै मरियम थी, जियौं पौरैशी सात दुष्टआत्मा निकाल़ै रैई थी।

Sirmouri

² अरह् किऐ तिरंई भे, जुण्जी दुष्ट-आत्त्मों अरह् रोग-बीमारी शी चाँग्गी हऐयों अजाद हई थी, अरह् सेजी तिरंई ऐजी थी: मरियम जियो खे मगदलेनी बुली थी, जियो शी प्रभू यीशू ऐं सात्त दुष्ट-आत्त्मा गाड़ी थी;

लूका 8:2 ပူးပေါင်းရင်းမြစ်များ

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मरकुस 16:1

जोबै विशांव कौ दूस बीतै गौ, तौ मगदेला गांव कै मरियम, औरौ याकूब कै माँ मरियम, औरौ सलोमी बोड़िया बांसोवाल़ौ तेल मोलै लोयो आई, तोबै यहूदी भोवार कै हिसाब शै यीशु कै लाशो पांदी मुल़ौ।

मरकुस 16:9

औयतवारे झीश हौंदै बैई जोबै यीशु मौरेयौंदे मुंजीदा जियुंदी हौए गौआ, तौ सौबिदा औगौड़ियौ मगदेला गांव कै मरियम खै दैखिया जियौं पौरैशी यीशुए पाछै सात दुष्टआत्माएं गाड़ै रैई थी।

लूका 23:27

लोगौ कै बौड़ै भीड़ तैसकै पौछौड़ियौ चालदै लागै: औरौ तिनुआरी बोरिशी बैटमाणिशौ बै थी, जू तैसी कारिए छाती पीटैयो रुओं थी।

लूका 23:49

औरौ तैसकै सौबै दोस्त औरौ जू बैटमाणिशौ गलील जिले शै तैसकै साथै आए रौए थी, दूर खौड़ै हौयौ जू किछै हौए रौ थियु, दैखै लौ थियु।

लूका 23:55

औरौ तिनु बैटमाणिशौ कै जू यीशु कै साथै गलील जिले पौरैशी आए रौए थी, तिनुऐ पौछौड़ियौ-पौछौड़ियौ जाऐबा तियौं कब्रो कै दैखै औरौ ऐजौ बै कै तैसकै लाश कुकै राखै राए।

लूका 8:30

यीशुए तैसीकैईं दु पूछु, “तैरौ का नांव औसौ?” तैणै बौल़ौ, “सैना” जिथुकै बौहिती दुष्टआत्मा तैसदी पिल़ची रोई थी।

यूहन्ना 19:25

यीशु कै क्रूसो कै धोरे तैसकै माँ, औरौ तैसकै माँ कै बोईण, मरियम जू क्‍लोपास कै घोरवाल़ी थी, औरौ मगदेला गांव कै मरियम खोड़ी थी।

प्रेरितो कै काम 1:14

तिनकै साथै तिथैशी बैजाए बैटमाणिशौ थी जिनुवै यीशु कै मौदद कौरे राए थै औरौ यीशु कै माँ मरियम तैसकै भाईयों कै साथै बौठेयो ऐक मन हौयौ प्रार्थना कौरेया कौरौ थिए।